Reveleyshən 3:3 - Vengo (Babungo)

³ Lumə faŋ nu Kristo nə jwì zìꞌ ghɔ ghɔ, faŋ a nə zɔ̀ nu kɔ́ nə. Nɨniŋ, kwiinə fwi yə, baa jia nu kɔ́. A kee kaw kɨ shi nə yikɨꞌ me, buu mə taa nyɔꞌtə jwi yaa ndɔꞌ maa yighee faŋ a kee yikɨɨ laa mə taa jwi yɨ ghɔ me.

Reveleyshən 3:3 ပူးပေါင်းရင်းမြစ်များ

Matiu 25:13

Yeso metə yigisə tii yɔ́, gì tɨ́ vəŋ laa, «Viŋ kɨ shi nə yikɨꞌ, buꞌ laa viŋ kee kɨ̀ɨ nə shi, tɨꞌnə me yighee njyə faŋ mə ndɔ bəŋ jwì me.»

Mark 13:33

Viŋ kɨ shiinə yiŋwaa yiŋ, duꞌ shi nə yikɨꞌ, buꞌ laa viŋ kee kɨɨ nə yighee njyə faŋ ŋkə ndɔ luu me.

Mark 13:36

kee bàw laa ŋwə ndɔ kɨ jwi, viŋ kɨ bɨbwey me.

1 Tesalonika 5:2

Nshɨ-tɔ wiŋ kɔꞌ kɨɨ ŋkee jəə laa, shi məjwi tɨta Kristo ndɔ luu yaa ndɔꞌ, faŋ ŋwə yaa kɨ jwi nɨntəŋ vətuꞌ, faŋ wə kee yikɨɨ me.

1 Timoti 6:20

Zɔ mɔɔ, Timoti, bàw a tweꞌ maa nu ŋkɨə faŋ Nwi nùŋsə tɨ́ ghɔ. Kɨ nyɨŋ yigisə dayday, faŋ nyə kee yikuꞌnə maa nu Nwi me, baa nyɨŋ yigi njyə faŋ vɨ tii nə yigi tɔ-ley nə, faŋ nyə kee bee lùu nu tɔ ley me.

2 Timoti 1:13

Jia yigisə yinsəŋ njyə faŋ mə nə dèesə ghɔ shɔ nə, kɨ deesə sheꞌ nɨniŋ, nùŋ fwi yə maa Yeso Kristo, dùꞌ taa ŋkawnə njyə faŋ ŋwə kaw nsiŋ shɔ nə.

Hibru 2:1

Faŋ ŋkə lùu nɨniŋ nə, bàw nsiŋ ywiitə yigi njyə faŋ nsiŋ nə zɔ̀ nə, tɨ́ kaꞌ nsiŋ kee ndì jɨɨ me, buꞌ faŋ nsiŋ kee nùŋ tɔ shɔ nə me.

2 Pita 1:13

Mə ye laa ŋkə bàw laa mə taa kɔꞌ kɨ lɨlumə vənu vɔ́ tɨ́ viŋ, gə kɔ tɨ́ yighee njyə faŋ mə ndɔ bəə fɨ mbi.

2 Pita 3:1

Vɨɨmba vaŋ faŋ mə kàw, lùu vəŋwaꞌlə lwesə vəbɔɔ, faŋ mə nyɔ̀ꞌ tɨ́ viŋ. Taa vəŋwaꞌlə vɔ́ vəbɔɔ nə, mə kɨ lumə vənu tɨ́ viŋ faŋ viŋ duꞌtə viŋ kɨ̀ɨ nə mbə, tɨ́ kaꞌ viŋ yenə fɨ mbweysə, kɨ kii tɔ ley maa nu Nwi.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

Reveleyshən 16:15

Viŋ kɨ lumə yigi Kristo faŋ ŋwə nə gì laa lee, «Viŋ zɔ! Mə ndɔ jwi maa yighee faŋ wə kee yikɨɨ me, sheꞌ yaa ndɔꞌ. Mənɔŋ-bwaŋnə tɨ́ wə ntɨə faŋ ŋwə shi nə yikɨꞌ, shìŋnə njwi si laa kɨ ŋwə ndɔ toꞌ nə ntɨŋ, tɔ ki dɨɨ taa ŋwaa vɨɨ me.»

Reveleyshən 2:25

Mə gi tɨ́ viŋ sheꞌ laa viŋ kɨ jia nu ŋkɨə faŋ ŋkə lùu ghɔ viŋ nə, gə kɔ tɨ́ shi ŋkɨə faŋ mə ndɔ jwi.

Reveleyshən 2:5

Bàw a lumə nu ŋkɨə faŋ a gù ŋkə, kwìinə fwi yə, baa kɨ yɨsə nu ŋkɨə faŋ a nəə yɨsə yighee vɨsɨ nə. A kee yɨ nɨniŋ me, kee kwìinə fwi yə me, buu mə taa jwi ye ghɔ, sùꞌtə kiꞌ wə fɨ maa shəŋ ŋkɨə faŋ ŋwə lùu shɔ nə.

Reveleyshən 22:7

Viŋ zɔ! Yeso gì laa yi taa yasə jwi. Mənɔŋ-bwaŋnə lùu tɨ́ vɨɨ mbɨə faŋ vəŋ nùŋsə yigisə shuu Nwi yɔ́ fɨ taa ŋwaꞌlə ŋwə̀.»

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.

Reveleyshən 3:19

Mə sɔꞌ vɨɨ mbɨə faŋ mə kaw vəŋ, saŋ vəŋ, laa vəŋ kwiinə fwisə vəŋ. Nɨniŋ, yasə kɔꞌlə kwiinə fwi yə!

Reveleyshən 3:2

Yenə fɨ mbweysə, kwàŋ wutə maa vɨɨ mbɨə faŋ vəŋ kəə kɨ kukə nə. Mə kee ta ye nu faŋ a yɨsə ŋkə baw yikəꞌ Nwi kùꞌnə me.