Reveleyshən 5:6 - Vengo (Babungo)

⁶ Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.

Reveleyshən 5:6 ပူးပေါင်းရင်းမြစ်များ

Lukas 1:69

Ŋwə kɔ̀ wuu ŋgaŋtə kwalə tɨ́ nsiŋ, faŋ lùu wuu ŋiꞌ ŋii fwàŋ Deyvid, wuu faꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:36

kɨ ye, yè Yeso faŋ ŋwə toꞌ, shɔ̀ɔ fɨ yifi. Ŋwə ndeynə, gì laa, «Viŋ ye bi-njɨɨ Nwi yɔ́ nə!»

Akts 8:32

Shəŋ ŋwaꞌlə kɔ́ faŋ ŋwə nəə tii nə, luu ŋkɨə faŋ ŋkə lùu laa lee, «Ŋwə nə luu yaa bi-njɨɨ faŋ vɨ ndì, kɨ gə sɨɨ. Ŋwə nə kee ŋaꞌsə shuu wi me, kee gì tuu nu me, sheꞌ yaa wee-bi-njɨɨ faŋ nyə kee yaa kɨ gwia faŋ vɨ ki wiŋ ghi me.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 14:1

Mə baa ndèynə, yè wee-bi-njɨɨ ghɔ́ faŋ ŋwə dùꞌ fuu baŋ Zayon, ghɔ vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe, faŋ vɨ nə nyɔ̀ꞌ yizii wee-bi-njɨɨ ghɔ́ nə yizii Tii wi mbootɔ vəŋ.

Reveleyshən 17:14

Vəŋ ndɔ ŋii yighaw maa bi-njɨɨ yɔ́, bi-njɨɨ yɔ́ faŋ lùu Kristo nə, ghɔꞌ vəŋ, buꞌ laa ŋwə lùu tɨɨ vɨɨ məsɔꞌ mbi, baa luu fwàŋ vəfwàŋ. Ŋwə ndɔ ghɔꞌ vəfwàŋ vɔ́ ghɔ vɨ vɨɨ vi faŋ Nwi nə tii vəŋ, shoꞌ vəŋ nə, buꞌ faŋ vəŋ nə jìa nu ki, nùŋ fwisə vəŋ maa ŋwə.»

Reveleyshən 21:22

Mə kee yè ŋii Nwi taa shɨ yɔ́ me, buꞌ laa nshɨ-tɔ Nwi, tɨta Nshɔɔ-mbi lùu taa ŋwaa vəŋ, ghɔ bi-njɨɨ yɔ́.

Reveleyshən 21:23

Shɨ kɔ́ kee baa kəə shɨshwi, tɨꞌnə me ŋuu, maa məbee me, buꞌ laa feenə Nwi bee shɔ. Bi-njɨɨ yɔ́ luu kiꞌ wi.

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:3

Kaꞌ a kee yè tuu ŋkee fa faŋ Nwi kee yikaw me taa shɨ yɔ́ me. Kenə Nwi ghɔ bi-njɨɨ yɔ́ lùu taa shɨ yɔ́, vɨɨ faꞌ vi bəŋsə ŋwə.

Reveleyshən 4:8

Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»

Reveleyshən 5:11

Mə baa kɨ ye, yè nshiisə-ŋiisə Nwi səyaŋ, faŋ nsə kia ŋkaw kɔ́, nə vətɔ vəbweyvə vɔ́ nə vɨɨ taa vɔ́, nwaa vəŋ nə luu ŋkaŋsə ŋkaŋsə, nə vəmalia vəmalia. Mə kɨ nii zɔ̀ gɨ vəŋ.

Reveleyshən 5:12

Vəŋ gi ŋkee nə gɨ yishaꞌsə laa, «Bi njyə faŋ vɨ nə zwì tɔ vɨɨ nə, kùꞌnə maa məzɨ yifwàŋ yi, nə yikwalə Nwi, baa nə yitɔfə, nə wutə. Bàw vɨ kɨ kɔ feenə tɨ́ ŋwə, bəŋsə ŋwə, shɔꞌtə ŋwə!»

Reveleyshən 5:13

Mə baa kɨ nii zɔ̀ vətɔ vənshə faŋ Nwi nə bɔ̀ŋ, mbɨə faŋ mbə lùu yizɔ, nə mbɨə faŋ mbə lùu shɨ nsi, nə mbɨə faŋ mbə lùu taa mamuu, ŋkee vətɔ vənshə faŋ mbə lùu shɔ nə, mbə gi laa, «Nsiŋ kɨ shɔꞌtə Nwi faŋ ŋwə dùꞌ fuu ŋkaw, nə bi-njɨɨ yɔ́, kɔ feenə tɨ́ vəŋ, bəŋsə vəŋ. Vəŋ kɨ sɔꞌ nsiŋ maa vəshi və mbi vənshə, kee kìi ki me.»

Reveleyshən 5:14

Vətɔ vəbweyvə vɔ́ yishwe nə, gi laa, «Ŋkə lùu nɨniŋ.» Vɨɨ taa vɔ́ nɔŋ nsi, kɨ bəŋsə Nwi.

Reveleyshən 6:16

gisə tɨ́ baŋsə nə yighɔsə laa, «Viŋ gukə maa yia, ndɨə yia fɨ ghɔ wə ntɨə faŋ ŋwə duꞌ fuu ŋkaw yizɔ nə, nə fɨ ghɔ bi-njɨɨ yɔ́, faŋ fwi yi shəsə nə,