Reveleyshən 1:3 - Vengo (Babungo)

³ Mənɔŋ-bwaŋnə tɔ wə ntɨə faŋ ŋwə tìi nu ŋkɨə faŋ Nwi nə gì laa ŋkə taa gay nə, baa nə tɔ vɨɨ mbɨə faŋ vəŋ zɔ, jìa nu ŋkɨə faŋ mə ŋwaꞌlə taa ŋwaꞌlə ŋwə̀, buꞌ laa yighee vənu vɔ́ lùu nshənə.

Reveleyshən 1:3 ပူးပေါင်းရင်းမြစ်များ

Matiu 24:15

Viŋ zɔ! Yighee njyə faŋ viŋ ndɔ ye ŋkee fa bwə faŋ ŋkə bɨ̀sə taa ŋii Nwi, duꞌ maa shəŋ ley Nwi, sheꞌ faŋ nshiiŋii-sɔghɔ Daniel nə fɨꞌtə nə,

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Roma 13:11

Bàw viŋ kɨ yɨsə nɨniŋ, baa kɨɨ laa ndwə lùu yighee maa məyenə fɨ mbweysə. Yighee njyə faŋ nsiŋ ndɔ zɨ məbwey vəlwaŋ lùu nshənə, kee baa lùu ntaŋ me, yuu nyə nə lùu faŋ nsiŋ nə fɔŋ nùŋ fwi saŋ-nsiŋ maa Kristo me.

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

1 Pita 4:7

Ndwəsə vənu vənshə lùu nshənə. Nɨniŋ, viŋ kɨ yɨsə vənu vənshə nə yitɔfə, tɔ kiŋ ley nɨzi, tɨ́ kɨ kaꞌ viŋ kɨ shɔꞌtə Nwi.

2 Pita 3:8

Vɨɨmba vaŋ faŋ mə kàw, kɨ viŋ manə nu kwalə mɔ́ꞌ me, laa vɨsɨ Nwi, shi kəmuꞌ kee lùu nɨŋkwiŋ fɨ ghɔ ŋuꞌ ŋkaŋ me, ŋuꞌ ŋkaŋ kee lùu nɨŋkwiŋ fɨ ghɔ shi kəmuꞌ me. Nwi ndi sheꞌ yaa fa kəmuꞌ.

Reveleyshən 22:10

Ŋwə nə baa gì laa, kɨ mə ndɨə yigi yɔ́ fɨ taa ŋwaꞌlə ŋwə̀ me, buꞌ laa yighee lùu nshənə faŋ vənu vɔ́ taa gay.

Reveleyshən 22:12

Yeso gì laa, «Viŋ zɔ! Mə taa yasə jwi, kɨ jwi, jwì nə vəkeynə ghɔ mə, maa məkɔ tɨ́ vɨɨ vənshə maa vəfaꞌ vəvəŋ.

Reveleyshən 22:20

Wə ntɨə faŋ ŋwə fɨꞌtə nu kɔ́ ntee, gì laa, «Yinsəŋ, mə taa yasə jwi.» Luu sheꞌ nɨniŋ. «Tɨta Yeso, jwi!»

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.