Roma 1:4 - Vengo (Babungo)

⁴ Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,

Roma 1:4 ပူးပေါင်းရင်းမြစ်များ

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Akts 17:31

buꞌ laa Nwi tə̀ shi faŋ ŋwə ndɔ shoꞌmə vənu və vɨɨ vənshə fɨ shɨ nsi, tə̀ wə faŋ ŋwə ndɔ shoꞌmə nu kɔ́ nə tɔ ki. Ŋwə ndɔ shoꞌmə vənu vənshə sheꞌ nə jɨɨ yiloomə. Nwi kɔ̀ wutə kɔ́ tɨ́ wə ghɔ́, faŋ Nwi nə ywèysə ŋwə fɨ shɨ yiku.»

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Akts 2:32

Nɨniŋ, Nwi nə ywèysə Yeso fɨ shɨ yiku, yia vənshə ye ŋwə nə sɨ ghia.

Akts 3:15

baa nə laa vɨ zwi wə ntɨə faŋ ŋwə lùu tɨɨ məbwey. Luu nə, Nwi yweysə ŋwə fɨ shɨ yiku, yia ye ŋwə nə sɨ.

Roma 1:3

Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

2 Kɔrintian 13:4

Vɨ nə kɨ bey ŋwə fuu fəŋkɔꞌ fə ŋkɨꞌsə, tɨ́ ŋwə bwa. Luu nə, ŋwə baa bwey buꞌ wutə Nwi. Luu sheꞌ faŋ yia toꞌ nɨniŋ nɨzi: yia bəə ŋay fɨ yiba ŋwə, luu nə, yia ndɔ bwey taa ŋwaa viŋ, yia ŋwə, wèꞌ tɨ́ viŋ buꞌ wutə Nwi kɔ́.

Hibru 9:14

Nɨniŋ, faŋ mənshi mə nyaa mbɔ́ kìi wutə maa məyɨsə laa vɨɨ ley, buu mənshi mə Kristo weꞌ shɔ̀ɔ yimbii, sɔ̀ yibɨsə nyaa-nsiŋ, yɨ̀sə laa fwi saŋ-nsiŋ ley. Zwitə Nwi nə kɔ̀ wutə tɨ́ Kristo laa ŋwə ndi ŋkee ŋwaa wi, faŋ nu bwə nə kee bee lùu maa ŋwə nə me, fèꞌ ndey shɔ buꞌ nsiŋ, laa ŋwə yɨ̀sə fwi saŋ-nsiŋ ley, tɨ́ kaꞌ nsiŋ kee baa yɨ̀sə vənu vəbwəvə, faŋ mbə jwi nə yiku nə me. Nɨniŋ laa nsiŋ faꞌ tɨ́ Nwi faŋ lùu Nwi məbwey.

1 Pita 1:11

Zwitə ley Kristo faŋ ŋkə nə luu taa fwisə vəŋ, nə tey kɨ fɨꞌtə nu ŋɨꞌ, faŋ Kristo ndɔ ye, nə feenə wi faŋ Nwi ndɔ kɔ yighee yiba. Vəŋ nəə kəə laa nu kɔ́ ndɔ gay yighee kə, baa nə laa ŋkə ndɔ jwi kɨkə?

2 Pita 1:21

buꞌ laa tuu yigi, faŋ nshiisə-ŋii sɔghɔ nə gì nə, kee lùu mbɨꞌtə wə mənsaw me. Nə luu Zwitə Ley Nwi, faŋ ŋkə nə ŋìi taa fwisə vɨɨ, yɨ̀sə vəŋ gisə yigi faŋ nyə ndɔ̀ fɨ ghɔ Nwi.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.