Roma 12:3 - Vengo (Babungo)

³ Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

Roma 12:3 ပူးပေါင်းရင်းမြစ်များ

Lukas 18:11

Wuu Farisii ghɔ́ gə koꞌ yàanə yizɔ, shɔꞌtə Nwi maa nshɨ-tɔ wi laa, «Nwi ŋwaa, mə bwaŋ ghɔ, buꞌ laa mə kee lùu yaa vɨɨ mɔ́ꞌ me. Mə kee lùu yaa vəndɔꞌ, nə vɨɨ məyɨ vənu və mbuulə, nə vɨɨ mətii vəki me, tɨꞌnə me yaa wuu məsa vətɔ ŋwə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Roma 1:5

faŋ ŋwə kee gəŋ saŋ-nsiŋ, nùŋ mə maa vɨɨ ntɔŋ vi, laa mə gə faꞌ taa məshɨ mənshə, yɨsə vɨɨ tətɔŋ fu nuŋ fwisə vəŋ maa ŋwə, kɨ zɔnə ŋwə, bəŋsə yizii yi.

Roma 11:20

Lùu nɨniŋ. Luu nə, vɨ nə bɨ̀ꞌtə vəŋ buꞌ faŋ vəŋ kee nùŋ fwi vəŋ maa Kristo me. Vɨ yə̀ənə ghɔ shɔ, buꞌ faŋ a nə nùŋ fwi yə maa ŋwə. Nɨniŋ, kɨ buꞌ dɨŋ me, kɨ fɨfee.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 12:16

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

1 Kɔrintian 3:10

Yighee vɨsɨ, faŋ mə nə fɔŋ jwì yɨ viŋ nə, Nwi nə kɔ̀ tɔ ley shee, tɨ́ kaꞌ mə bɔ̀ŋ shɨ ŋii Nwi kɔ́ yaa wuu məfianə ndɔꞌ jəə. Wə dɨday kɨ nii tey kɨ bɔŋ vəlɨtə və ŋii vɔ́. Bàw wə tɨ̀ me wə faŋ ŋwə bɔ̀ŋ ŋii yɔ́, ndɨ yighee, kɨ bɔŋ maa jɨɨ yijəə.

1 Kɔrintian 7:17

Nu mɔ́ꞌ lùu laa, bàw wə tɨ̀ me wə toꞌ sheꞌ maa jɨɨ njyə faŋ Nwi kɔ̀ tɨ́ ŋwə laa ŋwə toꞌ fuŋ nə. Bàw ŋwə goꞌsə maa məduꞌ ŋgwə faŋ ŋwə nə luu shɔ maa yighee njyə faŋ Nwi nə tìi ŋwə laa ŋwə jwi lùu wuu wi nə. Lùu nu ŋkɨə faŋ mə deesə vɨɨ Nwi maa vəshəŋ vənshə.

2 Kɔrintian 10:13

Gə fɨ maa yia, yia kee bəŋsə ŋwaa wia shɔ̀ɔ ki me, yia bəŋsə sheꞌ maa mfɨꞌ shuu faꞌ, faŋ Nwi nə fɨ̀ꞌ, kɔ̀ tɨ́ yia. Ŋkə kɨ nii lùu ki wia laa yia ziꞌ yɨ viŋ nɨzi.

2 Kɔrintian 12:13

Nu mɔ́ꞌ lùu shɔ faŋ vɨ nə gaŋtə nshəŋtə vɨɨ Nwi mɔ́ꞌ, faŋ mə kee baa gàŋtə viŋ shɔ yimu? Kaꞌ luu sheꞌ nu kəmuꞌ laa, mə nə kee fì fa fɨ ghɔ viŋ me. Bàw viŋ ndenə nu yiŋkii.

2 Kɔrintian 12:7

Luu nə, Nwi yɨsə laa kɨ mə koꞌsə ŋwaa me, buꞌ vənu və shuu yɔŋvə faŋ mə nə ye nə. Vɨ sɔ̀ nyaw maa mbasə ŋwaa ŋwaa, faŋ luu ŋkee nshiiŋii Satan, faŋ vɨ nə kɔ laa ŋwə saŋ mə, laa mə kee baa kɨ koꞌsə ŋwaa me.

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Efesɔs 3:2

Maa viŋ nə zɔ kɔ̀ŋ ŋiꞌ faꞌ kaŋ maa məndeynə nu Nwi, faŋ Nwi nə nùŋsə mə shɔ nə, laa mə kɨ gisə nu ki, faŋ ŋwə gaŋtə vɨɨ shɔ nə, tɨ́ viŋ.

