Roma 10:3 - Vengo (Babungo)

³ Vəŋ kee kɨ̀ɨ nə jɨɨ njyə faŋ Nwi kiasə nu wə ŋkə loomə me. Vəŋ kəə kɨ yɨsə nu loomə luu maa nshɨ-tɔ vəŋ. Nɨniŋ, vəŋ kee fìŋ tɔ vəŋ tɨ́ Nwi, laa ŋwə kwiinə nu vəŋ, ŋkə loomə me.

Roma 10:3 ပူးပေါင်းရင်းမြစ်များ

Lukas 10:29

Wə ghɔ́ nəə kəə fi tɔ ki fɨ ghɔ Yeso, gì tɨ́ ŋwə laa, «Wənjɨɨ ŋwaa sii lùu ndə?»

Lukas 16:15

Ŋwə gi tɨ́ vəŋ laa, «Viŋ lùu vɨɨ faŋ viŋ kɨɨ yɨsə laa viŋ luu vɨɨ loomə yikəꞌ vɨɨ. Luu nə, Nwi kɨɨ nə fwi siŋ. Viŋ kɔꞌ kɨɨ laa nu, faŋ luu ŋkee nu kwalə yikəꞌ vɨɨ, luu ŋkee nu bwə tɨ́ Nwi.

Roma 1:17

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

Roma 10:2

Mə kɔꞌ kɨɨ laa vəŋ weꞌ maa nu Nwi dɨdɨꞌ, luu nə, kee kɨ̀ɨ nə jɨɨ yi me.

Roma 10:20

Aysaya nə kà fwi yi, gì yigisə Nwi ntee laa, «Vɨɨ mbɨə faŋ vəŋ nəə kee kəə Nwi me, ye Nwi. Vɨɨ faŋ vəŋ nə kee bitə Nwi me, kɨ̀ɨ nə Nwi.»

Roma 11:7

Nɨniŋ, ŋkə lùu kɨkə ndwə? Ŋkə lùu laa nu ŋkɨə faŋ vɨɨ Isirayl nəə kəə nə, vəŋ kee yenə me. Nə ye sheꞌ vɨɨ mbɨə faŋ Nwi shòꞌ vəŋ nə. Bətə vɨɨ shɨshii.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 3:26

Nɨniŋ, ŋwə də̀ nu ŋkɨə faŋ ŋkə lùu kəloomə tɨ́ vɨɨ maa yighee ndwə, shìa nsɔꞌ maa vənu vəbwəvə mbɨə faŋ vɨɨ nəə yɨsə nə. Nɨniŋ, ŋwə də̀ jɨɨ nu loomə tɨ́ nsiŋ, faŋ nu ki lùu kəloomə, faŋ ŋwə kɔlə yɨsə laa nu wə ntɨə faŋ ŋwə nùŋ fwi yi maa Yeso, fùu kəloomə nɨzi.

Roma 5:19

Vɨɨ vənshə nə gù vəyɨ-kəbwə buꞌ nu wə muꞌ, faŋ ŋwə nə kee zɔ̀nə Nwi me. Sheꞌ nɨniŋ, vɨɨ vənshə ndɔ luu vəloomə tɨ́ Nwi buꞌ nu wə muꞌ faŋ ŋwə zɔ̀nə Nwi.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Filipi 3:9

Mə kəə sheꞌ laa mə goꞌsə yia ŋwə. Mə kee baa lùu wuu ley buꞌ vənu mbɨə faŋ nəə yɨsə mə me, faŋ mə nəə beꞌsə ntɨsə vɨɨ Jus nə me. Mə lùu wuu ley buꞌ laa mə nùŋ fwi nyaa maa Kristo. Nwi ndɨ̀ wə yaa wuu ley buꞌ faŋ ŋwə nùŋ fwi yi maa Kristo.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.