Roma 1:7 - Vengo (Babungo)

⁷ Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 1:7 ပူးပေါင်းရင်းမြစ်များ

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:17

Yeso gi tɨ́ ŋwə laa, «Kaa kɔŋ mə me, buꞌ laa mə kee ta gə̀ yizɔ yɨ Tii ŋwaa me. Gə yè vaŋ-nshwi vaŋ-nsoo, nàysə tɨ́ vəŋ laa mə taa koꞌ gə̀ yizɔ yɨ Tii ŋwaa, faŋ lùu Tii wiŋ nɨzi. Lùu ŋwə lùu Nwi ŋwaa, baa lùu Nwi wiŋ nɨzi.»

Akts 15:23

Vɨ kɨ nii nyɔ̀ꞌ ŋwaꞌlə, kɔ̀ tɨ́ vəŋ, vəŋ gə nə ŋwə. Taa ŋwaꞌlə ghɔ́, vɨ nə ŋwàꞌlə laa, «Nyɔꞌ vɨɨ ntɔŋ Yeso ghɔ vɨ vɨɨ taa fɨ taa məshəŋtə vɨɨ Kristo nyɔ̀ꞌ ŋwaꞌlə ŋwə̀ tɨ́ vɨɨ tətɔŋ fu faŋ viŋ biŋ nu Kristo, faŋ viŋ shi taa məshɨ mə Antiɔk nə Siria nə Saylisia. Yia nyɔ̀ꞌ tɨ́ viŋ yaa vaŋ-nshwi viŋ, shɔꞌtə viŋ jəə jəə.

Akts 9:13

Ananias bəŋsə laa, «Tɨta, mə nə zɔ̀ fɨ ghɔ vɨɨ vəyaŋ laa wə ghɔ́ nəə yɨsə vənu vəbwəvə dɨdɨꞌ maa vɨɨ ley Nwi fɨ ntɨꞌ Jerusalem.

Roma 1:6

Nshɨ-tɔ wiŋ, faŋ Yeso Kristo nə tìi viŋ nə, viŋ lùu taa ŋwaa vɨɨ vɔ́ nɨzi, faŋ vəŋ nùŋ fwisə vəŋ maa Kristo.

Roma 5:1

Faŋ ŋkə lùu nɨniŋ nə, vənu vaŋ-nsiŋ lùu vəloomə vɨsɨ Nwi, buꞌ faŋ nsiŋ nùŋ fwi saŋ-nsiŋ maa Yeso Kristo nə, buu nsiŋ vɨ Nwi kìi məduꞌ-nyɔŋ fɨ yiba jɨŋ tɨta ŋwaa-nsiŋ Yeso Kristo.

Roma 5:5

Faŋ nsiŋ kɨꞌ nu kwalə fɨ ghɔ Nwi, buu nsiŋ kee ndɔ ndi tɔ dɨɨ shɔ me, buꞌ laa Nwi nə kwàŋ Zwitə Ley ki taa fwisə nsiŋ, ŋkə lwaŋ, yɨ laa nsiŋ zɔ faŋ Nwi kàw nsiŋ.

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

Roma 8:39

tɨꞌnə me fa faŋ ŋkə lùu yizɔ, tɨꞌnə me fa faŋ ŋkə lùu ŋiꞌ nsi, tɨꞌnə me fa day faŋ Nwi nə naysə̀, kìi wutə maa məgaasə nsiŋ vɨ ŋkawnə Nwi yɔ́ me. Nwi nə də̀ ŋkawnə yi yɔ́ tɨ́ nsiŋ fɨ yiba tɨta ŋwaa-nsiŋ Yeso Kristo.

Roma 9:25

Lùu nu ŋkɨə faŋ Nwi nə gì taa ŋwaꞌlə Hosia laa, «Mə ndɔ tii vɨɨ mbɨə faŋ nə kee lùu vɨɨ vaŋ me, nə vɨɨ vaŋ, tìi vɨɨ faŋ mə nə kee kàw vəŋ me, nə vɨɨ faŋ mə kàw,»

1 Kɔrintian 1:24

Luu nə, vɨɨ mbɨə faŋ Nwi shòꞌ laa lùu mbii vɨɨ, faŋ lùu vɨɨ Jus, tɨꞌnə me vɨɨ tɔmə day, vəŋ kɔꞌ kɨɨ laa nu Kristo kɔ́ də ŋkee wutə Nwi nə yitɔfə Nwi tɨ́ nsiŋ.

