Reveleyshən 15:2 - Vengo (Babungo)

² Mə baa yè fa mɔ́ꞌ nɨzi. Ŋkə nə luu yaa mamuu, kɨꞌ yaa ŋwaꞌlə məye sɨ, wàsə nə wisə. Nshiisə-ŋiisə Nwi nsɨə faŋ nsə nə ghɔ̀ꞌ nyaa yɔ́ nə fənyia fi, nə wə ntɨə faŋ vɨ nə sày yizii yi nə sɨ ŋwaꞌlə nə. Nshiisə-ŋiisə Nwi sɔ́ nə dùꞌ yɨ mamuu yɔ́, jìa vəndəə və Nwi ghɔ vəŋ,

Reveleyshən 15:2 ပူးပေါင်းရင်းမြစ်များ

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

1 Pita 1:7

Ŋiꞌ nu ŋkɨə faŋ ŋkə yɨsə laa viŋ kɨ ye ŋɨꞌ nə məmɔŋ lùu laa, vɨ yè məbiŋ wiŋ laa viŋ kà fwi, bìŋ Nwi yinsəŋ. Ŋkə luu sheꞌ yaa nu bwey bay faŋ vɨ tii nə goolə, faŋ vɨ yaa kɨ mɔŋ ŋkə nə wisə maa məye laa ŋkə yibaw mu. Məbiŋ wiŋ shɔ̀ɔ bwey bay kɔ́ faŋ ŋkə kee ndɔ goꞌsə me. Viŋ kìi məmɔŋ ndwə, tɨ́ kaꞌ vɨ kɨ bəŋsə Nwi dɨdɨꞌ buꞌ məbiŋ wiŋ yighee njyə faŋ Yeso Kristo ndɔ jwi fuu ntee.

1 Pita 4:12

Vaŋ-nshwi vaŋ, kɨ shuu wiŋ yɔŋ maa məmɔŋ ŋgwə faŋ ŋwə lùu yaa wisə kwalə faŋ ŋwə twaŋ viŋ shɔ nə me. Kɨ viŋ baa bɨꞌtə laa lùu nu fi me.

Reveleyshən 12:11

Vaŋ-nshwi vaŋ-nsiŋ vɔ́ baa luu ghɔꞌ ŋwə nɨzi buꞌ mənshi mə wee-bi-njɨɨ ghɔ́, buꞌ faŋ vəŋ nə bìŋ nu Kristo ntee, kàw ŋwə shɔɔ məbwey vəŋ, biŋ ŋwə, zìꞌ tɨ́ yiku.

Reveleyshən 13:1

Mə kɨ ye, yè nyaa nə koꞌ fɨ taa mamuu nə ndaw si yighuŋ nə vətɔ vi kwatia, nə təsɔꞌ tə vəfwàŋ yighuŋ maa ndaw si, nə təzii məndasə Nwi maa vətɔ vi.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 13:17

Nɨniŋ laa kaꞌ wə kee baa kɨ ywaŋ fa, tɨꞌnə me fiŋ fa me, maa laa ŋwə kìi shwenə kɔ́ me. Shwenə kɔ́ lùu yizii nyaa yɔ́, tɨꞌnə me kii sɨ ŋwaꞌlə yizii yi.

Reveleyshən 21:18

Vɨ bɔŋ ŋkɔꞌ yi yɔ́ nə ŋoꞌsə jəəsə faŋ vɨ tii nə jasper, bɔ̀ŋ shɨ kɔ́ nə goolə, faŋ ŋwə lèy yaa ŋwaꞌlə məye sɨ.

Reveleyshən 4:6

Vɨsɨ ŋkaw kɔ́, fa mɔ́ꞌ nə luu shɔ yaa mamuu, bee yaa ŋwaꞌlə məye sɨ. Vətɔ vəbweyvə vəmɔ́ꞌ yishwe nə dùꞌ mbɨɨ ŋkaw kɔ́, kìa ŋkaw kɔ́, nə sɨ yaŋ maa vətɔ vəbweyvə vɔ́ fɨ vɨsɨ nə fɨ yiba.

Reveleyshən 5:8

Ŋwə jwi fi nɨniŋ, vətɔ vəbweyvə vɔ́ yishwe nə vɨɨ taa vì njɔsə-yishwe muu-mbɔɔ gu nsi vɨsɨ ŋwə, tɨ́ wə kɨ kii ndəə-ntɨ, wə kɨ kii ndəə-ntɨ, baa nə vəkay faŋ vɨ naysə nə goolə, nə vətɔ lwàŋ taa tey yi, luŋsə baw baw. Vətɔ və luŋsə vɔ́ lùu məshɔꞌtə Nwi, faŋ vɨɨ ley Nwi nə shɔ̀ꞌtə Nwi shɔ nə.