Reveleyshən 2:3 - Vengo (Babungo)

³ Mə kɔꞌ kɨɨ laa a jìa fwi yə taa ŋɨꞌ, bìꞌ vətɔ vədɨɨvə maa nu yizii kaŋ, kee bwa me.

Reveleyshən 2:3 ပူးပေါင်းရင်းမြစ်များ

Mark 15:21

Faŋ vəŋ nəə gə nə Yeso nɨniŋ nə, wə mɔ́ꞌ jwi shɔ̀ɔ vəŋ, kɨ kuunə fɨ taa biisə. Yizii wə ghɔ́ luu Saymon. Ŋwə nə luu wuu Kirene, tɨɨ Alesanda nə Rufɔs. Vəsogeꞌ vɔ́ jia ŋwə laa ŋwə biꞌ fəŋkɔꞌ fə ŋkɨꞌsə fə Yeso.

Lukas 14:27

Wə kɨ luu kee kɨ shaꞌ fəŋkɔꞌ fə ŋkɨꞌsə fi, (kɨ beꞌsə mə ŋkee maa shəŋ ŋɨꞌ,) buu kee lùu wuu məzwetə nu kaŋ me.

Lukas 18:1

Yeso baa tìi yigisə tii yimɔ́ꞌ tɨ́ vəŋ maa mədə laa ŋkə bàw maa məshɔꞌtə Nwi ghee nshə, kee bwa me.

Lukas 21:19

Viŋ ndɔ kɨ jia fwi yiŋ maa ŋɨꞌ, kɔꞌ kɨ bɨbiŋ, buu viŋ ndɔ fi məbwey vəlwaŋ faŋ ŋwə gòꞌsə yighee muꞌ.»

Lukas 5:5

Saymon bəŋsə tɨ́ ŋwə laa, «Yia nii sàŋ ŋwaa wia vətuꞌ ŋkwəŋ ndee, kee bee kòo fa me. Luu nə, mə taa mɔꞌ ghuu ghɔ́ buꞌ laa gì ghɔ.»

Lukas 8:15

Gə fɨ maa say ŋgɨə faŋ ŋə fìŋkə taa shɔꞌ jəə nə, lùu yaa nu vɨɨ mbɨə faŋ vəŋ zɔ̀ yigisə Nwi, jìa jəə taa fwisə vəŋ, twèꞌ shɔ, kɨ yɨsə vənu vəjəəvə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:21

Vənu vəbwəvə faŋ vɨ ndɔ yɨsə maa viŋ, vɨ yɨ̀ buꞌ yizii nyaa, buꞌ laa vəŋ kee kɨɨ nə wə ntɨə faŋ ŋwə nə tɔ̀ŋ mə taa mbi nyə̀ me.

Roma 12:12

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Roma 16:12

Shɔꞌtə Trifayna nə Trifosa faŋ vəŋ sàŋ ŋwaa vəŋ maa məfaꞌ faꞌ tɨta Kristo. Shɔꞌtə Persis nɨzi, faŋ mə kàw ŋwə; ŋwə nə fàꞌ faꞌ Mɔꞌmbi dɨdɨꞌ.

Roma 2:7

Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.

Roma 8:25

Luu nə, nsiŋ kɨ luu kɨ kɨꞌ fa faŋ nsiŋ kee ta yiye me, bàw nsiŋ jia fwi, kɨ kɨꞌ.

1 Kɔrintian 13:7

Wə faŋ ŋwə kaw vɨɨ, kee yuu kɨ gisə kɔ̀ŋ bwə faŋ vɨɨ yɨsə me; ŋwə bee kii nuŋsə vənu vənshə sheꞌ ghɔ Nwi, bɨꞌtə laa Nwi taa yɨsə vənu vənshə fuu vəjəə. Fwi yi kee bwà maa nu tɨ̀ me nu me.

1 Kɔrintian 16:16

Mə bùꞌ ghɔ tɨ́ viŋ laa viŋ kɨ kɔ feenə tɨ́ vɨɨ yaa vəŋ. Viŋ baa kɔ feenə tɨ́ vɨɨ vənshə faŋ ghɔ vɨ vəŋ faꞌ faꞌ Nwi mɔ́ꞌ.

