Roma 2:8 - Vengo (Babungo)

⁸ Gə fɨ maa vɨɨ mbɨə faŋ vəŋ bɨꞌtə sheꞌ vənu və ŋwaa vəŋ, twey nu yinsəŋ Nwi, beꞌsə nu faŋ ŋkə kee lùu kəloomə me, fwi Nwi shə maa vəŋ ŋkee dɨdɨꞌ.

Roma 2:8 ပူးပေါင်းရင်းမြစ်များ

Roma 1:18

Fwi Nwi shə maa vɨɨ vənshə faŋ vəŋ twèy nu ki, yɨsə vənu vəbwəvə. Nsɔꞌ Nwi yiweꞌ fuu fɨ taa yizɔ, jìa vɨɨ vɔ́ faŋ vəŋ buulə̀ nu yinsəŋ, jìa luu vənu vəbwəvə.

Roma 10:16

Luu nə, nə kee zɔ̀nə vɨɨ Isirayl vənshə zɔ̀nə ntɔŋ yijəə yɔ́ me. Maa nshiiŋii-sɔghɔ Aysaya nə gì laa, «Mɔꞌmbi, sii nə bìŋ ndə bìŋ nu ŋkɨə faŋ yia gisə?»

Roma 15:18

Kaꞌ mə kee ka fwi, gì laa mə yɨsə nu Kristo saynə taa mbi, gə̀ vɨsɨ, maa laa mə gi laa nə yɨsə nshɨ-tɔ Kristo faŋ ŋwə faꞌ taa ŋwaa mə nə me. Nə yɨsə ŋwə buu vɨɨ tətɔŋ fu kɨ zɔnə ŋwə buꞌ yigisə nyaa nə vəfaꞌ vaŋ,

Roma 6:17

Mə bwaŋ Nwi buꞌ laa viŋ kee baa lùu vəbuꞌ tɨ́ nu bwə me. Viŋ nə luu vəbuꞌ tɨ́ nu bwə, luu nə, ndwə viŋ nuŋ fwi siŋ maa nu ŋkɨə faŋ vɨ nə dèesə viŋ shɔ nə, zɔnə nu kɔ́ nə fwi yimuꞌ.

Roma 9:22

Luu nə, Nwi nə jìa fwi, kɨ kɨꞌ ŋkee vɨɨ mbɨə faŋ ŋwə nə bɔ̀ŋ yaa vəntɨɨ və vətɔ vəbwəvə, faŋ mbə ndɔ ndi. Nwi nə yɨ̀ nɨniŋ faŋ ŋwə nə kɔlə kəə də̀ fwi yizasə yi, nə wutə ki ntee.

1 Kɔrintian 11:16

Wə lùu shɔ faŋ ŋwə kee bìŋ vənu və̀ me, bàw ŋwə kɨɨ laa, nshinə yia nə nshinə vɨɨ Nwi fɨ vəshəŋ vəshəŋ lùu laa wəzwi kɨ shitə tɔ ki.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

Galatia 5:20

nə məfeꞌ vənwi vədayday, nə mfisə, nə mbeenə, nə ntaysə, nə ŋkəŋsə, nə fwi yishəsə, nə vəŋwiŋ, nə məgaasə yiŋwaa vəway vəway,

Filipi 1:17

Luu nə, vɨɨ mbii-wə kəə sheꞌ laa vəŋ kwàlə shɔ̀ɔ mə, faŋ vəŋ fɨꞌtə nu Kristo nə. Vəŋ kee yɨ nə fwi yijəə me. Vəŋ kəə baa metə kwaŋ ŋɨꞌ maa mə, faŋ mə lùu feenə taa ŋii mfiŋ nə.

Filipi 2:3

Kɨ viŋ kɨ ŋwiŋ me, tɨꞌnə me, koꞌsə yiŋwaa me! Viŋ bee kɨ kii sùꞌsə yiŋwaa yiŋ nsi, ndeynə wə tɨ̀ me wə laa ŋwə shɔ̀ɔ viŋ.

