Reveleyshən 1:6 - Vengo (Babungo)

⁶ nàysə yifwàŋ tɨ́ nsiŋ, yɨ̀sə nsiŋ luu vɨɨ məfeꞌ Nwi tɨ́ Nwi tii wi. Nsiŋ kɔ feenə tɨ́ ŋwə. Ŋwə kwàlə shɔɔ, gòꞌsə yighee muꞌ. Ŋkə lùu nɨniŋ.

Reveleyshən 1:6 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23

Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 15:6

Nɨniŋ laa viŋ kɨ bəŋsə Nwi, tɨɨ tɨta ŋwaa-nsiŋ Yeso Kristo nə fwi yiŋ yimuꞌ, baa nə yigisə yiŋ yimuꞌ nɨzi.

Filipi 2:11

Vəŋ vənshə ndɔ biŋ ntee laa Yeso Kristo lùu wuu məsɔꞌ mbi. Nɨniŋ, vəŋ kɔ feenə tɨ́ tɨta Nwi.

1 Timoti 6:16

Luu sheꞌ ŋwə nɨnɔŋ wi, faŋ kaꞌ ŋwə kee ku me, shi maa shəŋ ley faŋ ŋkə ley shɔ̀ɔ ki. Tuu wə nə kee ta yè ŋwə me. Kaꞌ tuu wə kee ndɔ ye ŋwə me. Ŋwə kìi wutə kənshə. Nsiŋ kɨ bəŋsə ŋwə. Ŋkə gòꞌsə nɨniŋ.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

1 Pita 5:11

Wutə Nwi goꞌsə yighee muꞌ, kee ndɔ kwiinə me. Ŋkə lùu nɨniŋ.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

Ŋwaꞌlə Jud 1:25

Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 20:6

Mənɔŋ-bwaŋnə tɨ́ wə ntɨə faŋ ŋwə ndɔ ywey maa yighee yɔ́, ghɔ vɨ vɨɨ vɨsɨ nə, ŋwə luu ŋkee wuu Nwi. Yiku lwesə ghee bɔɔ kee ndɔ jia vɨɨ vɔ́ me, vəŋ ndɔ kɨ feꞌ Nwi nə Kristo, ghɔ vɨ Kristo kɨ sɔꞌ mbi maa ŋuꞌ yɔ́ ŋkaŋ nə.

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»

Reveleyshən 5:10

A baytə vəŋ maa yifwàŋ Nwi, vəŋ gu vɨɨ məfeꞌ Nwi nɨzi, ndɔ kɨ sɔꞌ shɨ nsi.»