Roma 1:8 - Vengo (Babungo)

⁸ Mfɔŋ nu lùu laa mə bwaŋ Nwi buꞌ viŋ vənshə maa yizii Yeso Kristo, buꞌ laa vɨ gisə kɔ̀ŋ viŋ taa mbi yinshə, faŋ viŋ nùŋ fwi siŋ maa Yeso Kristo, weꞌ shɔ.

Roma 1:8 ပူးပေါင်းရင်းမြစ်များ

Matiu 24:14

Nu mɔ́ꞌ lùu laa vɨ ndɔ fɨꞌtə ntɔŋ yijəə buꞌ nu yifwàŋ yizɔ taa mbi yinshə. Vɨɨ fɨ taa məshɨ mənshə ndɔ zɔ ntee, buu vəndwə və mbi ndɔ kuꞌnə.

Lukas 2:1

Nə luu maa ŋuꞌsə mbi sɔ́, Kaysa Ogɔstɔs nə luu fwàŋ kwalə, sɔꞌ məshɨ məyaŋ, sɔꞌ laa vɨ say vɨɨ məshɨ məshɨ.

Akts 11:28

Wə mɔ́ꞌ fɨ taa ŋwaa vəŋ luu Agabɔs. Ŋwə ndɔ fɨ nsi, gì faŋ Zwitə Ley Nwi nàysə tɨ́ ŋwə laa, ŋkee jɨŋ yiweꞌ taa koo shɨ nsi. Jɨŋ yɔ́ kɨ nii kòo shɨ nsi maa yighee fwàŋ Klɔɔdiɔs.

Akts 28:22

Vəŋ baa gì laa vəŋ kəə zɔ nu ŋkɨə faŋ ŋwə bɨ̀ꞌtə kɔ̀ŋ nu Nwi fɨ ghɔ ŋwə, buꞌ laa vəŋ nə duꞌtə vəŋ zɔ kɔ̀ŋ jɨɨ məbiŋ Nwi yɔ́, laa vɨ gisə bwə kɔ̀ŋ jɨɨ yɔ́ maa vəshəŋ vənshə.

Roma 10:18

Luu nə, mə bìtə laa vəŋ nə kee yizɔ yimu? - Ɔŋ, vəŋ nə zɔ̀! Maa ŋkə lùu taa ŋwaꞌlə Nwi laa, «Gɨ vəŋ nə fùu, fì nsi yinshə, yigisə vəŋ ziꞌ maa vəndwəsə və shɨ nsi.»

Roma 16:19

Gə fɨ maa viŋ, vɨɨ vənshə duꞌtə vəŋ zɔ̀ kɔ̀ŋ məzɔnə wiŋ, faŋ viŋ zɔ̀nə Nwi nə. Mə kìi məŋaytə shɔ buꞌ viŋ. Mə kəə laa viŋ kɨ tɔfə maa nu faŋ lùu nu jəə, manə nu faŋ lùu nu bwə.

Roma 6:17

Mə bwaŋ Nwi buꞌ laa viŋ kee baa lùu vəbuꞌ tɨ́ nu bwə me. Viŋ nə luu vəbuꞌ tɨ́ nu bwə, luu nə, ndwə viŋ nuŋ fwi siŋ maa nu ŋkɨə faŋ vɨ nə dèesə viŋ shɔ nə, zɔnə nu kɔ́ nə fwi yimuꞌ.

1 Kɔrintian 1:4

Mə kɨ bwaŋ Nwi ghee nshə buꞌ viŋ, buꞌ laa Nwi tù mənɔŋ-bwaŋnə tɔ viŋ, viŋ vɨ Yeso Kristo faynə gù fa kəmuꞌ.

2 Kɔrintian 2:14

Yia bwaŋ Nwi, buꞌ laa ŋwə yɨ̀sə laa yia kɨ toꞌ fɨ yiba jɨŋ Kristo, bwìlə vɨɨ tɨ́ Nwi, nu Kristo fi vəshəŋ vənshə. Vɨɨ zɔ nu Nwi buꞌ yia, kɨɨ nə ŋwə fɨ fuŋ.

