Reveleyshən 7:2 - Vengo (Babungo)

² Mə baa kɨ nii yè nshiiŋii Nwi mɔ́ꞌ, ŋwə fuu fɨ kwiŋ ntɔŋ-shɨshwi nə lay Nwi, ŋwə luꞌ tɨ́ nshiisə-ŋiisə Nwi sɔ́ yishwe nə, faŋ Nwi nə kɔ̀ wutə tɨ́ vəŋ laa vəŋ bɨsə mbi nə mamuu.

Reveleyshən 7:2 ပူးပေါင်းရင်းမြစ်များ

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

2 Kɔrintian 1:22

kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

1 Tesalonika 1:9

buꞌ laa nshɨ-tɔ vɨɨ vɔ́ gisə nu kia, faŋ yia nə jwì yɨ viŋ nə, tɨ́ vɨɨ, baa gi faŋ viŋ nə kwìinə fwi siŋ, nùŋ maa Nwi, mèꞌ vənwi vədayday, faꞌ tɨ́ Nwi faŋ lùu Nwi yinsəŋ, faŋ kii sheꞌ ŋwə kìi məbwey,

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Hibru 12:22

Gə fɨ maa viŋ, shəŋ ŋkɨə faŋ viŋ jwì tɨ̀ŋ shɔ, luu ŋkee nɨŋkwiŋ. Viŋ tɨ̀ŋ luu yɨ baŋ njyə faŋ vɨ tii nə baŋ Zayon. Viŋ jwì luu shɨ Nwi, faŋ lùu Nwi bwey. Lùu shəŋ ŋkɨə faŋ Nwi lùu shɔ yizɔ. Vɨ tii shəŋ kɔ́ nə Jerusalem fɨ yizɔ. Nshiisə-ŋiisə Nwi faŋ kaꞌ wə kee say me, bàytə yifi, kɨ ŋaytə.

Reveleyshən 1:3

Mənɔŋ-bwaŋnə tɔ wə ntɨə faŋ ŋwə tìi nu ŋkɨə faŋ Nwi nə gì laa ŋkə taa gay nə, baa nə tɔ vɨɨ mbɨə faŋ vəŋ zɔ, jìa nu ŋkɨə faŋ mə ŋwaꞌlə taa ŋwaꞌlə ŋwə̀, buꞌ laa yighee vənu vɔ́ lùu nshənə.

Reveleyshən 10:1

Mə baa kɨ ye, yè nshiiŋii Nwi yikwalə yimɔ́ꞌ siꞌ jwì fɨ yizɔ, mɔ̀ꞌ mbɔꞌ maa ŋwə yaa njwi, nə kuluŋ tɔ ŋwə. Yikəꞌ yi nə bee yaa shɨshwi, fəŋ ghi luu yaa vətweꞌ və wi.

Reveleyshən 10:4

Yibay bwələ ghee kwatia nɨniŋ nə, mèꞌtə, mə kəə nyɔꞌ nu ŋkɨə faŋ nyə gi, zɔ gɨ wə gi fɨ taa yizɔ laa, «Ndɨə nu ŋkɨə faŋ yibay nii bwələ ghee kwatia, gì nə. Kɨ nyɔꞌ me!»

Reveleyshən 16:12

Nshiiŋii Nwi lwesə ntɔfə tu kay ki taa muu məshɔɔmə məkwalə Yufreytis, mbə yɔŋ. Nɨniŋ laa jɨɨ luu yiŋaꞌsə tɨ́ vəfwàŋ faŋ vəŋ jwi nə yighaw fɨ ntɔŋ-shɨshwi.

Reveleyshən 5:2

Mə ye nɨniŋ, kɨ nii yè nshiiŋii Nwi weꞌ mɔ́ꞌ. Ŋwə gi ŋkee nə gɨ yishaꞌsə laa, «Kuꞌnə ndə maa məŋaꞌsə ŋwaꞌlə ghɔ́, shoꞌ vəlay vi?»

Reveleyshən 8:3

Nshiiŋii Nwi yimɔ́ꞌ jwi, tɨ̀ŋ yɨ shəŋ mətwaŋ vətɔ tɨ́ Nwi, nə kay goolə maa mətwaŋ vətɔ tɨ́ Nwi ghɔ ŋwə. Vɨ kɔ vətɔ vəyaŋ tɨ́ ŋwə maa mətwaŋ, mbə luŋsə bàw tɨ́ Nwi, laa ŋwə kuꞌsə maa vəməshɔꞌtə Nwi mbɨə faŋ vɨɨ ley Nwi nə shɔ̀ꞌtə Nwi shɔ nə. Ŋwə jwi nùŋ kay kɔ́ fuu shəŋ mətwaŋ vətɔ tɨ́ Nwi, faŋ vɨ nə bɔ̀ŋ nə goolə nə. Ŋkə nə luu vɨsɨ kenə kɔ́.

Reveleyshən 9:14

Gɨ yɔ́ gi tɨ́ nshiiŋii Nwi lwesə ntɔfə faŋ ŋwə kìi yisaw yɔ́ laa, «Keꞌtə kuu fɨ maa nshiisə-ŋiisə Nwi sì yishwe faŋ vɨ nə shùŋnə vəŋ shuu muu məkwalə mə Yufreytis.»

Reveleyshən 9:4

Vɨ naysə tɨ́ nsə laa kɨ nsə bɨsə təgay fɨ shɨ nsi me, tɨꞌnə me fa faŋ ŋkə tɨta yaa vətɨ me, laa nsə kɨ gə sheꞌ maa vɨɨ mbɨə faŋ vəŋ kee kìi shwenə Nwi mbootɔ vəŋ me.