Reveleyshən 1:4 - Vengo (Babungo)

⁴ Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,

Reveleyshən 1:4 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:1

Maa vənzi və mbi, yigi nə luu shɔ. Yigi yɔ́ nə luu shɔ ghɔ Nwi. Yigi yɔ́ nə luu sheꞌ Nwi.

Akts 19:10

Vəŋ yɨsə nɨniŋ maa ŋuꞌsə bɔɔ. Nɨniŋ, vɨɨ Jus ghɔ vɨ vɨɨ Griik vənshə faŋ vəŋ nəə shi maa kwiŋ Asia zɔ nu tɨta Yeso.

Akts 2:9

Maa nsiŋ lùu vɨɨ Partia nə vɨɨ Media, nə vɨɨ Elam, nə vɨɨ Mesopoteymia, nə vɨɨ Jus, nə vɨɨ Kapadosia, nə vɨɨ fɨ Pɔntɔs, nə fɨ Asia,

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

1 Kɔrintian 1:3

Nwi, Tii ŋwaa-nsiŋ, ghɔ tɨta Yeso Kristo, tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

2 Kɔrintian 1:2

Nwi, Tii ŋwaa-nsiŋ, nə tɨta Yeso Kristo tu mənɔŋ-bwaŋnə nə məduꞌ-nyɔŋ tɔ viŋ.

Hibru 13:8

Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

Jeyms 1:17

Vətɔ vəjəəvə vənshə faŋ vɨ kɔ tɨ́ viŋ, nə vəkeynə viŋ vənshə faŋ mbə bàw, ndɔ fɨ yizɔ fɨ ghɔ Nwi faŋ ŋwə lùu tɨɨ təkiꞌ fɨ yizɔ. Nshɨ-tɔ Nwi kee yaa kɨ kiasə me, kee kwiinə me, yaa shɨshwi yaa kiasə, ndɨŋ gu, vədɨꞌ fə̀ŋ me.

Reveleyshən 1:1

Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 1:11

Gɨ yɔ́ gi laa mə nyɔꞌ nu ŋkɨə faŋ mə ye taa ŋwaꞌlə, tɔ̀ŋ tɨ́ vəməshəŋtə və vɨɨ Nwi kwatia. Vəməshəŋtə kwatia vɔ́ luu mbə fɨ shɨ Efesɔs, nə fɨ shɨ Smirna, nə fɨ Pergamum, nə fɨ Tiateyra, nə fɨ Sardis, nə fɨ Filadelfia, nə fɨ Laodosia.

Reveleyshən 1:17

Mə kɨ ye ŋwə, gù ghuu ŋwə yaa ŋku wə. Ŋwə mɔꞌ ghɔ ki maꞌnə maa mə, gì laa, «Kɨ ghɔ fee me, lùu mə, faŋ mə nə luu vɨsɨ, baa lùu yiba,

Reveleyshən 1:20

Zɔ ŋiꞌ məjwiŋ kwatia faŋ a yè ghɔ mə, nə ŋiꞌ təkiꞌ kwatia, faŋ lùu ntə goolə nə. Ŋiꞌ məjwiŋ mbɔ́ lùu nshiisə-ŋiisə Nwi kwatia faŋ nsə ndeynə vəməshəŋtə və vɨɨ Nwi vì kwatia nə. Təkiꞌ tɔ́ kwatia lùu vəməshəŋtə vɔ́ kwatia.»

Reveleyshən 1:8

Tɨta Nwi Nshɔɔ-mbi, faŋ ŋwə nə luu shɔ yighee vɨsɨ, baa lùu shɔ ndwə, ndɔ jwi yighee yiba nɨzi, ŋwə nə gì laa lee, «Lùu mə lùu vənzi, baa lùu vəndwə və vənu.»

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 16:5

Mə kɨ nii zɔ nshiiŋii Nwi njyə faŋ ŋwə sɔꞌ muu nə, gi laa, «A luu ŋkee wuu loomə, mɔɔ Nwi, faŋ a nə luu shɔ yighee vɨsɨ, baa lùu shɔ ndwə. A bàw shɨlə, buꞌ faŋ a shìa nu kɔ́ nee.

