Reveleyshən 14:3 - Vengo (Babungo)

³ Vəŋ zwa nyay yifi vɨsɨ kenə Nwi, baa nə vɨsɨ vətɔ vəbweyvə vɔ́ yishwe nə, baa nə vɨsɨ vɨɨ taa vɔ́. Nə kɨkaꞌ wə kee zwètə nyay yɔ́ me, tɨ̀ lɨꞌ sheꞌ vɨɨ vɔ́ ŋkaŋ waaghɨꞌ nə ŋkaŋsə njɔsə-yishwe muu-yinshwe faŋ Nwi nə shòꞌ vəŋ fɨ taa mbi, ywàŋ nə mənshi mə ŋwiŋ wi nə me.

Reveleyshən 14:3 ပူးပေါင်းရင်းမြစ်များ

1 Kɔrintian 1:18

Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

Reveleyshən 14:1

Mə baa ndèynə, yè wee-bi-njɨɨ ghɔ́ faŋ ŋwə dùꞌ fuu baŋ Zayon, ghɔ vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe, faŋ vɨ nə nyɔ̀ꞌ yizii wee-bi-njɨɨ ghɔ́ nə yizii Tii wi mbootɔ vəŋ.

Reveleyshən 15:3

zwà nyay Mose, wuu faꞌ Nwi, nə nyay wee-bi-njɨɨ ghɔ́, laa, «Nu ŋkɨə faŋ a yɨsə, lùu nu kwalə, luu ŋkee nu shuu yɔŋ mɔɔ, tɨta Nwi Nshɔɔ-mbi, jɨɨsə sə bɔ̀ŋsə, baa lùu yinsəŋ mɔɔ, fwàŋ ŋgwisə vɨɨ vənshə.

Reveleyshən 2:17

Wə ntɨə faŋ tuulə ghi lùu shɔ, ŋwə zɔ nu ŋkɨə faŋ Zwitə Ley Nwi gisə tɨ́ vəməshəŋtə və vɨɨ Nwi! Mə taa kɔ fazɨ Nwi mana, ŋkɨə faŋ ŋkə nə ndènə fɨ ghɔ vɨɨ nə, tɨ́ wə ntɨə faŋ ŋwə ghɔ̀ꞌ nu bwə. Mə baa luu kɔ ŋoꞌ yifusə tɨ́ ŋwə faŋ vɨ nyɔꞌ yizii yifinə maa ŋoꞌ yɔ́, faŋ wə kee kɨ̀ɨ nə yizii yɔ́ me, kɨɨ sheꞌ wuu məfi.»

Reveleyshən 5:9

Vəŋ nə zwà nyay yifi laa, «A kùꞌnə maa məfi ŋwaꞌlə ghɔ́, shoꞌ vəlay vi, buꞌ laa a nə bìŋ vɨ zwi ghɔ, a ku, ywàŋ vɨɨ nə mənshi mə, yɨsə vɨɨ fɨ maa təkuu tə vɨɨ tənshə, nə təghaŋ tənshə, nə fɨ maa ŋgwisə vɨɨ vənshə, nə fɨ maa məshɨ mənshə, lùu vɨɨ Nwi.

Reveleyshən 7:4

Vɨ naysə ki vɨɨ shee faŋ vɨ shwenə vəŋ nə lay Nwi kɔ́ mbootɔ vəŋ nə. Vəŋ nə luu vɨɨ ŋkaŋsə waaghɨꞌ nə ŋkaŋsə njɔsə-yishwe muu-yinshwe. Nə luu vɨɨ fɨ taa məshɨ mə Isirayl mənshə.