Efesɔs 1:15

Nɨniŋ, shù fɨ nə faŋ mə nə zɔ laa viŋ nùŋ fwi siŋ maa tɨta Yeso, baa nə laa viŋ kɨ kaw vaŋ-nshwi viŋ vɨɨ Nwi,

Efesɔs 1:16

mə kɨ bwaŋ Nwi tɔ viŋ. Mə lumə viŋ tɔ tɔ taa məshɔꞌtə, faŋ mə shɔꞌtə Nwi.

Efesɔs 3:21

Nɨniŋ, faŋ nsiŋ lùu fa kəmuꞌ, nsiŋ vɨ Yeso Kristo nə, nsiŋ kɨ bəŋsə Nwi yəəsə yəəsə, gə ziꞌ maa vəndwə və mbi. Ŋkə gòꞌ nee.

Efesɔs 5:20

bwaŋ tɨta Nwi ghee nshə maa vənu vənshə fɨ yiba jɨŋ tɨta Yeso Kristo.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 1:3

Yighee tɨ̀ me yighee faŋ mə lùmə viŋ, mə bwaŋ Nwi ŋwaa buꞌ viŋ.

Kɔlɔsii 1:3

Yia bwaŋ Nwi, tɨɨ tɨta ŋwaa-nsiŋ Yeso Kristo, ghee nshə, faŋ yia shɔꞌtə Nwi tɔ viŋ.

1 Tesalonika 1:2

Yia bwaŋ Nwi ghee nshə tɔ viŋ vənshə, baa lumə viŋ taa məshɔꞌtə wia.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

2 Tesalonika 1:3

Vaŋ-nshwi via, bàw yia kɨ bwaŋ Nwi buꞌ viŋ ghee nshə. Ŋkə kùꞌnə maa məyɨ nɨniŋ, buꞌ laa viŋ wèꞌ maa nu ŋkɨə faŋ viŋ nùŋ fwi siŋ shɔ nə. Ŋkawnə yiŋ faŋ viŋ vənshə kaw nə yiŋwaa yiŋ, viŋ viŋ, baa lùu yiyaŋ, gə vɨsɨ vɨsɨ nɨzi.

2 Timoti 1:3

Mə bwaŋ Nwi, faŋ mə faꞌ tɨ́ ŋwə shù fɨ ghɔ vətɨɨ vaŋ nə fwi yiley, baa lumə ghɔ ghee nshə faŋ mə shɔꞌtə Nwi vətuꞌ nə shɨshwi.

Filemon 1:4

Mə bwaŋ Nwi ŋwaa ghee nshə faŋ mə lumə ghɔ vɨsɨ Nwi taa məshɔꞌtə ŋwaa.

Hibru 13:15

Nɨniŋ, nsiŋ shɔɔ fɨ jɨŋ Yeso, kɨ bəŋsə Nwi ghee nshə, buu məbəŋsə Nwi ŋwaa-nsiŋ taa luu yaa ndey, faŋ nsiŋ fèꞌ tɨ́ Nwi. Nsiŋ ndi gɨ saŋ-nsiŋ, bə̀ŋsə yizii yi shɔ ntee.

1 Pita 2:5

Nɨniŋ, bàw viŋ gu ŋoꞌsə bweysə nɨzi, tɨ́ kaꞌ Nwi ndì viŋ, bɔ̀ŋ viŋ yaa ŋoꞌsə, viŋ gù ŋii Zwitə Nwi, baa gù vɨɨ məfeꞌ Nwi nɨzi, faŋ vəŋ ley vɨsɨ Nwi. Nɨniŋ, kaꞌ viŋ kɔ Nwi maa Zwitə Ley Nwi, faŋ Nwi kaw nə, buꞌ Yeso Kristo.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.