Reveleyshən 15:3 - Vengo (Babungo)

³ zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 15:3 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:17

Mose nə də ntɨsə Nwi tɨ́ nsiŋ. Gə̀ fɨ maa Yeso Kristo faŋ lùu məley ghɔ́, ŋwə jwi də̀ nu məkee gəŋsə, nə nu yinsəŋ nɨzi.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

Hibru 3:5

Gə̀ fɨ maa Mose, faŋ vɨ nyɔ̀ꞌ laa ŋwə nə luu wuu yinsəŋ maa vəfaꞌ vənshə faŋ ŋwə nə fàꞌ taa ŋii Nwi nə, ŋwə nə yɨsə yuu wuu faꞌ Nwi, fɨꞌtə vənu mbɨə faŋ Nwi nəə kəə laa ŋwə kɨ gisə.

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»

Reveleyshən 11:17

gì laa, «Yia bwaŋ ghɔ, tɨta Nwi, Nshɔɔ-mbi, faŋ a nə luu shɔ maa yighee vɨsɨ, baa lùu shɔ ndwə, buꞌ laa a ndì wutə kə, faŋ ŋkə shɔ̀ɔ ki, kɨ sɔꞌ mbi yaa yifwàŋ yə.

Reveleyshən 14:3

Vəŋ zwa nyay yifi vɨsɨ kenə Nwi, baa nə vɨsɨ vətɔ vəbweyvə vɔ́ yishwe nə, baa nə vɨsɨ vɨɨ taa vɔ́. Nə kɨkaꞌ wə kee zwètə nyay yɔ́ me, tɨ̀ lɨꞌ sheꞌ vɨɨ vɔ́ ŋkaŋ waaghɨꞌ nə ŋkaŋsə njɔsə-yishwe muu-yinshwe faŋ Nwi nə shòꞌ vəŋ fɨ taa mbi, ywàŋ nə mənshi mə ŋwiŋ wi nə me.

Reveleyshən 14:8

Nshiiŋii Nwi yimɔ́ꞌ lwesə səbɔɔ fuu jwi, gì ŋkii laa, «Vɨ sɔꞌ shɨ Babilɔn, mɔ̀ꞌ nsi, buꞌ laa ŋwə nəə beꞌsə vəsakə nə, baa kɔ̀ fɨ maa məluꞌ mə nu bwə kɔ́ tɨ́ ŋgwisə vɨɨ vənshə, vəŋ nu nɨzi.»

Reveleyshən 17:14

Vəŋ ndɔ ŋii yighaw maa bi-njɨɨ yɔ́, bi-njɨɨ yɔ́ faŋ lùu Kristo nə, ghɔꞌ vəŋ, buꞌ laa ŋwə lùu tɨɨ vɨɨ məsɔꞌ mbi, baa luu fwàŋ vəfwàŋ. Ŋwə ndɔ ghɔꞌ vəfwàŋ vɔ́ ghɔ vɨ vɨɨ vi faŋ Nwi nə tii vəŋ, shoꞌ vəŋ nə, buꞌ faŋ vəŋ nə jìa nu ki, nùŋ fwisə vəŋ maa ŋwə.»

Reveleyshən 19:16

Vɨ nyɔꞌ maa njwi yi maa yiŋii yi laa, «Fwàŋ vəfwàŋ, nə Tɨɨ vɨɨ məsɔꞌ mbi.»

Reveleyshən 19:2

Ŋwə shia nsɔꞌ maa jɨɨ yinsəŋ, nyə loomə nɨzi. Ŋwə kwàŋ nsɔꞌ maa wəzwi ŋgwə faŋ ŋwə nəə toꞌ vəsakə dɨdɨꞌ nə, bɨsə mbi nə nu vəsakə ki. Nwi baa kwàŋ ŋwə taa nsɔꞌ buꞌ laa ŋwə nəə zwilə vɨɨ faꞌ Nwi.»

Reveleyshən 4:8

Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»