Reveleyshən 10:7 - Vengo (Babungo)

⁷ Ndɔ luu maa vəshi mbɨə faŋ nshiiŋii Nwi, njyə lwesə kwatia, ndɔ taw yisaw yi, buu Nwi metə vənu vənshə faŋ ŋwə nə ndɨ̀ə fɨ ghɔ vɨɨ nə. Mbə taa gay, fàynə maa ntɔŋ yijəə Nwi faŋ Nwi nə fɨ̀ꞌtə tɨ́ vɨɨ faꞌ vi, faŋ lùu nshiisə-ŋii sɔghɔ nə.

Reveleyshən 10:7 ပူးပေါင်းရင်းမြစ်များ

Akts 3:21

Ŋwə lùu taa yizɔ ndwə, ziꞌ tɨ́ yighee njyə faŋ vənu vənshə ndɔ fuu ntee, faŋ Nwi nə kwàŋ taa shuu nshiisə-ŋii sɔghɔ shù fɨshi.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Reveleyshən 14:6

Mə baa kɨ ye, yè nshiiŋii Nwi yimɔ́ꞌ faŋ ŋwə vɨɨlə fɨ nɨntəŋ yizɔ, jwì nə ntɔŋ yijəə faŋ nyə gòꞌsə yighee muꞌ, fɨꞌtə tɨ́ vɨɨ vənshə fɨ taa mbi, tɨ́ məshɨ mənshə, nə təkuu tə vɨɨ tənshə, nə təghaŋ tənshə, nə ŋgwisə vɨɨ vənshə.

Reveleyshən 17:17

Vəŋ yɨ nɨniŋ buꞌ laa Nwi kwàŋ nu taa fwisə vəŋ laa vəŋ yɨ sheꞌ maa ŋkitə yi, baa fàynə maa fa kəmuꞌ, faŋ lùu laa vəŋ kɔ nu yifwàŋ vəŋ tɨ́ nyaa yɔ́, gə ziꞌ maa yighee njyə faŋ nu ŋkɨə faŋ Nwi nə gì, faynə.