Reveleyshən 4:2 - Vengo (Babungo)

² Zwitə Nwi gwəkə gù maa mə, mə ye ŋkaw yizɔ faŋ nə luu ŋkaw məsɔꞌ mbi. Wə duꞌ fuu ŋkaw kɔ́.

Reveleyshən 4:2 ပူးပေါင်းရင်းမြစ်များ

Matiu 22:43

Ŋwə gi tɨ́ vəŋ laa, «Faŋ ŋkə lùu nɨniŋ nə, sii yɨ̀ kə buu fwàŋ Deyvid tii ŋwə fɨ taa Zwitə Ley Nwi laa «tɨta»? Maa fwàŋ Deyvid nə gì laa lee,

Hibru 8:1

Nu ŋkɨə faŋ ŋkə shɔ̀ɔ vənu vənshə taa yigisə yia, lùu laa nsiŋ kìi kəŋ wuu kwalə məfeꞌ Nwi faŋ ŋwə dùꞌ maa kwiŋ maꞌnə Nwi, faŋ ŋwə kìi wutə kənshə yizɔ. Wuu kwalə məfeꞌ Nwi ghɔ́ lùu Yeso.

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.

Reveleyshən 12:5

Wəzwi ghɔ́ bi wee-wəndɔŋ faŋ ŋwə ndɔ kɨ sɔꞌ mbi yinshə nə mbay bwey. Vɨ ndi ŋwiŋ wi ghɔ́, gə̀ nə ŋwə tɨ́ Nwi, yɨ ŋkaw Nwi taa yizɔ.

Reveleyshən 17:3

Nshiiŋii Nwi yɔ́ gi nɨniŋ, ndì mə fɨ taa zwitə, gə̀ nə mə taa tɔɔ waꞌsə. Mə ziꞌ shɔ, yè wəzwi faŋ ŋwə kòꞌ fuu nyaa yibay, faŋ vɨ nə nyɔ̀ꞌ təzii məndasə Nwi mbɨɨ ŋwaa yi. Yitɔ yi luu kwatia, ndaw si yighuŋ.

Reveleyshən 19:4

Vɨɨ taa vɔ́ njɔsə-yishwe muu-mbɔɔ nə, nə vətɔ vəbweyvə vɔ́ yishwe nə, nɔŋ nsi, bə̀ŋsə Nwi faŋ ŋwə dùꞌ fuu kenə ki, gì laa, «Lùu nɨniŋ, nsiŋ kɨ bəŋsə Nwi!»

Reveleyshən 20:11

Mə baa kɨ nii yè kenə kwalə kəfusə nə wə faŋ ŋwə dùꞌ fuu yi, nsi nə yizɔ nyɨŋ fɨ yikəꞌ ŋwə. Shəŋ nə kee baa lùu shɔ, tɨ́ kaꞌ nsi ghɔ yizɔ dùꞌ shɔ me.

Reveleyshən 21:10

Ŋwə ndi fwi nyaa, gə̀ nə nyə fuu baŋ yimɔ́ꞌ nee yidə, də̀ shɨ Jerusalem faŋ lùu shɨ Nwi kəkwalə nə shee. Ŋkə siꞌ jwì fɨ ghɔ Nwi yizɔ,

Reveleyshən 21:5

Wə ntɨə faŋ ŋwə nə dùꞌ fuu kenə məsɔꞌ mbi nə, gì laa, «Mə yɨ̀sə vənu vənshə gu vəfi,» baa gì shee laa mə nyɔꞌ vənu vɔ́ taa ŋwaꞌlə buꞌ laa mbə lùu vəbi, baa luu ŋkee nu yinsəŋ.

Reveleyshən 3:21

Wə ntɨə faŋ ŋwə jia fwi yi, kee mèꞌtə nu Nwi me, sheꞌ faŋ mə nə jìa fwi nyaa nɨzi, ziꞌ tɨ́ shi yiku nə, buu mə ndɔ biŋ laa yia ŋwə duꞌ fuu ŋkaw mə, kɨ sɔꞌ mbi mɔ́ꞌ, sheꞌ faŋ yia Tii ŋwaa duꞌ fuu ŋkaw ŋwə, kɨ sɔꞌ nə.»

Reveleyshən 4:10

vɨɨ taa vɔ́ njɔsə-yishwe muu-mbɔɔ nə, nɔŋ nsi vɨsɨ wə ntɨə faŋ ŋwə nə dùꞌ fuu ŋkaw kɔ́ nə, bəŋsə ŋwə faŋ ŋwə lùu bwey maa vəshi və mbi və̀ vənshə, ndɔ goꞌsə yighee muꞌ nə. Vəŋ shoꞌtə təsɔꞌ fɨ tɔ vəŋ, mɔ̀ꞌ vɨsɨ ŋkaw kɔ́, gì laa,

Reveleyshən 4:5

Yibay bwələ fɨ maa ŋkaw kɔ́, gɨsə baa luu fùu fɨ fuŋ nɨzi, nə gɨ yimɔ́ꞌ faŋ nyə duŋ yaa yibay. Təkiꞌ təmɔ́ꞌ kwatia nə luu vɨsɨ ŋkaw kɔ́, bee fɨ fuŋ. Lùu vəzwitə və Nwi kwatia.

Reveleyshən 4:9

Vətɔ vəbweyvə vɔ́ nə bə̀ŋsə Nwi nɨniŋ, kɔ̀ feenə nə məbwaŋ tɨ́ Nwi faŋ ŋwə nə dùꞌ fuu ŋkaw kɔ́ nə, faŋ ŋwə lùu wuu bwey, gòꞌsə yighee muꞌ. Yighee tɨ̀ me yighee faŋ vətɔ vəbweyvə vɔ́ nəə bəŋsə Nwi nɨniŋ nə,

Reveleyshən 5:1

Mə kɨ ye, yè ŋwaꞌlə mɔ́ꞌ ghɔ wə ntɨə faŋ ŋwə nə dùꞌ fuu ŋkaw kɔ́ nə, ŋwə jia maa kwiŋ maꞌnə wi, tɨ́ vɨ nyɔꞌ tey wi nə yiba yi, tə̀ kəŋ vəlay vəmɔ́ꞌ fuu yi kwatia.

Reveleyshən 5:13

Mə baa kɨ nii zɔ̀ vətɔ vənshə faŋ Nwi nə bɔ̀ŋ, mbɨə faŋ mbə lùu yizɔ, nə mbɨə faŋ mbə lùu shɨ nsi, nə mbɨə faŋ mbə lùu taa mamuu, ŋkee vətɔ vənshə faŋ mbə lùu shɔ nə, mbə gi laa, «Nsiŋ kɨ shɔꞌtə Nwi faŋ ŋwə dùꞌ fuu ŋkaw, nə bi-njɨɨ yɔ́, kɔ feenə tɨ́ vəŋ, bəŋsə vəŋ. Vəŋ kɨ sɔꞌ nsiŋ maa vəshi və mbi vənshə, kee kìi ki me.»

Reveleyshən 6:16

gisə tɨ́ baŋsə nə yighɔsə laa, «Viŋ gukə maa yia, ndɨə yia fɨ ghɔ wə ntɨə faŋ ŋwə duꞌ fuu ŋkaw yizɔ nə, nə fɨ ghɔ bi-njɨɨ yɔ́, faŋ fwi yi shəsə nə,