Ŋwaꞌlə Jud 1:7 - Vengo (Babungo)

⁷ Bàw viŋ baa lùmə nu məshɨ mə Sodom nə Gomora baa nə vaŋ-məshɨ mbɨə faŋ mbə nə luu yɨ məshɨ mbɔ́. Vɨɨ fɨ taa məshɨ mbɔ́ nəə yɨ vənu vəbwəvə vəyaŋ, yɨsə ŋkee ntɔ vənu vəbwəvə mbɨə faŋ mbə kee yikuꞌnə laa wə yɨsə me. Nwi kɨ nii yɨ laa vəŋ ye ŋɨꞌ yiyaŋ taa wi faŋ ŋwə goꞌsə yighee muꞌ.

Ŋwaꞌlə Jud 1:7 ပူးပေါင်းရင်းမြစ်များ

Matiu 10:15

Mə naysə nu yinsəŋ tɨ́ viŋ laa, nsɔꞌ njyə faŋ nyə ndɔ jia ntɨꞌ yɔ́, weꞌ shɔ̀ɔ njyə shɨ Sodom ghɔ shɨ Gomora maa shi məshia nsɔꞌsə ŋkə yiba.»

Matiu 11:24

Nɨniŋ, mə gì tɨ́ viŋ laa nsɔꞌ yiŋ ndɔ weꞌ shɔ̀ɔ njyə shɨ Sodom maa shi məshia nsɔꞌ ŋkə yiba.»

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Lukas 17:29

zìꞌ maa shi ŋkɨə faŋ Lɔt nə fùu fɨ shɨ Sodom. Wisə kɨ nii fùu fɨ yizɔ, twàŋ vəŋ vənshə, zwìlə.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

2 Tesalonika 1:7

Ŋwə ndɔ baa kɔ zutə tɨ́ viŋ faŋ viŋ yè ŋɨꞌ fɨ ghɔ vɨɨ ndwə nə. Ŋwə ndɔ kɔ zutə tɨ́ nsiŋ vənshə maa yighee njyə faŋ tɨta Yeso ndɔ fuu fɨ taa yizɔ ntee, kɨ jwi ghɔ nshiisə-ŋiisə Nwi faŋ wutə ki lùu maa vəŋ nə.

2 Tesalonika 1:8

Ŋwə ndɔ jwi nə wisə faŋ ŋwə kɨɨ laa wuŋ-wuŋ, bə̀ŋsə bwə tɨ́ vɨɨ mbɨə faŋ vəŋ kee kɨɨ nə Nwi me, baa nə tɨ́ vɨɨ mbɨə faŋ vəŋ kee biŋ ntɔŋ Nwi buꞌ tɨta ŋwaa-nsiŋ Yeso me, kee zɔnə ŋwə me.

2 Pita 2:2

Vɨɨ vəyaŋ ndɔ beꞌsə vəŋ maa vənu vəbwəvə vəŋ faŋ vəŋ yɨsə, nɨniŋ laa vɨɨ kɨ gisə bwə kɔ̀ŋ nu Nwi yinsəŋ.

2 Pita 2:6

Gə fɨ maa məshɨ mə Sodom nə Gomora, Nwi nə kwàŋ vɨɨ mbɨə faŋ vəŋ nə luu taa məshɨ mbɔ́ nə taa nsɔꞌ. Nwi nə yɨ̀sə wisə twàŋ məshɨ mbɔ́ məmbɔɔ, mbə gu vəbu. Nɨniŋ, Nwi nə kɔ̀ shwenə tɨ́ vɨɨ vənshə faŋ vəŋ kee zɔnə ŋwə me, laa vəŋ kɔꞌ kɨɨ laa Nwi ndɔ ndisə vəŋ sheꞌ nɨndɨŋ.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.