Reveleyshən 3:7 - Vengo (Babungo)

⁷ Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,

Reveleyshən 3:7 ပူးပေါင်းရင်းမြစ်များ

Matiu 16:19

Mə taa kɔ ŋkwa nu yifwàŋ yizɔ tɨ́ ghɔ. Nu ŋkɨə faŋ a kà shɨ nsi, buu vɨ ndɔ ka ŋkə yizɔ nɨzi. Nu ŋkɨə faŋ a zetə shɨ nsi, buu vɨ ndɔ zetə yizɔ nɨzi.»

Matiu 24:35

Yizɔ ghɔ nsi ndɔ me, luu nə, yigisə nyaa kee mè me.

Mark 1:24

«A sii taa yɨ kə nə yia, Yeso, wuu Nazaret. A jwi zwilə yia mu? - Mə kɔꞌ kɨɨ nə wə ntɨə faŋ lùu ghɔ; a luu ŋkee Wee Nwi, wuu məbweysə mbi.»

Lukas 1:32

Ŋwə ndɔ luu wuu kwalə, vɨ tii ŋwə nə Wee Nwi Nshɔɔ-mbi. Nwi, Tɨɨ-mbi, taa kɔ kenə yifwàŋ tii wi Deyvid tɨ́ ŋwə,

Lukas 4:34

«Aŋ ghɔ, Yeso, wuu Nazaret, a kìi kə maa məyɨ nə yia? A jwì ndisə yia mu? Mə kɔꞌ kɨɨ nə wə ntɨə faŋ lùu ghɔ; a luu ŋkee wuu ley Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Akts 3:14

Viŋ nə twèy wuu ley ghɔ́ faŋ nə luu wuu yinsəŋ, kɨ kəə laa vɨ fuusə wuu məzwi wə fɨ taa ŋii mfiŋ, kɔ̀ tɨ́ viŋ,

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:18

baa luu ŋkee wuu bwey. Mə nə ku, lùu ndwə, mə bwèy gòꞌsə yighee muꞌ. Ŋkwa yiku, nə ŋkwa shɨ vəŋku vənsisə lùu ghɔ mə, tɨ́ kɨ kaꞌ mə ŋaꞌsə baa fə̀ŋ shuu wi.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 16:7

Mə baa zɔ shəŋ məkɔ Nwi gi laa, «Ɔŋ mɔɔ, tɨta Nwi Nshɔɔ-mbi, a shìa nu kəbinə, kəloomə.»

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.

Reveleyshən 19:2

Ŋwə shia nsɔꞌ maa jɨɨ yinsəŋ, nyə loomə nɨzi. Ŋwə kwàŋ nsɔꞌ maa wəzwi ŋgwə faŋ ŋwə nəə toꞌ vəsakə dɨdɨꞌ nə, bɨsə mbi nə nu vəsakə ki. Nwi baa kwàŋ ŋwə taa nsɔꞌ buꞌ laa ŋwə nəə zwilə vɨɨ faꞌ Nwi.»

Reveleyshən 2:1

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Efesɔs, nyɔꞌ laa lee, «Wə ntɨə faŋ ŋwə jìa məjwiŋ mbɔ́ kwatia ghɔ ŋwə, maa kwiŋ maꞌnə wi, baa toꞌ fɨ taa ŋwaa təkiꞌ tɔ́ kwatia, faŋ lùu ntə goolə nə, gì laa,

Reveleyshən 21:5

Wə ntɨə faŋ ŋwə nə dùꞌ fuu kenə məsɔꞌ mbi nə, gì laa, «Mə yɨ̀sə vənu vənshə gu vəfi,» baa gì shee laa mə nyɔꞌ vənu vɔ́ taa ŋwaꞌlə buꞌ laa mbə lùu vəbi, baa luu ŋkee nu yinsəŋ.

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,

Reveleyshən 4:8

Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 6:10

yùmə nəŋay laa, «Tɨɨ mbi faŋ a bàw shɨlə, baa lùu wuu yinsəŋ, a ndɔ baa tay kɨkə, buu sɔꞌ vɨɨ fɨ shɨ nsi, yuu kwaŋ vəŋ taa nsɔꞌ buꞌ laa vəŋ nə zwìlə yia nə?»