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

Taytəs 3:9

Nyɨŋ fɨ maa yigisə vəmfaw nə nu yikuu yidənə, nə ntaysə nə nywaŋsə kɔ̀ŋ nuŋsə; vənu vɔ́ kee gaŋtə wə nə nu me, lùu vənu vədayday.

Hibru 10:27

Kəŋ wə ghɔ́ faŋ ŋwə yɨ̀ nɨniŋ, ŋwə duꞌ nə məfee, kɨ kɨꞌ, nsɔꞌ Nwi yiweꞌ ndɔ luu tɔ ŋwə, wisə faŋ ŋwə kɨɨ, ndɔ twaŋ ŋwə ghɔ vɨ vɨɨ mbeenə Nwi vənshə.

Hibru 11:8

Gə fɨ maa Abraham, ŋwə nə nùŋ fwi yi maa Nwi, maa yighee njyə faŋ Nwi nə tìi ŋwə, gì tɨ́ ŋwə laa ŋwə ndɔ fɨ nsi, gə̀ maa shəŋ ŋkɨə faŋ Nwi taa də tɨ́ ŋwə, buu ŋwə ndɔ kii shəŋ kɔ́ nə. Ŋwə nə biŋ, zɔ̀nə Nwi, ndɔ̀ fɨ nsi, mèꞌtə shəŋ ki, ndɔ̀, faŋ ŋwə nə kee kɔlə kɨ̀ɨ nə shəŋ ŋkɨə faŋ ŋwə gə shɔ nə me.

Hibru 5:9

Faŋ ŋwə nə mètə faꞌ wi nshə, ŋwə gù wuu məgaŋtə vɨɨ vənshə faŋ vəŋ zɔnə ŋwə, laa vəŋ ndɔ zɨ məbwey vəlwaŋ faŋ ŋwə gòꞌsə yighee muꞌ.

Jeyms 3:14

Viŋ kɨ luu kìi fwi yibiŋ, fwi siŋ lwaŋ nə fəsə nɨzi, viŋ luu vɨɨ vəŋwiŋ nɨzi, kɨ viŋ baa kɨ koꞌsə yiŋwaa me, buꞌ viŋ sɨɨ ba kɔ̀ŋ nu Nwi yinsəŋ.

Jeyms 3:16

buꞌ laa shəŋ faŋ fəsə nə vəŋwiŋ lùu shɔ, lùu shəŋ yighaw, faŋ vənu vəbwəvə vənshə lùu yifi.

1 Pita 3:1

Gə fɨ maa viŋ vəki, bàw viŋ zɔnə vəndəə viŋ, bwàsə yiŋwaa yiŋ, tɨ́ kaꞌ vəndɔŋ vəmɔ́ꞌ faŋ vəŋ kee bìŋ nu Nwi me, kwìinə fwisə vəŋ, faŋ vəŋ yè nshinə yijəə yiŋ, faŋ viŋ kee bee tɨ vəŋ nə shuu me.

1 Pita 4:17

Yighee kùꞌ laa Nwi sɔꞌ mbi, zì fɨ maa vɨɨ Nwi. Nyə tèy fɨ maa nsiŋ nee nə, buu nyə ndɔ ndwə kɨkə nə vɨɨ mbɨə faŋ vəŋ kee zɔnə ntɔŋ Nwi yijəə me?

Reveleyshən 14:10

buu ŋwə taa kɨ nu fwi yishəsə Nwi yaa məluꞌ, faŋ Nwi kwàŋ taa ndaw məluꞌ, kee wasə me. Kəŋ wə ghɔ́ ndɔ kɨ ye ŋɨꞌ taa wi nə wisə baynə faŋ luŋ ki zwilə vɨɨ yikəꞌ nshiisə-ŋiisə Nwi, baa nə yikəꞌ wee-bi-njɨɨ ghɔ́.

Reveleyshən 16:19

Vɨ seenə shɨ kwalə kɔ́ vəway vətia, məshɨ mə mbi ndi. Nwi lumə shɨ kwalə Babilɔn, kɔ ndaw məluꞌ məshəsə tɨ́ ŋwə laa ŋwə nu. Məluꞌ məshəsə mbɔ́ luu fwi Nwi yishəsə, nə nsɔꞌ Nwi yiweꞌ.