2 Kɔrintian 10:15

Yia kee bəŋsə ŋwaa wia maa faꞌ faŋ vɨɨ day nə sàŋ yiŋwaa vəŋ shɔ, shɔ̀ɔ ki wia me. Yia nuŋsə fwi sia laa viŋ kɨ luu kɨ gə vɨsɨ vɨsɨ nə nu Kristo, buu yia ndɔ yɨ nu kwalə mɔ́ꞌ tɨ́ viŋ, shɔ̀ɔ yighee vɨsɨ maa shəŋ faꞌ kia,

2 Kɔrintian 11:23

Vəŋ lùu vɨɨ faꞌ Kristo mu? Mə lùu wuu faꞌ Kristo nɨzi. Mə gisə yuu wuu ŋgienə, mə lùu wuu faꞌ Kristo shɔ̀ɔ vəŋ. Mə nə sàŋ ŋwaa ŋwaa maa faꞌ shɔ̀ɔ vəŋ. Mə nə ŋìi mfiŋ shɔ̀ɔ vəŋ. Vɨ nə sàŋ mə nə vəmfa shɔ̀ɔ ki. Mə nə shɔ̀ɔ fɨ shuu yiku ghee yaŋ.

2 Kɔrintian 4:1

Nɨniŋ, yia kee yibwa maa məfaꞌ faꞌ Nwi me. Faꞌ Nwi ghɔ́ nə kɔ̀ Nwi tɨ́ yia buꞌ gəŋsə si, faŋ ŋwə nə kèe gəŋ sia nə.

2 Kɔrintian 4:16

Nɨniŋ, kaꞌ yia kee bwa me. Yiŋwaa yia kɔlə ye ŋɨꞌ, Nwi weꞌsə fwi sia, nsə gù fa fi shi shi.

2 Kɔrintian 5:9

Nɨniŋ, nsiŋ kɨ nuŋsə ŋkɨɨ nyaa-nsiŋ maa məbawsə too tɨta ŋwaa-nsiŋ, Yeso Kristo, faŋ nsiŋ kɔlə kɨ bii fu, tɨꞌnə me lùu shiŋii yɨ ŋwə.

2 Kɔrintian 6:5

Yia jìa fwi sia faŋ vɨ saŋ yia, tɨꞌnə me kwàŋ yia taa ŋii mfiŋ, tɨꞌnə me bùulə shɨ buꞌ yia, tɨꞌnə me faŋ yia ye ŋɨꞌ, tɨꞌnə me shi vətuꞌ, kee bwey me, tɨꞌnə me shi nə jɨŋ.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

Galatia 6:9

Nɨniŋ, bàw nsiŋ kɨ yɨ vənu vəjəəvə ghee nshə, kee bwa me. Nsiŋ kɨ luu kee bə̀ŋ nə yiba me, buu nsiŋ ndɔ ye ŋkee nu jəə ŋkɨə faŋ ŋkə fuu fɨ maa faꞌ ŋwaa-nsiŋ ghɔ́ maa yighee njyə faŋ Nwi tə̀.

Filipi 2:16

Viŋ nuŋsə yigisə Nwi taa fwisə viŋ, yigi njyə faŋ nyə də jɨɨ məbwey vəlwaŋ tɨ́ vɨɨ. Viŋ kɨ luu kɨ yɨ nɨniŋ, buu vɨ ndɔ biŋ mə maa shi ŋkɨə faŋ Kristo ndɔ bəŋ jwi, laa yitoꞌ nyaa faŋ mə nəə toꞌ buꞌ nu Nwi, nə faꞌ ŋgwə faŋ mə nəə faꞌ shɔ nə, kee fùu dayday me.

Filipi 4:3

Mə buꞌ ghɔ tɨ́ Sisigɔs, faŋ yia ŋwə nə fàꞌ mɔ́ꞌ nə, laa ŋwə gaŋtə vəki vɔ́, tɨ́ kaꞌ vəŋ baa kɨ duꞌ bwaŋnə, buꞌ laa yia vɨ vəŋ nə kɨ̀ɨtə mɔ́ꞌ yighee vɨsɨ buꞌ nu Nwi nə, sheꞌ yuu Klement nə vɨɨ mɔ́ꞌ faŋ vəŋ beꞌsə yia nə. Nwi nyɔ̀ꞌ təzii təvəŋ taa ŋwaꞌlə məbwey vəlwaŋ.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

1 Tesalonika 2:9

Vaŋ-nshwi via, maa viŋ lùmə faŋ yia nə fàꞌ nə wutə, fàꞌ vətuꞌ nə shɨshwi, laa kɨ tuu wə fɨ wiŋ kee kɨ ye ŋɨꞌ maa məzəsə yia me, faŋ yia nə fɨ̀ꞌtə ntɔŋ yijəə Nwi tɨ́ viŋ nə.

