Ŋwaꞌlə Jud 1:4 - Vengo (Babungo)

⁴ Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Ŋwaꞌlə Jud 1:4 ပူးပေါင်းရင်းမြစ်များ

Matiu 13:25

Kɨ lùu shi mɔ́ꞌ vətuꞌ, faŋ vɨɨ nəə bɨbwey, wuu mbeenə wi jwi, mɔ̀ꞌ ŋɨꞌsə ŋwa taa yindɨɨ say ghɔ́, ndɔ̀ gə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Akts 11:23

Barnabas gə ziꞌ Antiɔk, yè faŋ Nwi nə tu mənɔŋ-bwaŋnə maa vɨɨ vɔ́, ŋàytə, tɨ vɨɨ vɔ́ vənshə laa vəŋ nuŋ fwisə vəŋ sheꞌ maa tɨta Yeso, goꞌsə ghɔ vɨ tɨta Yeso ghee nshə.

Akts 15:24

Yia nə zɔ laa vɨɨ mɔ́ꞌ fɨ taa nwaa yia yaa ghaysə viŋ nə yigi, bùulə fwi siŋ, nsə nə lɔꞌ, faŋ kee tɔ̀ŋ yia tɔ̀ŋ vəŋ me.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

1 Timoti 5:8

Wə kɨ luu kee kɨ gaŋtə vɨɨ yikuu vi, ŋkee mbə fɨ ŋiꞌ ŋii ŋwə me, buu ŋwə mèꞌ nu Kristo, bɨ̀ shɔ̀ɔ wə faŋ ŋwə kee kɨ̀ɨ nə nu Nwi me.

2 Timoti 2:12

Nsiŋ kɨ luu jìa fwi taa ŋɨꞌ, buu nsiŋ vɨ vəŋ ndɔ kɨ sɔꞌ mbi mɔ́ꞌ. Kɨ luu nsiŋ twey ŋwə, buu ŋwə ndɔ twey nsiŋ nɨzi.

2 Timoti 3:6

Vɨɨ mɔ́ꞌ fɨ taa ŋwaa vəŋ nyɔꞌtə ŋii taa ndɔꞌ vɨɨ, sùŋ vəmfaw və vəki, kwàŋ taa ŋwaa vəŋ. Lùu vəki mbɨə faŋ vənu vəbwəvə shùŋnə maa vəŋ, fwisə vəŋ ndɔ maa vənu vəyaŋ, ŋkə dɔŋsə vəŋ kwiŋ kwiŋ.

1 Pita 2:16

Viŋ luu vɨɨ faŋ viŋ dùꞌ tɔ viŋ taa mbi. Nɨniