Reveleyshən 4:1 - Vengo (Babungo)

¹ Yiŋkii kɨ shɔɔ, mə ye shuufɔ mɔ́ꞌ ŋaꞌnə maa məŋii taa yizɔ, baa zɔ̀ gɨ wə ghɔ́ faŋ mə nə fɔŋ zɔ̀ yighee vɨsɨ nə, nyə baa gi shee ŋkee yaa yisaw, laa lee, «Koꞌ jwì feenə, mə də nu ŋkɨə faŋ ŋkə taa gay maa yighee yiba tɨ́ ghɔ.»

Reveleyshən 4:1 ပူးပေါင်းရင်းမြစ်များ

Matiu 3:16

Yeso fi muu mə Nwi, fùu fɨ taa muu, sheꞌ yighee yɔ́ shuu yizɔ ŋaꞌnə, ŋwə ye Zwitə Ley Nwi siꞌ jwì yaa bɔŋsə, tɨ̀ŋnə tɔ ŋwə.

Mark 1:10

Ŋwə kɨ koꞌ fɨ taa muu, sheꞌ yighee yɔ́ ye shuu yizɔ ŋaꞌnə, Zwitə Ley Nwi siꞌ yaa bɔŋsə, tɨ̀ŋ tɔ ŋwə.

Lukas 3:21

Nə luu maa yighee yɔ́ faŋ vɨɨ vənshə nə fì muu mə Nwi fɨ ghɔ Jɔn nə, Yeso baa luu jwì, fì muu nɨzi, kii shɔꞌtə Nwi, shuu yizɔ ŋaꞌnə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:13

Nɨniŋ, Zwitə yinsəŋ kɔ́ ndɔ kɨ jwi, də jɨɨ tɨ́ viŋ, viŋ kɨɨ nə vənu vənshə faŋ mbə lùu vəbi. Zwitə kɔ́ kee gisə maa nshɨ-tɔ wi me, kɨ gisə sheꞌ nu ŋkɨə faŋ ŋkə zɔ̀ fɨ ghɔ Nwi, baa naysə vənu faŋ mbə ndɔ gay fɨ yiba.

Akts 10:11

Ŋwə ye yizɔ ŋaꞌnə, fa mɔ́ꞌ nee nə siꞌ jwi, kəꞌ yaa njwi yifusə yikwalə faŋ vɨ jìa maa ŋgɔŋsə yishwe, kɨ suꞌsə nsi.

Akts 7:56

Ŋwə gi laa, «Mə ye yizɔ ŋaꞌnə, yè Wuu yinsəŋ Nwi faŋ ŋwə tɨ̀ŋ maa kwiŋ maꞌnə Nwi.»

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.

Reveleyshən 1:12

Faŋ mə nə zɔ gɨ yɔ́ nɨniŋ nə, mə kiasə ŋwaa maa məndeynə wə ghɔ́ faŋ ŋwə gisə shee nə. Mə kiasə ŋwaa ŋwaa, ye təkiꞌ kwatia faŋ lùu ntə goolə,

Reveleyshən 1:19

Zɔ mɔɔ! Nyɔꞌ nu ŋkɨə faŋ a ye, nə ŋkɨə faŋ ŋkə lùu ndwə, baa nə ŋkɨə faŋ ŋkə ndɔ jwi.

Reveleyshən 11:12

Vɨɨ vɔ́ vəbɔɔ zɔ gɨ wə gì tɨ́ vəŋ fɨ taa yizɔ ŋkee nəŋay laa, «Viŋ koꞌ jwì feenə.» Vəŋ ŋii taa mbɔꞌ, kòꞌ yizɔ, vɨɨ mbeenə vəŋ kɨ ndeynə vəŋ.

Reveleyshən 11:19

Shuu ŋii Nwi fɨ yizɔ ŋaꞌnə, vɨ ye ŋwaꞌ məkee Nwi taa ŋii yɔ́. Yibay bwələ, yumə fuu, yighuu duŋ, nsi nəꞌnə, wey kwalə fiŋkə fɨ yizɔ.

Reveleyshən 16:17

Nshiiŋii Nwi lwesə kwatia tu kay ki taa fɨɨ, gɨ yikwalə fuu fɨ fuu kenə fɨ taa ŋii Nwi laa, «Ŋkə mè.»

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.

Reveleyshən 22:6

Nshiiŋii Nwi yɔ́ baa kɨ gi shee laa, «Yigi nyə̀ luu ŋkee yinsəŋ. Tɨta Nwi faŋ ŋwə kɔ̀ Zwitə ki tɨ́ nshiisə-ŋii sɔghɔ, tɔ̀ŋ nshiisə-ŋiisə si maa mədə nu ŋkɨə faŋ ŋkə ndɔ yasə gay.