1 Tesalonika 5:12

Vaŋ-nshwi via, yia buꞌ ghɔ tɨ́ viŋ laa viŋ kɨɨ nə nu vɨɨ mbɨə faŋ vəŋ sàŋ yiŋwaa yivəŋ maa vəfaꞌ buꞌ viŋ. Vəŋ duꞌ tɔ viŋ maa yizii tɨta Yeso, tɨsə viŋ.

2 Tesalonika 3:13

Gə fɨ maa viŋ, vaŋ-nshwi via, kɨ viŋ bwa maa məyɨ nu jəə me!

2 Tesalonika 3:5

Tɨta Kristo kiasə fwi siŋ, viŋ kɨ kaw vɨɨ faŋ Nwi kaw viŋ nə! Viŋ jia fwi siŋ fɨ taa ŋɨꞌ, sheꞌ faŋ Kristo nə jìa fwi yi nə!

2 Tesalonika 3:8

kee fì bee wə, zɨ̀ dayday me. Maa yia nə sàŋ yiŋwaa, fàꞌ nə wutə, fàꞌ vətuꞌ nə shɨshwi, laa kɨ tuu wə fɨ taa ŋwaa viŋ kee kɨ ye ŋɨꞌ maa məzəsə yia me.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

1 Timoti 5:17

Bàw vɨ kɨ fee vɨɨ taa mbɨə faŋ vəŋ lùu tɔ taa məshəŋtə vɨɨ Nwi, faŋ vəŋ faꞌ faꞌ vəŋ jəə. Kɨsə kɔ feenə tɨ́ vɨɨ taa vɔ́ faŋ vəŋ sàŋ ŋwaa vəŋ maa məfɨꞌtə nu Nwi, baa twelə ŋiꞌ ki.

Hibru 10:36

Nu ŋkɨə faŋ ŋkə bàw tɨ́ viŋ, lùu laa viŋ goꞌsə viŋ vɨ Kristo, kee bwa me, tɨ́ kaꞌ viŋ kɨ yɨsə nu ŋkɨə faŋ too Nwi kàw, buu viŋ taa fi məbwey vəlwaŋ faŋ Nwi nə kɔꞌnə tɨ́ viŋ nə.

Hibru 12:1

Gə fɨ maa nsiŋ, faŋ nsiŋ yè nwaa vɨɨ vɔ́ faŋ vəŋ nə nùŋ fwisə vəŋ maa Nwi, də̀ jɨɨ tɨ́ nsiŋ nə, bàw nsiŋ meꞌ vənu mbɨə faŋ kaꞌ mbə fə̀ŋ jɨɨ nyaa-nsiŋ, nə vənu vəbwəvə faŋ mbə jia nsiŋ nə wutə nə. Nsiŋ ka fwi, kɨ gə vɨsɨ, nyɨŋ ghuu ŋgɨə faŋ ŋgə lùu vɨsɨ nsiŋ nə.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

Hibru 6:10

Nwi kee lùu wuu məseesə mbi me. Kaꞌ ŋwə kee ndenə vənu vəjəəvə viŋ faŋ viŋ nəə yɨsə nə me, faŋ viŋ nə də ŋkawnə yiŋ tɨ́ vɨɨ ley Nwi, gàŋtə vəŋ maa yizii Nwi, nə faŋ viŋ kɨ gɨgaŋtə vəŋ nə.

Hibru 6:12

Yia kee kəə laa viŋ kɨ bəə ŋay me, yia kəə laa viŋ kɨ beꞌsə vɨɨ mbɨə faŋ vəŋ nùŋ fwisə vəŋ maa Nwi, twèꞌ shɔ, tɨ́ kaꞌ vəŋ ndɔ zɨ məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ vi nə.

Hibru 6:15

Buꞌ ŋkɔꞌnə Nwi yɔ́, Abraham jia fwi yi, kɨ kɨꞌ, kee bwa me, buu kii fa ŋkɨə faŋ Nwi kɔꞌnə maa məkɔ tɨ́ ŋwə nə.

2 Pita 1:6

Faŋ viŋ toꞌ nə yitɔfə nə, viŋ kɨ jia yiŋwaa yiŋ, baa weꞌ maa vənu vɔ́. Faŋ viŋ nuŋsə, jìa vənu vɔ́, wèꞌ shɔ nə, viŋ baa kɨ zɔnə Nwi nɨzi.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.