Reveleyshən 11:2 - Vengo (Babungo)

² Luu nə, mèꞌtə nɨntəŋ fu faŋ ŋwə kìa ŋii Nwi nə, kee fɨ̀ꞌ me, buꞌ laa Nwi kɔ̀ tɨ́ vɨɨ tətɔŋ fu. Vəŋ taa kɨ jeꞌtə shɨ Jerusalem, faŋ nə luu shɨ ley tɨ́ Nwi nə, maa təŋuu njɔsə-bɔɔ muu-yinshwe.

Reveleyshən 11:2 ပူးပေါင်းရင်းမြစ်များ

Matiu 27:53

Yighee njyə faŋ Yeso nə ywèy fɨ shɨ yiku, vɨɨ vɔ́ fuu fɨ taa təswi təvəŋ, gə̀ taa shɨ, fùu yikəꞌ vɨɨ vəyaŋ.

Matiu 4:5

Yiŋkii kɨ shɔɔ, tɨɨ vəzwitə vəbwəvə ndi ŋwə, gə̀ nə ŋwə ntɨꞌ Jerusalem, tə̀ ŋwə fuu nyaw tɔ ŋii Nwi yikwalə,

Matiu 5:13

«Viŋ lùu fəŋway taa mbi, luu nə, fəŋway kɨ luu kee baa kɨ ndɨŋ me, buu sii kaꞌ vɨ yɨ kɨkə mfə baa ndɨ̀ŋ? Maa mfə kee baa lùu maa nu me; vɨ meꞌ fu, vɨɨ kɨ toꞌ, shɔɔ, jeꞌtə nə ghuu vəŋ.

Lukas 21:24

Vɨɨ shɨ və̀ ndɔ kɨ kukə fɨ ghɔ baꞌ yighaw, vɨ jiatə vəŋ maa vəbuꞌ və yighaw, fiŋtə vətɔŋ vətɔŋ. Vɨɨ tətɔŋ fu jeꞌtə Jerusalem nsi, gə ziꞌ tɨ́ shi ŋkɨə faŋ yighee vɨɨ tətɔŋ fu vɔ́ ndɔ shɔɔ.»

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Reveleyshən 11:11

Vəshi vɔ́ vətia kɨ shɔɔ, nə bɨꞌ, zwitə məbwey ndɔ fɨ ghɔ Nwi, ŋìi taa ŋwaa vəŋ, vəŋ ndɔ, tɨ̀ŋnə yizɔ, vɨɨ mbɨə faŋ vəŋ ye vəŋ, fee ŋkee dɨdɨꞌ.

Reveleyshən 11:3

Mə taa yɨsə vɨɨ məfɨꞌtə nu kaŋ vəbɔɔ kɨ gisə nu ŋkɨə faŋ mə taa kɨ kwaŋ shuu vəŋ maa vəshi ŋkaŋ nə yiwa yibɔɔ nə muu-ntɔfə. Vəŋ ndɔ kɨ mɔꞌ njwisə məluŋ.

Reveleyshən 12:6

Wəzwi ghɔ́ nyɨŋ gə̀ taa tɔɔ waꞌsə maa shəŋ faŋ Nwi nə nàysə, nùŋ tɨ́ ŋwə, laa vɨ kɨ zəsə ŋwə yifi maa vəshi ŋkaŋ nə yiwa yibɔɔ nə muu-ntɔfə.

Reveleyshən 21:10

Ŋwə ndi fwi nyaa, gə̀ nə nyə fuu baŋ yimɔ́ꞌ nee yidə, də̀ shɨ Jerusalem faŋ lùu shɨ Nwi kəkwalə nə shee. Ŋkə siꞌ jwì fɨ ghɔ Nwi yizɔ,

Reveleyshən 21:2

Mə baa yè shɨ ley Nwi, faŋ lùu shɨ Jerusalem kəfikə. Ŋkə siꞌ jwi fɨ yizɔ fɨ ghɔ Nwi, tɨ́ vɨ la ŋkə yaa vɨ yaa kɨ la wəzwi məndaa, buu kɔ̀ tɨ́ ndəə wi.

Reveleyshən 22:19

Kɨ luu wə fuusə nu fɨ taa yigisə Nwi faŋ vɨ nyɔ̀ꞌ nə, buu Nwi ndɔ fuusə ŋwə fɨ maa vətaŋ vi fɨ fuu tɨ məbwey, fùusə ŋwə fɨ taa shɨ yɔ́, faŋ lùu shɨ ley tɨ́ Nwi nə, shìa ŋwə nɨniŋ fɨ maa nu jəə ŋkɨə faŋ vɨ nyɔ̀ꞌ taa ŋwaꞌlə ŋwə̀ nə.