Reveleyshən 4:8 - Vengo (Babungo)

⁸ Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»

Reveleyshən 4:8 ပူးပေါင်းရင်းမြစ်များ

Akts 20:31

Nɨniŋ, viŋ kɨ shi nə yikɨꞌ, lumə faŋ nsiŋ nə shì mɔ́ꞌ maa ŋuꞌsə tia, mə nəə tɨsə viŋ wə nə muꞌ nə muꞌ, vətuꞌ nə shɨshwi, kee bwa me, mənsɨ baa sìꞌ fɨ sɨ mə buꞌ viŋ.

2 Kɔrintian 6:18

Mə kɨ nii lùu tii wiŋ, viŋ luu vaŋ vaŋ.» Lùu yigisə Mɔꞌmbi faŋ ŋwə sɔꞌ mbi yinshə.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Hibru 13:8

Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»

Reveleyshən 11:17

gì laa, «Yia bwaŋ ghɔ, tɨta Nwi, Nshɔɔ-mbi, faŋ a nə luu shɔ maa yighee vɨsɨ, baa lùu shɔ ndwə, buꞌ laa a ndì wutə kə, faŋ ŋkə shɔ̀ɔ ki, kɨ sɔꞌ mbi yaa yifwàŋ yə.

Reveleyshən 14:11

Fəndɨꞌ kɨ fuu fɨ maa shəŋ ŋkɨə faŋ vɨ twaŋ vəŋ shɔ maa vəshi və mbi vənshə, kee ndɔ mè me. Vətuꞌ nə shɨshwi yighee məshəŋ ŋwaa kee lùu shɔ tɨ́ vəŋ me. Vəŋ ye ŋɨꞌ, buꞌ laa vəŋ nə bəŋsə nyaa yɔ́ nə fənyia fi, baa fì shwenə yizii ki maa vəŋ.»

Reveleyshən 14:3

Vəŋ zwa nyay yifi vɨsɨ kenə Nwi, baa nə vɨsɨ vətɔ vəbweyvə vɔ́ yishwe nə, baa nə vɨsɨ vɨɨ taa vɔ́. Nə kɨkaꞌ wə kee zwètə nyay yɔ́ me, tɨ̀ lɨꞌ sheꞌ vɨɨ vɔ́ ŋkaŋ waaghɨꞌ nə ŋkaŋsə njɔsə-yishwe muu-yinshwe faŋ Nwi nə shòꞌ vəŋ fɨ taa mbi, ywàŋ nə mənshi mə ŋwiŋ wi nə me.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 15:7

Wə muꞌ fɨ taa ŋwaa vətɔ vəbweyvə vɔ́ yishwe nə, kɔ vəkay və goolə kwatia tɨ́ vəŋ, tɨ́ mbə lwaŋkə nə ŋɨꞌ fɨ ghɔ Nwi faŋ ŋwə bwey, goꞌsə yighee muꞌ nə.

Reveleyshən 16:14

Luu vəzwitə vəbwəvə və Satan, faŋ mbə yɨsə vənu və shuu yɔŋvə. Mbə fuu gə maa vəfwàŋ fɨ shɨ nsi, maa məshəŋtə vəŋ maa mətuŋ yighaw maa shi kwalə Nwi Nshɔɔ-mbi.

Reveleyshən 16:7

Mə baa zɔ shəŋ məkɔ Nwi gi laa, «Ɔŋ mɔɔ, tɨta Nwi Nshɔɔ-mbi, a shìa nu kəbinə, kəloomə.»

Reveleyshən 19:15

Baꞌ yighaw shəsə fuu fɨ shuu ŋwə, tɨ́ kaꞌ ŋwə ghɔ̀ꞌ mbi shɔ. Ŋwə taa kɨ sɔꞌ mbi nə mbay bwey, kaŋ vətaŋ və məluꞌ taa yibɨɨ məkaŋ məluꞌ njyə faŋ Nwi Nshɔɔ-mbi jìa vɨɨ bwənə shɔ nə fwi yishəsə yi.

Reveleyshən 19:4

Vɨɨ taa vɔ́ njɔsə-yishwe muu-mbɔɔ nə, nə vətɔ vəbweyvə vɔ́ yishwe nə, nɔŋ nsi, bə̀ŋsə Nwi faŋ ŋwə dùꞌ fuu kenə ki, gì laa, «Lùu nɨniŋ, nsiŋ kɨ bəŋsə Nwi!»

Reveleyshən 21:22

Mə kee yè ŋii Nwi taa shɨ yɔ́ me, buꞌ laa nshɨ-tɔ Nwi, tɨta Nshɔɔ-mbi lùu taa ŋwaa vəŋ, ghɔ bi-njɨɨ yɔ́.

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,

Reveleyshən 4:4

Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.

Reveleyshən 4:6

Vɨsɨ ŋkaw kɔ́, fa mɔ́ꞌ nə luu shɔ yaa mamuu, bee yaa ŋwaꞌlə məye sɨ. Vətɔ vəbweyvə vəmɔ́ꞌ yishwe nə dùꞌ mbɨɨ ŋkaw kɔ́, kìa ŋkaw kɔ́, nə sɨ yaŋ maa vətɔ vəbweyvə vɔ́ fɨ vɨsɨ nə fɨ yiba.

Reveleyshən 4:9

Vətɔ vəbweyvə vɔ́ nə bə̀ŋsə Nwi nɨniŋ, kɔ̀ feenə nə məbwaŋ tɨ́ Nwi faŋ ŋwə nə dùꞌ fuu ŋkaw kɔ́ nə, faŋ ŋwə lùu wuu bwey, gòꞌsə yighee muꞌ. Yighee tɨ̀ me yighee faŋ vətɔ vəbweyvə vɔ́ nəə bəŋsə Nwi nɨniŋ nə,

Reveleyshən 5:6

Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.

Reveleyshən 6:1

Mə baa kɨ nii yè faŋ bi-njɨɨ yɔ́ shoꞌ mfɔŋ lay fɨ maa vəlay vì kwatia nə, baa zɔ̀ faŋ wə muꞌ fɨ taa ŋwaa vətɔ vəbweyvə vɔ́ yishwe nə, tii laa, «Jwi!» Gɨ yi nə duŋ yaa yibay.

Reveleyshən 6:6

Mə kɨ nii zɔ̀ gɨ wə fuu fɨ taa ŋwaa vətɔ vəbweyvə vɔ́ yishwe nə. Ŋwə gì laa, «Vɨ fiŋ kay bee maa ŋkaŋ, nə say tia maa ŋkaŋ. Gə fɨ maa məluꞌ nə məŋgwə, kɨ kɔŋ mbə me.»

Reveleyshən 7:11

Nshiisə-ŋiisə Nwi sənshə tɨŋnə, kìa kenə kɔ́, kìa vɨɨ taa, nə vətɔ vəbweyvə vɔ́ yishwe nə, kɨ nii nɔ̀ŋ nsi vɨsɨ kenə kɔ́, tùŋ yitɔ yivəŋ nsi, bə̀ŋsə Nwi,

Reveleyshən 7:15

Lùu ŋiꞌ nu ŋkɨə faŋ ŋkə yɨ̀ laa kaꞌ vəŋ tɨ̀ŋnə vɨsɨ ŋkaw Nwi, kɨ faꞌ tɨ́ ŋwə taa ŋii Nwi vətuꞌ nə shɨshwi. Wə ntɨə faŋ ŋwə dùꞌ fuu ŋkaw məsɔꞌ mbi nə, jə̀ vəbee vi, shìtə vəŋ shɔ.