Reveleyshən 1:1 - Vengo (Babungo)

¹ Ŋwaꞌlə ŋwə̀ lùu ŋwaꞌlə kɔ̀ŋ vənu faŋ mbə nə ndènə fɨ ghɔ vɨɨ, Nwi ndi kɔ̀ ghɔ Yeso Kristo laa ŋwə də nu ŋkɨə faŋ ŋkə taa ghaa yasə gay tɨ́ vɨɨ faꞌ vi. Yeso nə tɔ̀ŋ wuu ntɔŋ wi maa nu kɔ́, ŋwə gə də̀ shwenə ki tɨ́ wuu faꞌ wi Jɔn.

Reveleyshən 1:1 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:49

Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:15

Mə kee baa tii viŋ nə vɨɨ faꞌ vaŋ me, buꞌ laa wuu faꞌ kee yaa kɨ kɨɨ nə nu ŋkɨə faŋ tii wi yɨ me. Mə tii viŋ nə vɨɨmba vaŋ, buꞌ laa mə nə nàysə vənu vənshə tɨ́ viŋ, faŋ mə nə zɔ̀ fɨ ghɔ Tii ŋwaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:8

Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:32

Ŋwə naysə vənu faŋ ŋwə nə yè nə yisɨ, nə mbɨə faŋ ŋwə nə zɔ̀. Faŋ ŋkə kɔlə lùu nɨniŋ, vɨɨ kee biŋ nu ŋkɨə faŋ ŋwə gisə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:26

Vənu shɔ vəyaŋ maa məgi kɔ̀ŋ viŋ, nə maa məsɔꞌ nsɔꞌ tɔ viŋ. Luu nə, wə ntɨə faŋ ŋwə nə tɔ̀ŋ mə, lùu wuu yinsəŋ. Mə naysə vənu tɨ́ vɨɨ, luu mbə faŋ naysə ŋwə shee.»

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Galatia 1:12

Mə nə kee zɔ̀ ntɔŋ yɔ́ fɨ shuu vɨɨ me, wə nə kee dèesə vənu vɔ́ shee me. Nə də nshɨ-tɔ Yeso Kristo də̀ vənu vɔ́ shee.

Efesɔs 3:3

Ŋwə nə fùu yikəꞌ mə, twèlə ŋiꞌ nu ki shee, faŋ ŋkə nə ndènə fɨ ghɔ mə. Mə duꞌtə mə nyɔꞌ kɔ̀ŋ nu Nwi kɔ́ sheꞌ kətɨtiꞌ.

Taytəs 1:1

Lùu mə, Pɔɔl, wuu faꞌ Nwi, faŋ mə nyɔ̀ꞌ ŋwaꞌlə ŋwə̀ tɨ́ ghɔ, Taytəs. Mə lùu wuu ntɔŋ Yeso Kristo, faŋ mə fɨꞌtə nu Nwi tɨ́ vɨɨ mbɨə faŋ Nwi nə shòꞌ maa mbii vɨɨ nə, laa vəŋ nuŋ fwisə vəŋ maa Kristo, baa kɨ̀ɨ nə nu yinsəŋ Nwi, faŋ ŋkə yɨsə vɨɨ bəŋsə Nwi.

Reveleyshən 1:19

Zɔ mɔɔ! Nyɔꞌ nu ŋkɨə faŋ a ye, nə ŋkɨə faŋ ŋkə lùu ndwə, baa nə ŋkɨə faŋ ŋkə ndɔ jwi.

Reveleyshən 1:9

Lùu mə, Jɔn, weenshu wiŋ, faŋ nsiŋ ye ŋɨꞌ, ndɔ zɨ nu yifwàŋ Nwi mɔ́ꞌ, baa jìa fwi saŋ-nsiŋ maa ŋɨꞌ fɨ yiba Yeso, faŋ mə nyɔꞌ ŋwaꞌlə ŋwə̀ tɨ́ viŋ. Vɨ nə nùŋsə mə maa wee-shəŋ nsi mɔ́ꞌ nɨntəŋ mamuu, yizii shəŋ kɔ́ lùu Patmɔs. Vɨ nùŋsə mə buꞌ laa mə nəə fɨꞌtə nu Nwi, baa bìŋ nu Yeso ntee.

