Reveleyshən 12:3 - Vengo (Babungo)

³ Shwenə nu kəmɔ́ꞌ baa fùu taa yizɔ, luu zɔ-ŋgu-yibay yikwalə faŋ nyə bày laa bəə. Yitɔ yi nə luu kwatia, ndawsə si yighuŋ, nə təsɔꞌ tə vəfwàŋ kwatia tɔ yitɔ yɔ́.

Reveleyshən 12:3 ပူးပေါင်းရင်းမြစ်များ

Reveleyshən 12:1

Shwenə nu kwalə kəmɔ́ꞌ kɨ nii fùu taa yizɔ. Luu wəzwi faŋ ŋwə nə mɔ̀ꞌ shɨshwi yaa njwi, ŋuu luu ŋiꞌ ghuu ŋwə, məjwiŋ njɔsə-bɔɔ laytə tɔ ŋwə yaa məsɨŋ.

Reveleyshən 12:13

Zɔ-ŋgu-yibay yɔ́ kɨ ye laa vɨ mɔ̀ꞌ nyə shɨ nsi, nyə ŋii maa məshoꞌ ghuu wəzwi ghɔ́ faŋ ŋwə nə bì wee-wəndɔŋ nə.

Reveleyshən 12:17

Nɨniŋ, njyoꞌ zɔ yɔ́ lia maa wəzwi ghɔ́, ŋwə bəŋ gə̀ kɔ̀ꞌsə yighaw maa bətə vaŋ wəzwi ghɔ́, faŋ lùu vɨɨ mbɨə faŋ vəŋ nùŋsə ntɨsə Nwi, baa bìŋ nu Yeso ntee. Nyə kɨ nii gə tɨŋnə fuu waꞌsə taa mamuu.

Reveleyshən 12:4

Nsay yi saŋ waytə məjwiŋ fɨ taa vəwaytə vətia, mɔ̀ꞌ nsi. Zɔ-ŋgu-yibay yɔ́ tɨŋnə vɨsɨ wəzwi ghɔ́, faŋ ŋwə kɨꞌ məbi nə, laa ŋwə taa kɨ bi wee ghɔ́, ŋwə kwə.

Reveleyshən 12:7

Yighaw kɨ nii fùu yizɔ, Maykel (faŋ lùu nshiiŋii taa mbuꞌ) ghɔ vɨ vɨɨ vi nə nywenə ghɔ vɨ zɔ-ŋgu-yibay nə vɨɨ vi.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:1

Mə kɨ ye, yè nyaa nə koꞌ fɨ taa mamuu nə ndaw si yighuŋ nə vətɔ vi kwatia, nə təsɔꞌ tə vəfwàŋ yighuŋ maa ndaw si, nə təzii məndasə Nwi maa vətɔ vi.

Reveleyshən 13:2

Nyaa yɔ́ faŋ mə nə ye nə, nə fɨ̀nə bɔɔ, ghuu ghi fɨnə ghuu nyaa yibwə yimɔ́ꞌ, shuu wi fɨnə shuu bikəə. Zɔ-ŋgu-yibay yɔ́ kɔ wutə kwalə ki nə kenə ki tɨ́ nyaa yɔ́,

Reveleyshən 13:4

Vəŋ baa bəŋsə zɔ-ŋgu-yibay yɔ́, buꞌ laa nyə kɔ́ wutə ki tɨ́ nyaa yɔ́. Vəŋ baa luu bə̀ŋsə nyaa yɔ́, gì laa, «Sii lùu ndə yaa nyaa yɔ́, sii kaꞌ nywenə ndə nywenə nyaa yɔ́?»

Reveleyshən 15:1

Mə baa kɨ ye, yè shwenə kwalə mɔ́ꞌ, ŋkee shwenə nu shuu yɔŋ yizɔ. Nshiisə-ŋiisə Nwi kwatia nə vəndwəsə və ŋɨꞌ ghɔ vəŋ kwatia faŋ fwi Nwi yishəsə ndɔ ndwə shɔ.

Reveleyshən 16:13

Mə kɨ nii yè vəzwitə vəbwəvə vətia faŋ mbə nə luu yaa vənyɨnshaŋ, mbə fuu fɨ taa shuu zɔ-ŋgu-yibay, nə fɨ shuu nyaa yɔ́, nə fɨ shuu nshiiŋii-sɔghɔ, wuu təba ghɔ́.

Reveleyshən 17:12

Ndawsə sɔ́ yighuŋ faŋ a ye nə, lùu vəfwàŋ yighuŋ, faŋ vəŋ kee ta zɨ̀ vəŋkaw me. Vəŋ ndɔ duꞌnə, sɔꞌ shɨ maa kuŋtə yighee yimuꞌ ghɔ vɨ nyaa yɔ́.

Reveleyshən 17:16

Gə fɨ maa ndawsə sɔ́ yighuŋ nə nyaa yɔ́ faŋ a ye nə, nsə ndɔ bee wəzwi ghɔ́, fì vətɔ vənshə faŋ ŋwə kìi, mèꞌtə ŋwə nə ntɨŋ, ndɔ kwə mbasə ŋwaa wi, twàŋ ŋwə nə wisə.

Reveleyshən 17:7

Nshiiŋii Nwi yɔ́ gi shee laa, «Shuu wə yɔ̀ŋ buꞌ kə? Naꞌ, mə fɨꞌtə ŋiꞌ nu wəzwi ghɔ́ tɨ́ ghɔ nə ŋiꞌ nyaa yɔ́ faŋ ŋwə kòꞌ fuu yi nə, nə vətɔ vi kwatia, nə ndaw si yighuŋ nə.

Reveleyshən 19:12

Sɨ ghi luu yaa wisə biinə. Ŋwə bee təsɔꞌ tə vəfwàŋ tɔ ŋwə təyaŋ, vɨ nyɔꞌ yizii yi shɔ faŋ kaꞌ tuu wə kee kɨɨ me, kɨɨ sheꞌ ŋwə.

Reveleyshən 20:2

Ŋwə jwi jìa zɔ-ŋgu-yibay faŋ lùu zɔ yimwa yì, baa lùu Satan, tɨɨ vəzwitə vəbwəvə, ka ŋwə maa ŋuꞌ ŋkaŋ,