Roma 10:4 - Vengo (Babungo)

⁴ Vəndwə və ntɨsə Nwi lùu Yeso Kristo faŋ ŋwə yɨsə laa nu wə kiasə lòomə, buꞌ faŋ ŋwə nùŋ fwi yi maa ŋwə.

Roma 10:4 ပူးပေါင်းရင်းမြစ်များ

Matiu 3:15

Yeso bəŋsə tɨ́ ŋwə laa, «Meꞌtə ŋkə lùu nɨniŋ ndwə. Bàw ŋkə luu nɨniŋ laa sɨ kɨ yɨsə vənu vənshə faŋ Nwi kàw.» Nɨniŋ, Jɔn biŋ, mèꞌtə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:17

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

Galatia 3:24

Ntɨsə sɔ́ nə luu yaa ndi ŋwaa-nsiŋ, faŋ ŋwə dəsə jɨɨ yineꞌtə tɨ́ nsiŋ, ziꞌ maa yighee njyə faŋ Yeso Kristo jwi. Nɨniŋ, kaꞌ nsiŋ gù vɨɨ ley vɨsɨ Nwi, buꞌ faŋ nsiŋ nùŋ fwi saŋ-nsiŋ maa ŋwə.

Galatia 4:5

Nɨniŋ laa ŋwə ndɔ bweysə vɨɨ mbɨə faŋ ntɨsə sɔ́ sɔꞌ vəŋ nə. Ŋwə yɨ̀ laa nsiŋ luu vaŋ Nwi ndwə.

Kɔlɔsii 2:10

Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Kɔlɔsii 2:17

Kwiŋ vətɔ vɔ́ luu sheꞌ yaa ndɨŋlə, faŋ ŋkə fɔŋ də̀ nu faŋ ŋkə taa jwi tɨ́ vɨɨ. Ŋkee fa ŋkɨə faŋ ndɨŋlə kɔ́ tɨŋ buꞌ ŋkə nə, lùu Kristo.

Hibru 10:14

Nɨniŋ, Kristo nə fèꞌ ndey yimuꞌ, yɨ̀sə laa vɨɨ mbɨə faŋ vəŋ lùu vəley buꞌ ŋwə nə, ndɔ zɨ məbwey vəlwaŋ nɨzi, faŋ ŋwə gòꞌsə yighee muꞌ.