Reveleyshən 2:7 - Vengo (Babungo)

⁷ Wə ntɨə faŋ ŋwə kìi tuulə zɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi. Mə taa kɔ məbwey vəlwaŋ tɨ́ wə ntɨə faŋ ŋwə ghɔꞌ nu bwə, zəsə ŋwə fɨ maa tɨ məbwey ŋkɨə faŋ ŋkə lùu taa ŋkɔꞌ Paradays faŋ luu ŋkɔꞌ Nwi.»

Reveleyshən 2:7 ပူးပေါင်းရင်းမြစ်များ

Matiu 11:15

Wə faŋ ŋwə kiì tuulə ghi zɔ, ŋwə zɔ!»

Matiu 13:43

Ndɔ luu maa yighee yɔ́, vɨɨ mbɨə faŋ vənu vəvəŋ lùu vəloomə, zɨ nu yifwàŋ Tɨɨ vəŋ, kɨ bee yaa shɨshwi. - Wə faŋ tuulə ghi lùu shɔ maa məzɔ, ŋwə zɔ!»

Matiu 13:9

Yeso kɨ mètə yigi yɔ́, gì laa wə ntɨə faŋ tuulə ghi lùu shɔ, ŋwə zɔ.

Mark 4:9

Yeso metə yigisə tii yɔ́, gì laa, «Wə ntɨə faŋ ŋwə kìi tuulə ghi zɔ, ŋwə zɔ!»

Mark 7:15

Viŋ zɔ! Fa kee lùu shɔ, tɨ́ kɨ kaꞌ ŋkə ŋìi taa ŋwaa wə, yɨ̀sə ŋwə kee lùu ley me. Vənu mbɨə faŋ mbə fuu fɨ taa ŋwaa wə, lùu mbɨə faŋ mbə yɨsə ŋwə kee lùu ley me.

Mark 7:16

Wə kìi tuulə ghi maa məzɔ, ŋwə kɨ zɔ!»

Lukas 23:43

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, ŋkee ndee sɨ taa luu shəŋ yifwàŋ Nwi mɔ́ꞌ.»

Lukas 8:8

Way mɔ́ꞌ fiŋkə taa shɔꞌ jəə, ta, mbuu yisay kii say waaghɨꞌ waaghɨꞌ.» Yeso metə yigisə tii yɔ́, baa gì nə gɨ yishaꞌsə laa, «Wə ntɨə faŋ ŋwə kìi tuulə ghi zɔ, ŋwə zɔ!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

1 Kɔrintian 2:10

Nwi də̀ nu kɔ́ tɨ́ nsiŋ fɨ taa Zwitə Nwi. Zwitə Nwi ye vənu vənshə vəley, ŋkee vənu vəkwalə faŋ mbə lùu shɔ taa ŋkɨɨ Nwi.

2 Kɔrintian 12:4

Nwi nə shaꞌsə wə ghɔ́, gə nə ŋwə ŋkee shɨ Nwi, ŋwə nə zɔ̀ vənu fɨ fuŋ faŋ kaꞌ vɨ kee kìasə maa yigi me, vənu tɨ́ kaꞌ ŋoo shuu wə kee ŋaꞌsə gì me.

1 Jɔn 2:13

Gə fɨ maa vətɨta, mə ŋwaꞌlə tɨ́ viŋ vətɨta buꞌ laa viŋ kɨɨ nə Nwi, faŋ ŋwə nə luu shɔ, shù fɨ maa vənzi və mbi. Gə fɨ maa zawə, mə ŋwaꞌlə tɨ́ viŋ nɨzi, buꞌ laa viŋ ghɔ̀ꞌ tɨɨ vəzwitə vəbwəvə.

Reveleyshən 13:9

Wə ntɨə faŋ ŋwə kìi tuulə zɔ, ŋwə zɔ!

Reveleyshən 14:13

Mə baa kɨ nii zɔ gɨ wə gi fɨ yizɔ laa, «Nyɔꞌ taa ŋwaꞌlə laa, shù ndee mənɔŋ-bwaŋnə lùu tɨ́ vɨɨ mbɨə faŋ vəŋ taa kɨ ku taa ghɔ tɨta Kristo. Zwitə Nwi gì laa lùu nɨniŋ. Vəŋ taa kɨ shəŋ ŋwaa, buꞌ faꞌ ŋgwə faŋ vəŋ nə faꞌ nə wutə nə. Lumə vəfaꞌ vəvəŋ beꞌsə vəŋ.»

Reveleyshən 15:2

Mə baa yè fa mɔ́ꞌ nɨzi. Ŋkə nə luu yaa mamuu, kɨꞌ yaa ŋwaꞌlə məye sɨ, wàsə nə wisə. Nshiisə-ŋiisə Nwi nsɨə faŋ nsə nə ghɔ̀ꞌ nyaa yɔ́ nə fənyia fi, nə wə ntɨə faŋ vɨ nə sày yizii yi nə sɨ ŋwaꞌlə nə. Nshiisə-ŋiisə Nwi sɔ́ nə dùꞌ yɨ mamuu yɔ́, jìa vəndəə və Nwi ghɔ vəŋ,

Reveleyshən 2:11

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Wə ntɨə faŋ ŋwə jìa fwi yi taa ŋɨꞌ, kee kɨ twey Kristo me, buu ŋwə ndɔ ku, baa ywey, kaꞌ yiku lwesə ghee bɔɔ kee ndɔ kɔŋ ŋwə me.»

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 21:7

Wə ntɨə faŋ ŋwə jìa fwi yi, twèꞌ maa nu Kristo, buu ŋwə ndɔ ndi fɨ maa muu mbɔ́. Mə kɨ nii luu Nwi wi, ŋwə luu ŋwiŋ ŋwaa.

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.

Reveleyshən 22:2

siꞌ shɔɔ fɨ nɨntəŋ jɨɨ yikwalə shɨ yɔ́. Maa kwiŋ tɨ̀ me kwiŋ fɨ mbɨɨ muu yɔ́, vətɨ və məbwey luu shɔ, faŋ vətaŋ koonə fuu yi ghee njɔsə-bɔɔ taa ŋuꞌ, yighee muꞌ taa ŋuu, vəvi və tɨ vɔ́ luu maa məshuꞌ vəza fɨ maa vɨɨ tətɔŋ fu.