Roma 16:3 - Vengo (Babungo)

³ Viŋ shɔꞌtə Prisila nə Akwila, faŋ yia vɨ vəŋ nəə faꞌ faꞌ Kristo mɔ́ꞌ nə.

Roma 16:3 ပူးပေါင်းရင်းမြစ်များ

Akts 18:26

Ŋwə tey kɨ gisə taa ŋii məshɔꞌtə Nwi vɨɨ Jus nə fwi yiweꞌ. Prisila ghɔ Akwila zɔ yigisə yi, tii ŋwə taa ŋii vəŋ, baa twèlə nu tɨta Yeso tɨ́ ŋwə ŋkee jəə.

Roma 16:10

Shɔꞌtə Apeles, faŋ ŋwə wèꞌ maa nu Kristo nə. Shɔꞌtə vɨɨ fɨ fu Aristɔbulɔs,

Roma 16:4

Vəŋ nəə kəə biŋ ŋkee maa məku tɔ mə, maa məbweysə mə faŋ vɨɨ nəə shoꞌ ghuu ŋaa nə. Kee bwaŋ mə bwaŋ vəŋ nɨnɔŋ me, vəməshəŋtə və vɨɨ Kristo vənshə fɨ taa tətɔŋ fu bwaŋ vəŋ nɨzi.

Roma 16:7

Viŋ shɔꞌtə Andronikɔs nə Junias, faŋ lùu vɨɨ shɨ vaŋ nə, yia vɨ vəŋ nə luu taa ŋii mfiŋ mɔ́ꞌ. Vəŋ lùu vɨɨ kwalə fɨ taa ŋwaa vɨɨ ntɔŋ Kristo, baa lùu vənshɔɔ vɨsɨ vaŋ maa nu Kristo.

Roma 16:9

Shɔꞌtə Urbanɔs, faŋ nsiŋ vɨ vəŋ nəə faꞌ faꞌ Kristo mɔ́ꞌ nə, nə Stakis faŋ mə kàw ŋwə.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

Roma 8:2

Lùu nɨniŋ buꞌ laa nuŋsə Zwitə Nwi, faŋ nyə kɔ̀ məbwey tɨ́ nsiŋ buꞌ Yeso Kristo, gaŋtə nsiŋ fɨ ghɔ nuŋsə nu bwə, baa nə fɨ ghɔ yiku.

1 Kɔrintian 16:16

Mə bùꞌ ghɔ tɨ́ viŋ laa viŋ kɨ kɔ feenə tɨ́ vɨɨ yaa vəŋ. Viŋ baa kɔ feenə tɨ́ vɨɨ vənshə faŋ ghɔ vɨ vəŋ faꞌ faꞌ Nwi mɔ́ꞌ.

1 Kɔrintian 16:19

Vəməshəŋtə və vɨɨ Nwi vənshə fɨ kwiŋ Asia shɔꞌtə viŋ. Akwila nə Prisila nə nshəŋtə vɨɨ Nwi faŋ vəŋ fàynə taa ŋii vəŋ, shɔꞌtə viŋ ŋkee jəə, fɔnə viŋ vɨ vəŋ lùu fa kəmuꞌ taa ŋwaa tɨta Yeso.

2 Kɔrintian 12:2

Mə kɨ̀ɨ nə wə mɔ́ꞌ faŋ ŋwə lùu fa kəmuꞌ ghɔ Yeso, shɔ̀ɔ ŋuꞌsə ndwə njɔsə-yishwe, faŋ Nwi nə ndi ŋwə, shàꞌsə koꞌ ŋkee taa yizɔ. Kɨ ŋkə nə gày kɨkə, mə kee yikɨɨ me. Kɨ ŋkə nə luu nshɨ-tɔ wə ghɔ́, tɨꞌnə me sheꞌ zwitə ki, buu mə kee yikɨɨ me, kɨɨ sheꞌ Nwi.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 1:22

Nɨniŋ, maa yighee yɔ́, vɨɨ Nwi faŋ vəŋ nəə biŋ nu Yeso Kristo fɨ shɨ Judia, nə kee ta kɨ̀ɨ nə ŋkɨꞌnə nyaa me.

Filipi 2:25

Gə fɨ maa Epafroditɔs, weenshu ŋwaa-nsiŋ, faŋ yia ŋwə nəə faꞌ mɔ́ꞌ nə, ŋɨɨlə buꞌ nu Nwi mɔ́ꞌ nə. Ŋwə baa lùu wuu ntɔŋ wiŋ, faŋ ŋwə nə jwì ndèynə mə, gàŋtə mə. Luu nə, ŋkə bàw laa mə baa tɔŋ ŋwə, ŋwə bəŋ jwi yɨ viŋ.

Kɔlɔsii 4:11

Yeso ŋgwə faŋ vɨ tii ŋwə nə Justɔs nə, shɔꞌtə viŋ nɨzi. Luu sheꞌ vɨɨ vɔ́ vətia nə, yɨ mə, faŋ vəŋ lùu vɨɨ Jus, faŋ yia vɨ vəŋ faꞌ nu Kristo mɔ́ꞌ, fɨꞌtə nu yifwàŋ Nwi tɨ́ vɨɨ. Fwi nyaa zutə buꞌ vəŋ maa yinsəŋ.

2 Timoti 4:19

Shɔꞌtə Prisila ghɔ Akwila, nə ŋiinə Onesifɔrɔs shee.