Reveleyshən 7:4 - Vengo (Babungo)

⁴ Vɨ naysə ki vɨɨ shee faŋ vɨ shwenə vəŋ nə lay Nwi kɔ́ mbootɔ vəŋ nə. Vəŋ nə luu vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe. Nə luu vɨɨ fɨ taa məshɨ mə Isirayl mənshə.

Reveleyshən 7:4 ပူးပေါင်းရင်းမြစ်များ

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Lukas 14:22

Wuu faꞌ ghɔ́ gə yɨ̀ nɨniŋ, baa bə̀ŋ jwì, nàysə tɨ́ ŋwə laa, «Tɨta, mə gə̀ yɨ̀sə vənu mbɨə faŋ a gì nə. Luu nə, shəŋ məduꞌnə kɨ bii.»

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

Akts 26:7

Ŋiꞌ nu ŋkɨə faŋ vɨɨ Jus kwàŋ mə taa nsɔꞌ, mɔɔ fwàŋ, luu sheꞌ ŋkɔꞌnə njyə faŋ məshɨ maa-nsiŋ njɔsə-bɔɔ kəə kii, faŋ vəŋ bəŋsə Nwi vətuꞌ nə shɨshwi nə, kee bwa me.

Roma 9:27

Gə fɨ maa nshiiŋii-sɔghɔ Aysaya, ŋwə nə yùmə kɔ̀ŋ vɨɨ Isirayl laa, «Nwaa vɨɨ Isirayl nəə toꞌ lùu yaŋ yaa waꞌsə fɨ taa mamuu, buu ndɔ bwey sheꞌ mbusə vɨɨ fɨ fuŋ.

Jeyms 1:1

Lùu mə Jeyms, wuu faꞌ Nwi nə Yeso Kristo, faŋ mə shɔꞌtə viŋ, vɨɨ Nwi fɨ taa məshɨ mə Isirayl njɔsə-bɔɔ, faŋ viŋ sàykə taa mbi.

Reveleyshən 14:1

Mə baa ndèynə, yè wee-bi-njɨɨ ghɔ́ faŋ ŋwə dùꞌ fuu baŋ Zayon, ghɔ vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe, faŋ vɨ nə nyɔ̀ꞌ yizii wee-bi-njɨɨ ghɔ́ nə yizii Tii wi mbootɔ vəŋ.

Reveleyshən 14:3

Vəŋ zwa nyay yifi vɨsɨ kenə Nwi, baa nə vɨsɨ vətɔ vəbweyvə vɔ́ yishwe nə, baa nə vɨsɨ vɨɨ taa vɔ́. Nə kɨkaꞌ wə kee zwètə nyay yɔ́ me, tɨ̀ lɨꞌ sheꞌ vɨɨ vɔ́ ŋkaŋ waaghɨꞌ nə ŋkaŋsə njɔsə-yishwe muu-yinshwe faŋ Nwi nə shòꞌ vəŋ fɨ taa mbi, ywàŋ nə mənshi mə ŋwiŋ wi nə me.

Reveleyshən 7:5

Vɨ nə shwènə vɨɨ ŋkaŋsə njɔsə-bɔɔ fɨ taa ŋwaa vɨɨ Juda, nə fɨ taa ŋwaa vɨɨ Ruubən ŋkaŋsə njɔsə-bɔɔ, nə fɨ taa ŋwaa vɨɨ Gad ŋkaŋsə njɔsə-bɔɔ,

Reveleyshən 9:16

Nwaa vɨɨ məkoꞌ nyaasə fɨ shuu yighaw vəŋ nə luu ŋkaŋsə yighuŋ, vəshəŋ ŋkaŋsə yighuŋ ghee bɔɔ. Lùu faŋ mə nə zɔ ki vəŋ nə.