Reveleyshən 22:9 - Vengo (Babungo)

⁹ Luu nə, ŋwə gi shee laa, kɨ mə yɨ me, baa nə laa yi lùu wuu faꞌ Nwi yaa mə, nə yaa vaŋ-nshwi vaŋ, faŋ vəŋ luu nshiisə-ŋii sɔghɔ, nə vɨɨ vənshə faŋ vəŋ nùŋsə yigi nyə̀ fɨ taa ŋwaꞌlə ŋwə̀, baa nə laa, bàw mə kɨ bəŋsə luu Nwi.

Reveleyshən 22:9 ပူးပေါင်းရင်းမြစ်များ

Matiu 4:9

Tɨɨ vəzwitə vəbwəvə gi tɨ́ ŋwə laa, «A taa kɨ luu guŋnə nsi, bəŋsə mə, mə kɔ̀ vətɔ və̀ tɨ́ ghɔ vənshə.»

Lukas 4:7

A kɨ luu tuŋ vətɔ vəyəə və nsi, bəŋsə mə, buu mə taa kɔ vətɔ vɔ́ vənshə tɨ́ ghɔ.»

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 14:7

Ŋwə nə gì nə gɨ yishaꞌsə laa, «Viŋ kɨ fee Nwi, bəŋsə ŋwə, buꞌ laa yighee njyə faŋ ŋwə taa shoꞌtə vənu və vɨɨ kùꞌnə. Viŋ kɨ bəŋsə wə ntɨə faŋ ŋwə nə bɔ̀ŋ yizɔ ghɔ nsi, nə mamuu, nə vəkoꞌ-fɨ-nsi faŋ muu fuu fɨ fuŋ nə.»

Reveleyshən 15:4

Wə ntɨə faŋ ŋwə kee fee yizii yə, bəŋsə ghɔ me, sii lùu ndə, Mɔꞌmbi? A bàw shɨlə, sheꞌ ghɔ nɨnɔŋ wə. Vɨɨ vənshə fɨ taa mbi ndɔ jwi kɨ bəŋsə ghɔ, buꞌ vənu mbɨə faŋ a yɨsə vəloomə, mbə fuu yikəꞌ vɨɨ.»

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.

Reveleyshən 22:10

Ŋwə nə baa gì laa, kɨ mə ndɨə yigi yɔ́ fɨ taa ŋwaꞌlə ŋwə̀ me, buꞌ laa yighee lùu nshənə faŋ vənu vɔ́ taa gay.

Reveleyshən 22:18

Mə Jɔn, faŋ mə nyɔ̀ꞌ ŋwaꞌlə ŋwə̀, tɨsə vɨɨ vənshə faŋ vəŋ zɔ yigisə shuu Nwi nyə̀ fɨ taa ŋwaꞌlə ŋwə̀, laa wə kɨ luu kùꞌsə nu shɔ, buu Nwi ndɔ kuꞌsə ŋɨꞌ tɨ́ wə ghɔ́, sheꞌ yuu njyə faŋ vɨ nyɔ̀ꞌ nàysə taa ŋwaꞌlə ŋwə̀ nə.

Reveleyshən 22:7

Viŋ zɔ! Yeso gì laa yi taa yasə jwi. Mənɔŋ-bwaŋnə lùu tɨ́ vɨɨ mbɨə faŋ vəŋ nùŋsə yigisə shuu Nwi yɔ́ fɨ taa ŋwaꞌlə ŋwə̀.»

Reveleyshən 4:10

vɨɨ taa vɔ́ njɔsə-yishwe muu-mbɔɔ nə, nɔŋ nsi vɨsɨ wə ntɨə faŋ ŋwə nə dùꞌ fuu ŋkaw kɔ́ nə, bəŋsə ŋwə faŋ ŋwə lùu bwey maa vəshi və mbi və̀ vənshə, ndɔ goꞌsə yighee muꞌ nə. Vəŋ shoꞌtə təsɔꞌ fɨ tɔ vəŋ, mɔ̀ꞌ vɨsɨ ŋkaw kɔ́, gì laa,

Reveleyshən 9:20

Betə vɨɨ faŋ kəŋ ŋɨꞌ ghɔ́ kee zwìlə vəŋ nə me, kee bee kwìinə fwisə vəŋ me, kee mèꞌtə vənu vəbwəvə vəŋ faŋ vəŋ nəə yɨsə nə ghɔ vəŋ nə me, kɨ bɨbəŋsə vəzwitə vəbwəvə nə vənwi vədayday faŋ vəŋ nə fìa fɨ maa goolə, tɨꞌnə me fɨ maa tiəŋ, tɨꞌnə me fɨ maa bwey bay, nə mbɨə faŋ vɨ nə shwə̀ fɨ maa ŋoꞌsə, nə mbɨə faŋ vɨ nə shwə̀ fɨ maa fəŋkɔꞌ. Vəŋ bəŋsə vətɔ vɔ́ faŋ mbə kɔlə kee yɨyenə me, kee zɨzɔ me, kee tɨtoꞌ me.