Reveleyshən 1:7 - Vengo (Babungo)

⁷ Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 1:7 ပူးပေါင်းရင်းမြစ်များ

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Matiu 24:30

Shwenə Wuu yinsəŋ Nwi kɨ nii fùu taa yizɔ. Vɨɨ məshɨ mənshə fɨ taa mbi gwia, kɨ ye Wuu yinsəŋ Nwi ghɔ́, faŋ ŋwə bəŋ jwì fɨ fuu mbɔꞌ fɨ taa yizɔ, nə wutə nə feenə yaŋ.

Matiu 25:31

Yeso nə baa gì laa, «Ndɔ luu maa yighee njyə faŋ Wuu yinsəŋ Nwi ndɔ bəŋ jwì nə feenə wi ghɔ vɨ nshiisə-ŋiisə Nwi sənshə, buu ŋwə taa duꞌ fuu ŋkaw yifwàŋ ki, vɨ kɨ gwenə ŋwə yaa fwàŋ.

Matiu 26:64

Yeso gi tɨ́ ŋwə laa, «Gì ghɔ nɨniŋ. Mə naysə tɨ́ viŋ ntee laa, shù ndee viŋ ndɔ ye Wuu yinsəŋ Nwi faŋ ŋwə dùꞌ maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə faŋ ŋwə jɨjwi fɨ fuu mbɔꞌ fɨ taa yizɔ.»

Mark 13:26

Vɨ kɨ nii yè Wuu yinsəŋ Nwi faŋ ŋwə ndɔ bəŋ jwì fɨ taa mbɔꞌ nə wutə Nwi. Vɨɨ vənshə ndɔ fee ŋwə.

Mark 14:62

Yeso bəŋsə tɨ́ ŋwə laa, «Ɔŋ, luu mə. Viŋ ndɔ ye Wuu yinsəŋ Nwi faŋ ŋwə ndɔ duꞌnə ŋkee fuu ŋkaw kwi maa kwiŋ maꞌnə Nwi faŋ ŋwə kìi wutə kənshə. Viŋ ndɔ baa ye ŋwə, faŋ ŋwə ndɔ jwi taa mbɔꞌ fɨ yizɔ.»

Lukas 21:27

Vənu vɔ́ ndɔ gay nɨniŋ, buu vɨ kɔꞌ kɨ nii ye Wuu yinsəŋ Nwi, faŋ ŋwə ndɔ baa jwi, tɨ́ ŋwə dùꞌ fuu mbɔꞌ, kɨ jwi ŋkee nə wutə, baa nə feenə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:34

Luu nə, sogeꞌ mɔ́ꞌ ndi yighaw yi, sɔ̀ way yiŋii Yeso, mənshi nə muu fuu fɨ maa Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:37

Vɨ nə baa nyɔ̀ꞌ maa shəŋ mɔ́ꞌ taa ŋwaꞌlə Nwi laa, «Vɨɨ ndɔ ye wə ntɨə faŋ vəŋ nə ndɨəsə ŋwə.»

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Tesalonika 4:17

buu Nwi ndi nsiŋ, faŋ nsiŋ lùu vɨɨ faŋ nsiŋ ndɔ duꞌ yinyay maa shi kɔ́, ndì nsiŋ nə mbɔꞌ, nsiŋ vɨ vəŋ koꞌ yizɔ mɔ́ꞌ, fàynə nsiŋ vɨ tɨta Yeso, dùꞌ nɨniŋ nsiŋ vɨ tɨta Yeso ghee nshə.

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 6:6

kɨ ghaŋ laa kəŋ wə ghɔ́ faŋ ŋwə kɨ̀ɨ nə vənu vɔ́ nə, baa kìasə fwi yi, twèy vənu vɔ́, buu jɨɨ kee baa lùu shɔ tɨ́ ŋwə, laa ŋwə baa kwiinə fwi yi, nùŋ maa Nwi me. Lùu nɨniŋ buꞌ laa, kəŋ wə ghɔ́ gù wə faŋ ŋwə baa bèy Wee Nwi fuu fəŋkɔꞌ fə ŋkɨꞌsə, baa shìasə ŋwə ntee.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Ŋwaꞌlə Jud 1:14

Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,

Reveleyshən 22:20

Wə ntɨə faŋ ŋwə fɨꞌtə nu kɔ́ ntee, gì laa, «Yinsəŋ, mə taa yasə jwi.» Luu sheꞌ nɨniŋ. «Tɨta Yeso, jwi!»

Reveleyshən 22:4

Vəŋ ye yikəꞌ yi. Vɨ nyɔ̀ꞌ yizii yi mbootɔ vəŋ.