Reveleyshən 2:12

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Pergamum, nyɔꞌ laa lee, «Wə ntɨə faŋ ŋwə kìi baꞌ yighaw shəsə nə, gì laa lee,

Reveleyshən 2:18

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Tiateyra, nyɔꞌ laa lee, «Wee Nwi faŋ sɨ ghi bii yaa wisə, ghuu ghi luu yaa bwey bay faŋ vɨ fùusə fɨ taa bɨꞌ ndaa-dɨŋ laa,

Reveleyshən 2:8

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Smirna, nyɔꞌ laa lee, «Wə ntɨə faŋ ŋwə nə luu vɨsɨ, baa lùu yiba nə, ŋwə faŋ ŋwə nə kù, baa ywèy fɨ shɨ yiku, gì laa,

Reveleyshən 22:16

«Lùu mə, Yeso, faŋ mə tɔ̀ŋ wuu ntɔŋ ŋwaa maa mənaysə vənu vɔ́ tɨ́ vɨɨ fɨ taa vəməshəŋtə və vɨɨ Nwi. Mə lùu wuu ŋiꞌ ŋiinə fwàŋ Deyvid, baa lùu fəjwiŋ fɨ taa nshia-ndoo-mbisɨ.»

Reveleyshən 22:8

Luu mə, Jɔn, faŋ mə yè, baa zɔ̀ vənu və̀ vənshə. Yighee njyə faŋ mə nə zɔ̀ vənu vɔ́, baa yè mètə, mə kɨ nii gù ghuu nshiiŋii Nwi yɔ́ faŋ ŋwə nə də̀ vənu vɔ́ shee nə, bə̀ŋsə ŋwə.

Reveleyshən 3:1

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Sardis, nyɔꞌ laa lee, «Wə ntɨə faŋ vəzwitə və Nwi kwatia nə məjwiŋ kwatia lùu ghɔ ŋwə nə, gì laa lee, «Mə kɨɨ nə vənu və. Vɨɨ gisə laa a bwey, tɨ́ ghɔ lùu ŋku fa.

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,

Reveleyshən 3:7

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Filadelfia laa, «Wə ntɨə faŋ ŋwə bàw shɨlə, baa luu ŋkee wuu yinsəŋ, faŋ ŋkwa fwàŋ Deyvid lùu ghɔ ŋwə nə, faŋ ŋwə ŋaꞌsə, kaꞌ wə kee fəŋ me; ŋwə fəŋ, kaꞌ wə kee ŋaꞌsə me. Ŋwə gi laa lee,

Reveleyshən 4:5

Yibay bwələ fɨ maa ŋkaw kɔ́, gɨsə baa luu fùu fɨ fuŋ nɨzi, nə gɨ yimɔ́ꞌ faŋ nyə duŋ yaa yibay. Təkiꞌ təmɔ́ꞌ kwatia nə luu vɨsɨ ŋkaw kɔ́, bee fɨ fuŋ. Lùu vəzwitə və Nwi kwatia.

Reveleyshən 4:8

Nyaa tɨ̀ me nyaa fɨ taa nyaasə sɔ́ yishwe nə, nə kìi ghalə ntɔfə, nə sɨ vəŋ lwaŋ fɨ fu nə fɨ taa tey yi. Nsə gisə vətuꞌ nə shɨshwi, kee shɨshia me, gisə laa, «Məley, məley, məley lùu tɨta Nwi Nshɔɔ-mbi. Ŋwə nə luu shɔ yighee vɨsɨ, baa lùu shɔ ndee, ndɔ jwi maa yighee yiba nɨzi.»

Reveleyshən 5:6

Mə kɨ nii yè wə faŋ ŋwə lùu yaa wee-bi-njɨɨ faŋ ŋwə tɨ̀ŋ nɨntəŋ ŋwaa vəŋkaw vɔ́, tɨ́ vətɔ vəbweyvə vɔ́ yishwe nə vɨɨ taa vɔ́ kia ŋwə, bi yɔ́ kəꞌ yaa vɨ nii zɨzwi, ndaw si nə luu shɔ kwatia, nə sɨ ghi kwatia. Luu ŋkee vəzwitə və Nwi kwatia faŋ ŋwə tɔ̀ŋ, mbə gə maa vəshəŋ vənshə fɨ taa mbi.

Reveleyshən 8:2

Mə kɨ ye, yè nshiisə-ŋiisə Nwi sɔ́ kwatia, faŋ vəŋ tɨŋnə vɨsɨ Nwi, vɨ kɔ təsaw tɨ́ vəŋ kwatia.