Roma 1:9 - Vengo (Babungo)

⁹ Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 1:9 ပူးပေါင်းရင်းမြစ်များ

Mark 1:1

Lùu ntɔŋ yijəə buꞌ Yeso Kristo, Wee Nwi.

Lukas 18:1

Yeso baa tìi yigisə tii yimɔ́ꞌ tɨ́ vəŋ maa mədə laa ŋkə bàw maa məshɔꞌtə Nwi ghee nshə, kee bwa me.

Akts 12:5

Faŋ vɨ nəə shii Pita nɨniŋ fɨ taa ŋii mfiŋ, məshəŋtə vɨɨ məbiŋ Yeso shɔꞌtə Nwi tɔ ŋwə, kee bwa me.

Akts 19:21

Yiŋkii kɨ shɔɔ, Pɔɔl kwaꞌtə fɨ tɔ ŋwə laa yi taa shɔɔ fɨ shɨ Makedonia, baa nə fɨ shɨ Akaya, buu bə̀ŋ gə Jerusalem. Ŋwə gi laa, «Mə taa ziꞌ yifi, buu kaꞌ mə gə ye shɨ Rom nɨzi.»

Akts 24:14

Luu nə, mə bìŋ nu kəmuꞌ tɨ́ ghɔ, laa mə bəŋsə Nwi vətɨɨ via maa jɨɨ yɔ́ faŋ vəŋ gì laa lùu jɨɨ təba. Mə biŋ vənu vənshə faŋ Mose nə nyɔ̀ꞌ taa ŋwaꞌlə Nwi, nə mbə taa vəŋwaꞌlə və nshiisə-ŋii sɔghɔ.

Akts 27:23

Nshiiŋii Nwi nii jwì maa mə vətuꞌ ndee. Nə luu nshiiŋii Nwi, faŋ kìi Nwi ghɔ́ kìi mə. Mə baa luu bəŋsə ŋwə.

Akts 3:26

Viŋ lùu vɨɨ vɨsɨ faŋ Nwi nə ywèysə wuu faꞌ wi, tɔ̀ŋ ŋwə tɨ́ viŋ laa ŋwə tu mənɔŋ-bwaŋnə tɔ viŋ, faŋ viŋ kìasə fwi siŋ, wə nə muꞌ nə muꞌ, meꞌtə vənu vəbwəvə viŋ.»

Roma 9:1

Mə gi ŋkee nu yinsəŋ maa yizii Kristo, kee sɨɨ ba me. Fwi nyaa nɨzi, faŋ Zwitə Ley Nwi lùu taa tey yi, biŋ laa mə gi nu yinsəŋ.

2 Kɔrintian 1:23

Ŋiꞌ nu ŋkɨə faŋ ŋkə nə yɨ̀ laa mə nə kee baa bəŋ jwì Kɔrint me, nə luu sheꞌ laa mə gaŋtə viŋ, laa kɨ mə kee jwi yɨ viŋ nə wutə maa məshia nsɔꞌ tɔ viŋ me. Nwi kɔꞌ kɨɨ laa nu ŋkɨə faŋ mə gì, lùu nu yinsəŋ.

2 Kɔrintian 11:31

Nshɨ-tɔ Nwi, tɨɨ Yeso Kristo, kɨɨ laa mə kee sɨɨ ba me. Mə kɨ bəŋsə ŋwə ghee nshə.

Galatia 1:20

Maa yinsəŋ, vənu və̀ faŋ mə nyɔꞌ tɨ́ viŋ ndwə, Nwi kɔꞌ kɨɨ laa mə kee sɨɨ ba me.

Efesɔs 6:18

Viŋ shɔꞌtə Nwi ghee nshə taa Zwitə Nwi, kɨ shi nə yikɨꞌ. Viŋ kɨ shɔꞌtə Nwi, kee bwa me, buꞌ ghɔ tɨ́ Nwi tɔ vɨɨ Nwi vənshə.

Filipi 1:3

Yighee tɨ̀ me yighee faŋ mə lùmə viŋ, mə bwaŋ Nwi ŋwaa buꞌ viŋ.

Filipi 1:4

Ghee nshə faŋ mə shɔꞌtə Nwi tɔ viŋ, mə shɔꞌtə ŋwə tɔ viŋ vənshə nə məŋaytə,

Filipi 2:22

Gə fɨ maa Timoti, viŋ kɔꞌ kɨɨ nə nshinə yi, laa nyə lùu yijəə, baa nə laa ŋwə nəə beꞌsə mə maa faꞌ Nwi, sheꞌ faŋ wee yaa kɨ bèꞌsə tii wi. Yia ŋwə fàꞌ faꞌ Nwi mɔ́ꞌ, fɨꞌtə ntɔŋ yijəə Nwi tɨ́ vɨɨ.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

1 Tesalonika 1:2

Yia bwaŋ Nwi ghee nshə tɔ viŋ vənshə, baa lumə viŋ taa məshɔꞌtə wia.

1 Tesalonika 3:10

Yia shɔꞌtə Nwi ŋkee dɨdɨꞌ vətuꞌ nə shɨshwi, laa ŋwə biŋ yia jwi yè viŋ nə sɨ, gaŋtə viŋ maa nu ŋkɨə faŋ viŋ bəə fɨ taa məbiŋ wiŋ, tɨ́ kaꞌ viŋ tɨ̀ŋnə weꞌ maa nu Nwi.

1 Tesalonika 5:17

shɔꞌtə Nwi ghee nshə,

1 Timoti 2:7

Ŋwə nə nùŋsə mə nɨzi maa nu kɔ́, laa mə luu wuu məfɨꞌtə nu kɔ́, baa lùu wuu ntɔŋ Kristo, deesə nu Nwi tɨ́ vɨɨ tətɔŋ fu faŋ vəŋ kee kɨ̀ɨ nə Nwi me, laa vəŋ nuŋ fwi vəŋ maa Kristo, kɨ̀ɨ nə nu yinsəŋ. Mə gi ŋkee nu yinsəŋ, kee ndi ghaŋ me, laa nshɨ-tɔ Nwi nə tɔ̀ŋ mə maa ntɔŋ yɔ́.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

Filemon 1:4

Mə bwaŋ Nwi ŋwaa ghee nshə faŋ mə lumə ghɔ vɨsɨ Nwi taa məshɔꞌtə ŋwaa.