Reveleyshən 3:4 - Vengo (Babungo)

⁴ Luu nə, mə kɨɨ nə vaŋ-mbusə vɨɨ fɨ taa ŋwaa viŋ, shɨ Sardis, faŋ vəŋ kee bɨsə fwisə vəŋ nə nu bwə me. Yia vɨ vɨɨ vɔ́ ndɔ kɨ toꞌ mɔ́ꞌ, mɔꞌ njwisə fusə, buꞌ laa vəŋ kùꞌnə tɨ́ Nwi.

Reveleyshən 3:4 ပူးပေါင်းရင်းမြစ်များ

Matiu 10:11

Viŋ kɨ luu ŋìi taa ntɨꞌ yikwalə, tɨꞌnə me yitɨtiꞌ, viŋ kəə wə faŋ ŋwə kùꞌnə, kɨ shi fu ŋwə, zìꞌ maa shi ŋkɨə faŋ viŋ taa kuunə.

Mark 16:5

Vəŋ ŋii taa swi yɔ́, yè wəndɔŋ shɔ faŋ ŋwə nə dùꞌ maa kwiŋ maꞌnə, nə njwisə fusə maa ŋwə. Shuu vəŋ yɔŋ.

Lukas 20:35

Gə fɨ maa vɨɨ mbɨə faŋ Nwi ndɔ biŋ vəŋ, vəŋ kuꞌnə maa məywey fɨ shɨ yiku, baa kuꞌnə maa məzɨ mbi yinjii, vəŋ kee ndɔ baa ndaa vəki me, vəki kee ndàa vəndɔŋ me.

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Akts 1:15

Maa vəshi vɔ́ Pita ndɔ fɨ nsi fɨ taa ŋwaa vɨɨ Yeso, tɨ́ vɨɨ baytə yifi yaa wə waaghɨꞌ nə wə muu-mbɔɔ.

2 Tesalonika 1:5

Nu kɔ́ lùu shwenə tɨ́ viŋ laa Nwi ndɔ shoꞌtə vənu və vɨɨ, shìa maa jɨɨ yiloomə. Ŋwə ndì viŋ laa viŋ kùꞌnə maa məzɨ nu yifwàŋ Nwi, buꞌ laa viŋ bìŋ ŋɨꞌ yɔ́ nə.

Ŋwaꞌlə Jud 1:23

bwèysə vəŋ fɨ ghɔ wisə. Luu nə, vɨɨ vəmɔ́ꞌ lùu shɔ nɨzi, faŋ ŋkə bàw viŋ kee gəŋsə vəŋ, baa fèe vəŋ nɨzi, laa kɨ vəŋ yɨ viŋ ndi jɨɨ Nwi me. Ŋkee njwisə vəŋ kee lùu səley me, buꞌ vənu vəbwəvə vəŋ. Kɨ viŋ kɔŋ ghɔ shɔ me.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 11:13

Sheꞌ maa yighee yɔ́, nsi nəꞌnə ŋkee dɨdɨꞌ, waytə shɨ kɔ́ muꞌnə, gù nsi, goꞌ vəwaytə buumuꞌ. Faŋ nsi nə nə̀ꞌnə nə, vɨɨ kukə ŋkaŋsə kwatia, bətə vɨɨ faŋ vəŋ nə gòꞌ, fee, ndɔ bə̀ŋsə Nwi fɨ yizɔ.

Reveleyshən 14:4

Lùu vɨɨ mbɨə faŋ vəŋ kee bɨsə ghɔ vəŋ buꞌ nu vəki me, nə vɨɨ faŋ vəŋ nə kee bèꞌsə nwi day me. Vəŋ beꞌsə luu bi-njɨɨ yɔ́ maa shəŋ tɨ̀ me shəŋ faŋ nyə gə̀ shɔ. Luu mfɔŋsə vɨɨ faŋ vɨ nə ywàŋ, jwì nə vəŋ tɨ́ Nwi ghɔ bi-njɨɨ yɔ́.

Reveleyshən 19:14

Shuu yighaw nshiisə-ŋiisə Nwi beꞌsə ŋwə, koꞌ fuu nyaasə-koꞌsə səfusə, mɔ̀ꞌ njwisə faŋ nsə fù laa buu, baa ley.

Reveleyshən 19:8

Vɨ kɔ njwi yifusə faŋ nyə ley, kɨ ndwaꞌlə tɨ́ ŋwə, ŋwə mɔꞌ.» Njwi yifusə yɔ́ lùu nu ŋkɨə faŋ vɨɨ Nwi nə yɨ̀sə, ŋkə loomə.

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»

Reveleyshən 4:4

Vəŋkaw və wutə vəmɔ́ꞌ njɔsə-yishwe muu-mbɔɔ kia ŋkaw kɔ́, vɨɨ taa njɔsə-yishwe muu-mbɔɔ duꞌ fuu vəŋkaw vɔ́, mɔ̀ꞌ njwisə fusə maa vəŋ, bèe təsɔꞌ tə goolə tɔ vəŋ.

Reveleyshən 6:11

Vɨ kɨ nii kɔ̀ njwi yimɔ́ꞌ yifusə tɨ́ wə tɨ̀ me wə fɨ taa ŋwaa vəŋ, nàysə tɨ́ vəŋ laa vəŋ shəŋ ŋwaa tɨtiꞌ, gə̀ kɔ̀ tɨ́ yighee njyə faŋ nwaa vəŋ taa lwaŋ, faŋ vɨ ndɔ baa zwilə vaŋ-nshwi vəŋ, vɨɨ faꞌ Nwi, mbɨə faŋ vɨ ndɔ baa zwilə vəŋ yuu vɨ nə zwìlə viŋ nə.

Reveleyshən 7:9

Yiŋkii kɨ shɔɔ, mə kɨ ye, yè ŋkee nwaa vɨɨ vəyaŋ, tɨ́ kaꞌ wə kee say me. Vəŋ nə ndɔ̀ fɨ taa məshɨ mənshə, nə təkuu tənshə, nə ŋgwisə vɨɨ yinshə, nə təghaŋ tənshə, jwì tɨ̀ŋnə vɨsɨ ŋkaw kɔ́ nə vɨsɨ bi-njɨɨ yɔ́, nə njwisə fusə səmɔ́ꞌsə maa vəŋ, nə vəshay və yitee ghɔ vəŋ,