Roma 1:3 - Vengo (Babungo)

³ Ntɔŋ Nwi yɔ́ lùu nu buꞌ ŋwiŋ wi, faŋ ŋwə nə fùu fɨ ŋiꞌ ŋii fwàŋ Deyvid.

Roma 1:3 ပူးပေါင်းရင်းမြစ်များ

Matiu 1:1

Lùu ŋwaꞌlə kɔ̀ŋ ŋiꞌ ŋii Yeso Kristo, wee Deyvid, wee Abraham.

Matiu 1:16

Jeykob bi Josef, ndəə Meri, faŋ ŋwə nə bì Yeso, faŋ vɨ nəə tii ŋwə nə Kristo nə.

Matiu 1:6

Jesse bi fwàŋ Deyvid, Deyvid ghɔ zu Uria (Batseba), bi Solomon,

Matiu 12:23

Nu kɔ́ ghɔꞌ vɨɨ vənshə. Vəŋ gi laa, «Wə ŋwə̀ kee lùu wee wee fwàŋ Deyvid ŋgwə faŋ Nwi nə kɔ̀ꞌnə maa mətɔŋ tɨ́ nsiŋ nə yimu?»

Matiu 15:22

Wəzwi Kanahan mɔ́ꞌ fɨ kwiŋ yɔ́ jwi kɨ yumə laa, «Kee gəŋ saŋ, tɨta, wee fwàŋ Deyvid! Zwitə bwə mɔ́ꞌ kɔ ŋɨꞌ tɨ́ ŋwiŋ ŋwaa wəzwi ŋkee dɨdɨꞌ.»

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Matiu 27:43

Ŋwə nə nùŋ fwi yi maa Nwi, bàw Nwi bweysə ŋwə ndwə, faŋ Nwi kàw ŋwə, fɔnə ŋwə yaa gi laa yi lùu Wee Nwi.»

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Matiu 9:27

Yeso ndɔ fɨ yifi, kɨ gə vɨsɨ, vɨɨ sɨ fɨsə vəbɔɔ beꞌsə ŋwə, toꞌ yumə laa, «Gaŋtə yia mɔɔ, wee fwàŋ Deyvid.»

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 1:69

Ŋwə kɔ̀ wuu ŋgaŋtə kwalə tɨ́ nsiŋ, faŋ lùu wuu ŋiꞌ ŋii fwàŋ Deyvid, wuu faꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:34

Mə ye nɨniŋ, buu naysə ntee laa wə ghɔ́ lùu Wee Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:49

Nataniel bəŋsə tɨ́ ŋwə laa, «Rabi, a lùu Wee Nwi. A luu fwàŋ vɨɨ Isirayl.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:30

Tii ŋwaa nə mə lùu fa kəmuꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:36

Nɨniŋ, sii yɨ̀ kə viŋ gi laa mə ndà Nwi, buꞌ faŋ mə gì laa mə faŋ Tii ŋwaa nə shòꞌ mə, baa tɔ̀ŋ mə taa mbi nyə̀, mə lùu Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:25

Viŋ zɔ! Mə gì tɨ́ viŋ yinsəŋ laa, yighee kɨkuꞌ, kaꞌ mə gì laa nyə duꞌtə nyə kùꞌ, faŋ vəŋku-kɨ-duꞌ taa zɔ gɨ Wee Nwi. Nɨniŋ, vəŋku və vɨɨ mbɨə faŋ vəŋ zɔ̀ gɨ Wee Nwi yɔ́, taa ywey fɨ shɨ yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:42

Maa vɨ nə nyɔ̀ꞌ taa ŋwaꞌlə Nwi laa wuu məbweysə ghɔ́ ndɔ fuu fɨ ŋiꞌ ŋii Deyvid, baa nə laa vɨ ndɔ bi ŋwə ntɨꞌ Betelehem, faŋ luu ntɨꞌ njyə faŋ fwàŋ Deyvid nəə shi shɔ ŋkee fɨshi.

Akts 2:30

Ŋwə nə lùu nshiiŋii-sɔghɔ, ndɔ kɨɨ laa, Nwi nə lɨ̀ꞌtə tɨ́ ŋwə laa ŋkee wee wee ŋwiŋ wi bi ndɔ duꞌ fuu ŋkaw yifwàŋ ki.

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

Roma 1:9

Mə lumə viŋ ghee nshə vɨsɨ Nwi. Nshɨ-tɔ Nwi faŋ mə faꞌ faꞌ wi nə fwi nyaa yinshə, sàynə ntɔŋ yijəə kɔ̀ŋ ŋwiŋ wi nə, kɔꞌ kɨɨ laa mə lùmə viŋ.

Roma 4:1

Nɨniŋ, nu Abraham, faŋ lùu tɨɨ ŋiꞌ ŋii kaŋ-nsiŋ nə, nə luu kɨkə? Nu ki nə luu kəloomə buꞌ vənu vəjəəvə vi faŋ ŋwə nə yɨ̀sə mu?

