Reveleyshən 4:4 - Vengo (Babungo)

⁴ Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.

Reveleyshən 4:4 ပူးပေါင်းရင်းမြစ်များ

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Lukas 22:30

Viŋ ndɔ zɨ maa shəŋ ŋkɨə faŋ mə zɨ shɔ taa yifwàŋ Nwi, ndɔ duꞌ fuu vəkenə, kɨ sɔꞌ məshɨ mə Isirayl njɔsə-bɔɔ nə.»

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Reveleyshən 11:16

Vɨɨ taanə vì njɔsə-yishwe muu-mbɔɔ faŋ vəŋ nə dùꞌ fuu vəŋkaw vəvəŋ vɨsɨ Nwi nə, gukə nsi, tùŋ təkəꞌ təvəŋ nsi, bə̀ŋsə Nwi,

Reveleyshən 14:3

Vəŋ zwa nyay yifi vɨsɨ kenə Nwi, baa nə vɨsɨ vətɔ vəbweyvə vɔ́ yishwe nə, baa nə vɨsɨ vɨɨ taa vɔ́. Nə kɨkaꞌ wə kee zwètə nyay yɔ́ me, tɨ̀ lɨꞌ sheꞌ vɨɨ vɔ́ ŋkaŋ waaghɨꞌ nə ŋkaŋsə njɔsə-yishwe muu-yinshwe faŋ Nwi nə shòꞌ vəŋ fɨ taa mbi, ywàŋ nə mənshi mə ŋwiŋ wi nə me.

Reveleyshən 19:14

Shuu yighaw nshiisə-ŋiisə Nwi beꞌsə ŋwə, koꞌ fuu nyaasə-koꞌsə səfusə, mɔ̀ꞌ njwisə faŋ nsə fù laa buu, baa ley.

Reveleyshən 19:4

Vɨɨ taa vɔ́ njɔsə-yishwe muu-mbɔɔ nə, nə vətɔ vəbweyvə vɔ́ yishwe nə, nɔŋ nsi, bə̀ŋsə Nwi faŋ ŋwə dùꞌ fuu kenə ki, gì laa, «Lùu nɨniŋ, nsiŋ kɨ bəŋsə Nwi!»

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 20:4

Mə baa yè yiley vəŋkaw və məsɔꞌ mbi. Vɨɨ fuu dùꞌ fuu vəŋkaw vɔ́, Nwi nuŋ vəŋ maa vɨɨ məshia nsɔꞌsə. Mə kɨ nii yè vəŋku və vɨɨ mbɨə faŋ vɨ nə shètə yitɔ yivəŋ, buꞌ faŋ vəŋ nə biŋ nu Kristo ntee, baa fɨꞌtə nu Nwi tɨ́ vɨɨ nə. Nə luu vəŋku və vɨɨ mbɨə faŋ vəŋ nə kee bə̀ŋsə nyaa yì nə fənyia fi me, kee biŋ laa vɨ shwey ŋgwia vəŋ mbootɔ vəŋ me, tɨꞌnə me ghɔ vəŋ me. Vəŋ ywey, kɨ sɔꞌ mbi ghɔ vɨ Kristo ŋuꞌ ŋkaŋ.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.

Reveleyshən 4:10

vɨɨ taa vɔ́ njɔsə-yishwe muu-mbɔɔ nə, nɔŋ nsi vɨsɨ wə ntɨə faŋ ŋwə nə dùꞌ fuu ŋkaw kɔ́ nə, bəŋsə ŋwə faŋ ŋwə lùu bwey maa vəshi və mbi və̀ vənshə, ndɔ goꞌsə yighee muꞌ nə. Vəŋ shoꞌtə təsɔꞌ fɨ tɔ vəŋ, mɔ̀ꞌ vɨsɨ ŋkaw kɔ́, gì laa,

Reveleyshən 4:6

Vɨsɨ ŋkaw kɔ́, fa mɔ́ꞌ nə luu shɔ yaa mamuu, bee yaa ŋwaꞌlə məye sɨ. Vətɔ vəbweyvə vəmɔ́ꞌ yishwe nə dùꞌ mbɨɨ ŋkaw kɔ́, kìa ŋkaw kɔ́, nə sɨ yaŋ maa vətɔ vəbweyvə vɔ́ fɨ vɨsɨ nə fɨ yiba.

Reveleyshən 5:11

Mə baa kɨ ye, yè nshiisə-ŋiisə Nwi səyaŋ, faŋ nsə kia ŋkaw kɔ́, nə vətɔ vəbweyvə vɔ́ nə vɨɨ taa vɔ́, nwaa vəŋ nə luu ŋkaŋsə ŋkaŋsə, nə vəmalia vəmalia. Mə kɨ nii zɔ̀ gɨ vəŋ.

Reveleyshən 5:14

Vətɔ vəbweyvə vɔ́ yishwe nə, gi laa, «Ŋkə lùu nɨniŋ.» Vɨɨ taa vɔ́ nɔŋ nsi, kɨ bəŋsə Nwi.

Reveleyshən 5:6

Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.

Reveleyshən 5:8

Ŋwə jwi fi nɨniŋ, vətɔ vəbweyvə vɔ́ yishwe nə vɨɨ taa vì njɔsə-yishwe muu-mbɔɔ gu nsi vɨsɨ ŋwə, tɨ́ wə kɨ kii ndəə-ntɨ, wə kɨ kii ndəə-ntɨ, baa nə vəkay faŋ vɨ naysə nə goolə, nə vətɔ lwàŋ taa tey yi, luŋsə baw baw. Vətɔ və luŋsə vɔ́ lùu məshɔꞌtə Nwi, faŋ vɨɨ ley Nwi nə shɔ̀ꞌtə Nwi shɔ nə.

Reveleyshən 6:11

Vɨ kɨ nii kɔ̀ njwi yimɔ́ꞌ yifusə tɨ́ wə tɨ̀ me wə fɨ taa ŋwaa vəŋ, nàysə tɨ́ vəŋ laa vəŋ shəŋ ŋwaa tɨtiꞌ, gə̀ kɔ̀ tɨ́ yighee njyə faŋ nwaa vəŋ taa lwaŋ, faŋ vɨ ndɔ baa zwilə vaŋ-nshwi vəŋ, vɨɨ faꞌ Nwi, mbɨə faŋ vɨ ndɔ baa zwilə vəŋ yuu vɨ nə zwìlə viŋ nə.

Reveleyshən 7:11

Nshiisə-ŋiisə Nwi sənshə tɨŋnə, kìa kenə kɔ́, kìa vɨɨ taa, nə vətɔ vəbweyvə vɔ́ yishwe nə, kɨ nii nɔ̀ŋ nsi vɨsɨ kenə kɔ́, tùŋ yitɔ yivəŋ nsi, bə̀ŋsə Nwi,

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,

Reveleyshən 9:7

Gə̀ fɨ maa ŋkɨꞌnə ŋweysə sɔ́, nsə nə lùu yaa nyaasə-koꞌsə, faŋ nsə lòotə ŋwaa maa məgə yighaw. Fa mɔ́ꞌ nə luu shɔ maa yitɔ yivəŋ yaa yisɔꞌ vəfwàŋ, faŋ vɨ nàysə nə goolə. Təkəꞌ təvəŋ luu yaa ntə vɨɨ.