Reveleyshən 7:9 - Vengo (Babungo)

⁹ Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,

Reveleyshən 7:9 ပူးပေါင်းရင်းမြစ်များ

Lukas 12:1

Kɨ lùu maa yighee yɔ́, vɨɨ ŋkaŋsə ŋkaŋsə nə baytə shəŋ muꞌ, wə toꞌ fɨ fuu ŋwaa liŋ wi, wə toꞌ fɨ fuu ŋwaa liŋ wi. Yeso bɨ gì tɨ́ vɨɨ məzwetə nu ki laa, «Viŋ ndɨɨnə maa nu vɨɨ Farisii, faŋ vəŋ yaa kɨ boꞌ ŋwaa, buꞌ laa lùu nu faŋ kaꞌ ŋkə yasə saynə taa ŋwaa vɨɨ, sheꞌ faŋ fənsɨŋ yaa kɨ saynə taa bee, ŋkə mwa.

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:13

vəŋ ndi vəshay və yitee, fuu gə̀, ghɔ vɨ vəŋ faynə. Vəŋ nə luꞌ laa, «Hosana! Mənɔŋ-bwaŋnə fuu tɔ wə ntɨə faŋ ŋwə jɨjwi maa yizii tɨta Nwi. Ŋwə jwi yuu fwàŋ vɨɨ Isirayl.»

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Efesɔs 6:13

Nɨniŋ, viŋ shuŋ vətɔ və yighaw və Nwi, laa viŋ kɨɨ nə təsə ghuu wiŋ maa shi nu bwə, maa məyɨsə vənu vənshə vəjəə, mètə, tɨ̀ŋnə weꞌ.

Hibru 11:12

Nɨniŋ, Abraham nə bì wee maa yighee njyə faŋ ŋwə nə duꞌtə ŋwə dwàŋ, kɨ kɨꞌ yiku. Faŋ ŋwə nɨnɔŋ nə kɔlə ta sə̀mə nə, kɨ gu tɨɨ vɨɨ vəyaŋ, faŋ vəŋ lùu yaa məjwiŋ fɨ taa yizɔ, baa lùu yaa waꞌsə fɨ taa muu, faŋ kaꞌ vɨ kee say me.

Hibru 12:22

Gə fɨ maa viŋ, shəŋ ŋkɨə faŋ viŋ jwì tɨ̀ŋ shɔ, luu ŋkee nɨŋkwiŋ. Viŋ tɨ̀ŋ luu yɨ baŋ njyə faŋ vɨ tii nə baŋ Zayon. Viŋ jwì luu shɨ Nwi, faŋ lùu Nwi bwey. Lùu shəŋ ŋkɨə faŋ Nwi lùu shɔ yizɔ. Vɨ tii shəŋ kɔ́ nə Jerusalem fɨ yizɔ. Nshiisə-ŋiisə Nwi faŋ kaꞌ wə kee say me, bàytə yifi, kɨ ŋaytə.

Reveleyshən 11:15

Nshiiŋii Nwi lwesə kwatia kɨ nii tàw yisaw yi, gɨsə vɨɨ gi fɨ yizɔ ŋkee nəŋay laa, «Yighee jwi kùꞌ faŋ tɨta ŋwaa-nsiŋ, ghɔ wə ntɨə faŋ ŋwə nə shòꞌ ŋwə nə, ndɔ kɨ sɔꞌ mbi yinshə. Yifwàŋ yivəŋ ndɔ goꞌsə yighee muꞌ.»

Reveleyshən 22:3

Kaꞌ a kee yè tuu ŋkee fa faŋ Nwi kee yikaw me taa shɨ yɔ́ me. Kenə Nwi ghɔ bi-njɨɨ yɔ́ lùu taa shɨ yɔ́, vɨɨ faꞌ vi bəŋsə ŋwə.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.

Reveleyshən 4:4

Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.

Reveleyshən 5:11

Mə baa kɨ ye, yè nshiisə-ŋiisə Nwi səyaŋ, faŋ nsə kia ŋkaw kɔ́, nə vətɔ vəbweyvə vɔ́ nə vɨɨ taa vɔ́, nwaa vəŋ nə luu ŋkaŋsə ŋkaŋsə, nə vəmalia vəmalia. Mə kɨ nii zɔ̀ gɨ vəŋ.

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 6:11

Vɨ kɨ nii kɔ̀ njwi yimɔ́ꞌ yifusə tɨ́ wə tɨ̀ me wə fɨ taa ŋwaa vəŋ, nàysə tɨ́ vəŋ laa vəŋ shəŋ ŋwaa tɨtiꞌ, gə̀ kɔ̀ tɨ́ yighee njyə faŋ nwaa vəŋ taa lwaŋ, faŋ vɨ ndɔ baa zwilə vaŋ-nshwi vəŋ, vɨɨ faꞌ Nwi, mbɨə faŋ vɨ ndɔ baa zwilə vəŋ yuu vɨ nə zwìlə viŋ nə.

Reveleyshən 7:8

nə fɨ taa ŋwaa vɨɨ Zebulɔn ŋkaŋsə njɔsə-bɔɔ, nə fɨ taa ŋwaa vɨɨ Josef ŋkaŋsə njɔsə-bɔɔ, nə fɨ taa ŋwaa vɨɨ Benyamin ŋkaŋsə njɔsə-bɔɔ. Vɨ nə shwènə vɨɨ vɔ́ vənshə.