Roma 9:3

Mə nə kaw ŋkee laa Kristo kwaŋ ndwaŋ tɔ mə, mèꞌ mə, faŋ nu kɔ́ nə gaŋtə laa vaŋ-nshwi vaŋ, vɨɨ Isirayl, faŋ vəŋ lùu vɨɨ yikuu vaŋ nə, ndɔ bwey.

Roma 9:5

Vətɨɨ vaŋ-nsiŋ lùu ŋiꞌ ŋii vəŋ, nshɨ-tɔ Kristo nə fùu fɨ ŋiꞌ ŋii vəŋ yaa wə. Nsiŋ kɨ bəŋsə Kristo faŋ luu Nwi faŋ ŋwə kwàlə shɔ̀ɔ mbi yinshə, kee mè me. Ŋkə lùu nɨniŋ.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

1 Kɔrintian 10:18

Viŋ bɨꞌtə nu kɔ̀ŋ nshinə vɨɨ Jus. Taa ŋwaa vəŋ, vɨɨ mbɨə faŋ vəŋ kɔ Nwi, yaa kɨ kwə fɨ maa mbasə ndey faŋ vɨ fèꞌ Nwi shɔ nə. Faŋ vəŋ kwə̀ mbasə ghɔ́ nə, vəŋ fàynə ghɔ vɨ Nwi, faŋ lùu wə ntɨə faŋ vɨ feꞌ nə.

Galatia 4:4

Luu nə, Nwi kɨ nii tɔ̀ŋ ŋwiŋ wi taa mbi maa yighee njyə faŋ Nwi nə tə. Wəzwi mɔ́ꞌ gɔ ŋwə, bì ŋwə. Ŋwə nəə beꞌsə ntɨsə nsɨə faŋ Nwi nə kɔ̀ tɨ́ vɨɨ Jus nə nɨzi.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Timoti 2:5

Nwi luu sheꞌ muꞌ. Wə ntɨə faŋ ŋwə fàynə vɨɨ ghɔ vɨ Nwi luu sheꞌ muꞌ nɨzi, lùu Yeso Kristo, wuu məbweysə ŋwaa-nsiŋ.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

2 Timoti 2:8

Kɨ lumə Yeso Kristo faŋ Nwi nə ywèysə ŋwə fɨ shɨ yiku, ŋwə faŋ ŋwə nə fùu fɨ ŋiꞌ ŋii fwàŋ Deyvid nə. Lùu faŋ mə yuu kɨ fɨꞌtə ntɔŋ yijəə tɨ́ vɨɨ nə.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 3:23

Ntɨ njyə faŋ Nwi nə kɔ̀ tɨ́ nsiŋ, lùu laa nsiŋ nuŋsə fwi saŋ-nsiŋ maa ŋwiŋ wi Yeso Kristo, kàwnə yiŋwaa nyaa-nsiŋ, sheꞌ faŋ ŋwə nə tɨ̀ nsiŋ nə.

1 Jɔn 3:8

Wə ntɨə faŋ ŋwə yɨsə vənu vəbwəvə, ndɔ̀ fɨ ghɔ Satan, tɨɨ vəzwitə vəbwəvə, buꞌ laa Satan yɨsə vənu vəbwəvə shù fɨ maa vənzi. Ŋiꞌ nu ŋkɨə faŋ Wee Nwi nə fùu, lùu laa yi fuu ndìsə vənu vəbwəvə mbɨə faŋ mbə ndɔ̀ fɨ ghɔ Satan.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

1 Jɔn 5:5

Nɨniŋ, wə ntɨə faŋ ŋwə ghɔ̀ꞌ vənu vəbwəvə fɨ taa mbi lùu ndə? Nə kee lùu wə ntɨə faŋ ŋwə biŋ laa Yeso lùu Wee Nwi yimu?

2 Jɔn 1:7

Viŋ kɔꞌ kɨɨ laa vɨɨ məbweꞌsə vɨɨ fùu taa mbi vəyaŋ, faŋ vəŋ kee bìŋ laa Yeso Kristo lùu wuu məbweysə ŋwaa-nsiŋ me, faŋ ŋwə ndɔ̀ fɨ ghɔ Nwi me, baa nə laa ŋwə kee jwi mbi gù fa fənshi yaa wə me. Kəŋ wə ghɔ́ lùu wuu məbweꞌsə vɨɨ, baa lùu wuu mbeenə Kristo.

Reveleyshən 2:18

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Tiateyra, nyɔꞌ laa lee, «Wee Nwi faŋ sɨ ghi bii yaa wisə, ghuu ghi luu yaa bwey bay faŋ vɨ fùusə fɨ taa bɨꞌ ndaa-dɨŋ laa,