1 Kɔrintian 16:23

Tɨta Yeso Kristo tu mənɔŋ-bwaŋnə tɔ viŋ.

Galatia 6:18

Vaŋ-nshwi vaŋ, tɨta ŋwaa-nsiŋ Yeso Kristo tu mənɔŋ-bwaŋnə tɔ viŋ vənshə! Ŋkə gòꞌsə nɨniŋ.

Efesɔs 1:2

Nwi, Tii ŋwaa-nsiŋ, nə tɨta Yeso Kristo, tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ!

Efesɔs 6:23

Nwi, tii ŋwaa-nsiŋ, ghɔ tɨta Yeso Kristo kɔ məduꞌ-nyɔŋ nə ŋkawnə yi tɨ́ viŋ, vaŋ-nshwi vaŋ-nsiŋ, yɨ laa viŋ nuŋ fwi siŋ maa ŋwə.

Filipi 1:2

Nwi, tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

Filipi 4:20

Nɨniŋ, nsiŋ kɨ bəŋsə Nwi, tii ŋwaa-nsiŋ, ghee nshə. Ŋkə goꞌsə nɨniŋ.

Filipi 4:23

Tɨta Yeso Kristo tu mənɔŋ-bwaŋnə tɔ viŋ.

Kɔlɔsii 1:2

faŋ yia nyɔ̀ꞌ ŋwaꞌlə ŋwə̀ tɨ́ viŋ, vɨɨ ley Nwi fɨ shɨ Kɔlɔsii. Viŋ lùu vaŋ-nshwi via fiiba jɨŋ Kristo, buꞌ faŋ viŋ nùŋ fwi siŋ maa ŋwə. Nwi, Tii ŋwaa-nsiŋ, tu mənɔŋ-bwaŋnə tɔ viŋ, kɔ̀ viŋ nə zutə.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 1:4

Vaŋ-nshwi via faŋ Nwi kàw, yia kɔꞌ kɨɨ laa Nwi shòꞌ viŋ,

1 Tesalonika 4:7

Nwi nə kee tìi nsiŋ laa nsiŋ kɨ yɨsə vənu vəbwəvə me. Ŋwə nə tìi nsiŋ laa nsiŋ baw shɨlə, gə̀ nə vɨsɨ.

1 Tesalonika 5:28

Tɨta ŋwaa-nsiŋ Yeso Kristo tu mənɔŋ-bwaŋnə tɔ viŋ, kèe gəŋ siŋ!

2 Tesalonika 1:2

Tɨta Nwi ghɔ tɨta Yeso Kristo tu mənɔŋ-bwaŋnə tɔ viŋ, baa nə məduꞌ-nyɔŋ.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

2 Tesalonika 3:18

Mənɔŋ-bwaŋnə tɨ́ viŋ fɨ ghɔ tɨta ŋwaa-nsiŋ Yeso Kristo.

1 Timoti 1:2

Mə tɔ̀ŋ ŋwaꞌlə ŋwə̀ tɨ́ ghɔ, Timoti, faŋ a luu ŋkee ŋwiŋ ŋwaa yinsəŋ fɨ yiba jɨŋ Kristo, buꞌ faŋ nsoo nùŋ fwi maa ŋwə nə. Tɨta Nwi ghɔ tɨta ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ ghɔ nə məduꞌ-nyɔŋ!

1 Timoti 6:2

Gə fɨ maa vɨɨ faꞌ mbɨə faŋ vətɨɨ vəvəŋ biŋ nu Kristo, kɨ vəŋ shiasə vətɨɨ vəvəŋ vɔ́ me, buꞌ faŋ vəŋ lùu vaŋ-nshwi vəŋ maa yizii Kristo. Bàw vəŋ bee kii faꞌ tɨ́ vəŋ jəə, buꞌ laa vətɨɨ vəvəŋ lùu vɨɨ yinsəŋ, baa lùu vɨɨ faŋ Nwi kaw vəŋ, vəŋ saŋ yiŋwaa maa məyɨsə vənu vəjəəvə. Bàw a taa kɨ fɨꞌtə, baa deesə vɨɨ nɨniŋ.