Reveleyshən 17:1

Nshiiŋii Nwi yimɔ́ꞌ fɨ taa ŋwaa nshiisə-ŋiisə Nwi kwatia faŋ vəkay və ŋɨꞌ nə lùu ghɔ vəŋ nə, jwi gì shee laa mə jwi, yi də nsɔꞌ njyə faŋ nyə ndɔ ŋii maa wəzwi sakə wì, faŋ lùu shɨ ŋkɨə faŋ vɨ nə fia mbɨɨ muu məyaŋmə nə.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.

Reveleyshən 19:9

Nshiiŋii Nwi yɔ́ gi tɨ́ mə laa mə nyɔꞌ laa, «Mənɔŋ-bwaŋnə lùu tɨ́ vɨɨ mbɨə faŋ Nwi tii vəŋ maa yitianə wee-bi-njɨɨ yɔ́,» baa kɨ gì laa, «Luu ŋkee yigisə Nwi yinsəŋ nə.»

Reveleyshən 21:2

Mə baa yè shɨ ley Nwi, faŋ lùu shɨ Jerusalem kəfikə. Ŋkə siꞌ jwi fɨ yizɔ fɨ ghɔ Nwi, tɨ́ vɨ la ŋkə yaa vɨ yaa kɨ la wəzwi məndaa, buu kɔ̀ tɨ́ ndəə wi.

Reveleyshən 21:9

Nshiiŋii Nwi yimuꞌ fɨ taa ŋwaa nshiisə-ŋiisə Nwi kwatia, faŋ nsə nə kìi vəkay və ŋɨꞌ kwatia nə, jwi yɨ mə, gì laa, «Jwi feenə, mə də wəzwi məndaa wee-bi-njɨɨ ghɔ́ tɨ́ ghɔ.»

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:16

«Lùu mə, Yeso, faŋ mə tɔ̀ŋ wuu ntɔŋ ŋwaa maa mənaysə vənu vɔ́ tɨ́ vɨɨ fɨ taa vəməshəŋtə və vɨɨ Nwi. Mə lùu wuu ŋiꞌ ŋiinə fwàŋ Deyvid, baa lùu fəjwiŋ fɨ taa nshia-ndoo-mbisɨ.»

Reveleyshən 22:6

Nshiiŋii Nwi yɔ́ baa kɨ gi shee laa, «Yigi nyə̀ luu ŋkee yinsəŋ. Tɨta Nwi faŋ ŋwə kɔ̀ Zwitə ki tɨ́ nshiisə-ŋii sɔghɔ, tɔ̀ŋ nshiisə-ŋiisə si maa mədə nu ŋkɨə faŋ ŋkə ndɔ yasə gay.

Reveleyshən 22:8

Luu mə, Jɔn, faŋ mə yè, baa zɔ̀ vənu və̀ vənshə. Yighee njyə faŋ mə nə zɔ̀ vənu vɔ́, baa yè mètə, mə kɨ nii gù ghuu nshiiŋii Nwi yɔ́ faŋ ŋwə nə də̀ vənu vɔ́ shee nə, bə̀ŋsə ŋwə.

Reveleyshən 22:9

Luu nə, ŋwə gi shee laa, kɨ mə yɨ me, baa nə laa yi lùu wuu faꞌ Nwi yaa mə, nə yaa vaŋ-nshwi vaŋ, faŋ vəŋ luu nshiisə-ŋii sɔghɔ, nə vɨɨ vənshə faŋ vəŋ nùŋsə yigi nyə̀ fɨ taa ŋwaꞌlə ŋwə̀, baa nə laa, bàw mə kɨ bəŋsə luu Nwi.

Reveleyshən 4:1

Yiŋkii kɨ shɔɔ, mə ye shuufɔ mɔ́ꞌ ŋaꞌnə maa məŋii taa yizɔ, baa zɔ̀ gɨ wə ghɔ́ faŋ mə nə fɔŋ zɔ̀ yighee vɨsɨ nə, nyə baa gi shee ŋkee yaa yisaw, laa lee, «Koꞌ jwì feenə, mə də nu ŋkɨə faŋ ŋkə taa gay maa yighee yiba tɨ́ ghɔ.»

Reveleyshən 5:7

Bi yɔ́ jwi, fì ŋwaꞌlə ghɔ́ fɨ ghɔ wə ntɨə faŋ ŋwə dùꞌ fuu ŋkaw kɔ́ nə, fɨ maa kwiŋ maꞌnə wi.