Efesɔs 3:4

Viŋ taa kɨ tii vəshəŋ və ŋwaꞌlə vɔ́, buu viŋ taa ye faŋ mə kɔꞌ kɨɨ nə ŋiꞌ nu Kristo kɔ́, faŋ ŋkə nə ndènə maa yighee vɨsɨ nə,

Efesɔs 4:16

Faŋ nsiŋ lùu ŋwaa Kristo, Kristo lùu tɔ taa ŋwaa nsiŋ nə, ŋwə yɨ̀ vədɨꞌ vənshə fɨ maa ŋwə ghaytə fàynə, buꞌ laa vəyəə vi vənshə faynə̀, faŋ mfɨꞌ wutə vəŋ kùꞌnə tɔ tɔ maa məfaꞌ faꞌ nə, ŋwaa ghɔ́ nshə ta, gə vɨsɨ, faŋ vəlaŋ vi kawnə vəŋ vəŋ nə.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 2:13

Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku.

1 Timoti 1:14

Nɨniŋ, gəŋsə tɨta ŋwaa-nsiŋ, Yeso Kristo, faŋ ŋwə kèe gəŋ saŋ nə, shɔ̀ɔ ki, yɨsə mə nuŋ fwi nyaa maa ŋwə, kàw ŋwə.

1 Timoti 2:15

Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.

1 Timoti 2:9

Gə fɨ maa vəki, bàw vəŋ naysə ŋwaa vəŋ nə njwi faŋ nyə kùꞌnə maa vəŋ, la yiŋwaa jəə, kee ba tɔ nə vəlɔꞌ vəyaŋnə me, buꞌ vɨɨ tə sɨ shɔ, tɨꞌnə me shùŋ vətɔ və goolə me, tɨꞌnə me vəlɔꞌ vəmɔ́ꞌ me, tɨꞌnə me mɔ̀ꞌ njwisə ka me.

Taytəs 2:12

Ŋkə də̀ jɨɨ tɨ́ nsiŋ maa məmeꞌ nu mətwey Nwi, meꞌ nu məkaw vətɔ və taa mbi, baa nə laa nsiŋ toꞌ ghuu yitoꞌ kaŋ-nsiŋ taa mbi nyə̀ nə yitɔfə, yɨsə vənu vəloomə, fee Nwi.

Taytəs 2:2

Tɨsə vəndɔŋ vətaavə laa vəŋ jiatə yiŋwaa vəŋ, toꞌ yuu ŋkə kuꞌnə tɨ́ wuu taa, kɨ yɨsə vənu vənshə nə yitɔfə, nùŋ fwi vəŋ maa Kristo ŋkee maa yinsəŋ, kaw vɨɨ, jia fwisə vəŋ taa ŋɨꞌ.

Taytəs 2:4

Nɨniŋ laa vaŋ-vəki zwètə maa məduꞌ bwaŋnə, kàw vəndəə vəvəŋ nə vaŋ vəŋ,

Taytəs 2:6

Gə fɨ maa vəndɔŋ və zawə, tɨ vəŋ laa vəŋ kɨ shiinə yiŋwaa yivəŋ.

Jeyms 4:6

Nɨniŋ, gəŋsə Nwi, faŋ Nwi kee gəŋsə nə, kwàlə shɔ̀ɔ. Ŋwaꞌlə Nwi baa gì laa, «Nwi fə̀ŋ jɨɨ fɨ ghɔ vɨɨ mbɨə faŋ vəŋ koꞌsə ŋwaa vəŋ, gaŋtə vɨɨ mbɨə faŋ vəŋ sùꞌsə ŋwaa nsi.»

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

1 Pita 5:5

Gə fɨ maa za bwa, bàw viŋ kɨ zɔnə za taa fɨ taa nshəŋtə vɨɨ Nwi. Gə fɨ maa vɨɨ vənshə, bàw viŋ shuŋ kɔtə kəmuꞌ, bwàsə fwi siŋ nsi, viŋ viŋ, faŋ vɨ nə nyɔ̀ꞌ taa ŋwaꞌlə Nwi laa, «Nwi kee kàw vɨɨ mbɨə faŋ vəŋ koꞌsə ŋwaa me, kèe gəŋsə vɨɨ mbɨə faŋ vəŋ sùꞌsə yiŋwaa vəŋ nsi.»

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

3 Jɔn 1:9

Mə yaa nyɔꞌ ŋwaꞌlə mɔ́ꞌ, tɔ̀ŋ tɨ́ nshəŋtə yiŋ. Luu nə, Diotrefes, faŋ ŋwə kəə tɨŋ tɔ fɨ taa nshəŋtə vɨɨ Kristo, kee biŋ maa məzɔnə yia me.