2 Timoti 1:2

Mə tɔŋ ŋwaꞌlə ŋwə̀ tɨ́ ghɔ, ŋwiŋ ŋwaa Timoti, faŋ mə kàw ghɔ. Tɨta Nwi ghɔ tii ŋwaa-nsiŋ Yeso Kristo tu mənɔŋ-bwaŋnə tɔ ghɔ, kèe gəŋ sə, kɔ̀ məduꞌ-nyɔŋ tɨ́ ghɔ!

2 Timoti 4:22

Tɨta Yeso Kristo goꞌsə taa fwi ghɔ! Mənɔŋ-bwaŋnə Nwi luu taa ŋwaa viŋ!

Taytəs 1:4

Mə tɔ̀ŋ ŋwaꞌlə ŋwə̀ tɨ́ ghɔ, Taytəs, faŋ a luu ŋkee ŋwiŋ ŋwaa maa yizii Kristo faŋ nsiŋ nùŋ fwi saŋ-nsiŋ maa ŋwə nə. Tɨta Nwi ghɔ Yeso Kristo, wuu məbweysə ŋwaa-nsiŋ, tu mənɔŋ-bwaŋnə tɔ ghɔ, nə məduꞌ-nyɔŋ.

Filemon 1:25

Tɨta Yeso Kristo tu mənɔŋ-bwaŋnə tɔ viŋ, gòꞌsə taa fwisə viŋ!

Filemon 1:3

Nwi, tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ!

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

1 Pita 1:15

Viŋ luu vəley maa ghuu yitoꞌ kiŋ kənshə yaa Nwi faŋ ŋwə nə tìi viŋ nə, faŋ ŋwə ley bàw gə̀ fùu.

1 Jɔn 3:1

Viŋ zɔ! Nwi kàw nsiŋ dɨdɨꞌ. Kaꞌ nsiŋ kɔꞌ kɨɨ laa tɨta Nwi kàw nsiŋ, buꞌ laa ŋwə tii nsiŋ nə vaŋ Nwi. Yinsəŋ nsiŋ lùu vaŋ vi. Nɨniŋ, vɨɨ fɨ mbi kee kɨ̀ɨ nə nsiŋ me, buꞌ laa vəŋ kee kɨ̀ɨ nə Nwi me.

2 Jɔn 1:3

Tɨta Nwi ghɔ ŋwiŋ wi Yeso Kristo, kee gəŋ saŋ-nsiŋ, kɔ nsiŋ nə mənɔŋ-bwaŋnə nə məduꞌ-nyɔŋ. Mbə luu mbaŋ-nsiŋ fɨ taa yinsəŋ baa nə ŋkawnə.

Reveleyshən 2:1

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Efesɔs, nyɔꞌ laa lee, «Wə ntɨə faŋ ŋwə jìa məjwiŋ mbɔ́ kwatia ghɔ ŋwə, maa kwiŋ maꞌnə wi, baa toꞌ fɨ taa ŋwaa təkiꞌ tɔ́ kwatia, faŋ lùu ntə goolə nə, gì laa,

Reveleyshən 2:12

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Pergamum, nyɔꞌ laa lee, «Wə ntɨə faŋ ŋwə kìi baꞌ yighaw shəsə nə, gì laa lee,

Reveleyshən 2:18

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Tiateyra, nyɔꞌ laa lee, «Wee Nwi faŋ sɨ ghi bii yaa wisə, ghuu ghi luu yaa bwey bay faŋ vɨ fùusə fɨ taa bɨꞌ ndaa-dɨŋ laa,

Reveleyshən 2:29

Wə faŋ ŋwə kìi tuulə ghi zɔ, ŋwə zɔ nu ŋkɨə faŋ Zwitə Ley Nwi gì tɨ́ vəməshəŋtə və vɨɨ Nwi!»

Reveleyshən 2:8

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Smirna, nyɔꞌ laa lee, «Wə ntɨə faŋ ŋwə nə luu vɨsɨ, baa lùu yiba nə, ŋwə faŋ ŋwə nə kù, baa ywèy fɨ shɨ yiku, gì laa,

Reveleyshən 22:21

Tɨta Yeso tu mənɔŋ-bwaŋnə tɔ viŋ vənshə!

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,

Reveleyshən 3:22

Wə ntɨə faŋ ŋwə kìi tuulə ghi zɔ, ŋwə zɔ nu ŋkɨə faŋ Zwitə Nwi gi tɨ́ vəməshəŋtə və vɨɨ Nwi!»

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,