Reveleyshən 8:3 - Vengo (Babungo)

³ Nshiiŋii Nwi yimɔ́ꞌ jwi, tɨ̀ŋ yɨ shəŋ mətwaŋ vətɔ tɨ́ Nwi, nə kay goolə maa mətwaŋ vətɔ tɨ́ Nwi ghɔ ŋwə. Vɨ kɔ vətɔ vəyaŋ tɨ́ ŋwə maa mətwaŋ, mbə luŋsə bàw tɨ́ Nwi, laa ŋwə kuꞌsə maa vəməshɔꞌtə Nwi mbɨə faŋ vɨɨ ley Nwi nə shɔ̀ꞌtə Nwi shɔ nə. Ŋwə jwi nùŋ kay kɔ́ fuu shəŋ mətwaŋ vətɔ tɨ́ Nwi, faŋ vɨ nə bɔ̀ŋ nə goolə nə. Ŋkə nə luu vɨsɨ kenə kɔ́.

Reveleyshən 8:3 ပူးပေါင်းရင်းမြစ်များ

Lukas 1:10

Nwaa vɨɨ vənshə nəə shɔꞌtə Nwi fu maa yighee mətwaŋ ndiŋ kɔ́.

Roma 8:34

Sii kaꞌ shia ndə shia nsɔꞌ tɔ vəŋ? Yeso Kristo nə kù tɔ nsiŋ, baa yɨ̀sə nu faŋ ŋkə shɔ̀ɔ yiŋkii. Nu kɔ́ lùu laa ŋwə nə ywèy fɨ shɨ yiku. Ŋwə baa dùꞌ maa kwiŋ Nwi maꞌnə, bəŋsə vənu vaŋ-nsiŋ ghɔ Nwi.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Hibru 9:4

Maa shəŋ kɔ́, vɨ kìi shəŋ mɔ́ꞌ faŋ vɨ twaŋ vəndiŋ shɔ, mbə luŋsə vəjəə tɨ́ Nwi. Vɨ nə bɔ̀ŋ shəŋ kɔ́ nə goolə. Ŋwaꞌ məkee Nwi lùu maa shəŋ kɔ́ nɨzi. Vɨ nə lii nshətə ŋwaꞌ ghɔ́ nə mbɨɨ yi yinshə nə goolə. Taa ŋwaꞌ ghɔ́ vɨ nə nùŋ ntɨɨ shɔ faŋ vɨ bɔ̀ŋ nə goolə, nə fazɨ ŋkɨə faŋ ŋkə nə ndɔ̀ fɨ ghɔ Nwi, faŋ vɨ tii nə mana taa tey yi. Mbay Aarɔn faŋ nyə nə sɔꞌ nə, lùu taa tey yi nɨzi, baa nə ŋoꞌsə sì səbɔɔ, faŋ Nwi nə nyɔ̀ꞌ ntɨ si fuu yi nə.

Reveleyshən 10:1

Mə baa kɨ ye, yè nshiiŋii Nwi yikwalə yimɔ́ꞌ siꞌ jwì fɨ yizɔ, mɔ̀ꞌ mbɔꞌ maa ŋwə yaa njwi, nə kuluŋ tɔ ŋwə. Yikəꞌ yi nə bee yaa shɨshwi, fəŋ ghi luu yaa vətweꞌ və wi.

Reveleyshən 14:18

Nshiiŋii Nwi yimɔ́ꞌ faŋ ŋwə kìi wutə məsɔꞌ wisə, fùu fɨ taa shəŋ məkɔ Nwi, gì ŋkee nə gɨ yishaꞌsə tɨ́ nshiiŋii Nwi njii-wə faŋ ŋwə nə kìi nywi ghɔ ŋwə nə, laa lee, «Ndi nywi yə, shetə vətaŋ vətɨ shɔ faŋ mbə lùu maa tɨ taŋ kì fɨ shɨ nsi, buꞌ laa vətaŋ vɔ́ tà.»

Reveleyshən 5:8

Ŋwə jwi fi nɨniŋ, vətɔ vəbweyvə vɔ́ yishwe nə vɨɨ taa vì njɔsə-yishwe muu-mbɔɔ gu nsi vɨsɨ ŋwə, tɨ́ wə kɨ kii ndəə-ntɨ, wə kɨ kii ndəə-ntɨ, baa nə vəkay faŋ vɨ naysə nə goolə, nə vətɔ lwàŋ taa tey yi, luŋsə baw baw. Vətɔ və luŋsə vɔ́ lùu məshɔꞌtə Nwi, faŋ vɨɨ ley Nwi nə shɔ̀ꞌtə Nwi shɔ nə.

Reveleyshən 6:9

Ŋwə shoꞌ vəlay lwesə tee, mə ye vəzwitə və vɨɨ mbɨə faŋ vɨ nə zwilə vəŋ buꞌ nu Nwi, nə buꞌ məbiŋ vəŋ faŋ vəŋ nə bìŋ yizii Kristo ntee nə. Vəŋ duꞌ ŋiꞌ shəŋ məkɔ Nwi,

Reveleyshən 7:2

Mə baa kɨ nii yè nshiiŋii Nwi mɔ́ꞌ, ŋwə fuu fɨ kwiŋ ntɔŋ-shɨshwi nə lay Nwi, ŋwə luꞌ tɨ́ nshiisə-ŋiisə Nwi sɔ́ yishwe nə, faŋ Nwi nə kɔ̀ wutə tɨ́ vəŋ laa vəŋ bɨsə mbi nə mamuu.

Reveleyshən 8:4

Nshiiŋii Nwi yɔ́ twàŋ vətɔ vəluŋsə vɔ́, fəndɨꞌ fuu, koꞌ ziꞌ vɨsɨ Nwi, ghɔ məshɔꞌtə fɨ ghɔ vɨɨ ley Nwi faŋ vəŋ shɔꞌtə Nwi shɔ nə.

Reveleyshən 8:5

Nshiiŋii Nwi yɔ́ kɨ nii jìa kay kɔ́, kwàŋ wisə taa tey yi, ŋwə lwaŋ. Ŋwə ndi, tùŋ shɨ nsi, yibay bwələ shɨ nsi, dùŋ, yumə fuu, nsi nəꞌnə.

Reveleyshən 9:13

Nshiiŋii Nwi lwesə ntɔfə, taw yisaw yi, mə zɔ gɨ yimɔ́ꞌ fuu fɨ maa təsaw yishwe faŋ ntə nə luu mbɨɨ shəŋ məkɔ Nwi faŋ vɨ nə bɔ̀ŋ nə goolə nə, vɨsɨ Nwi.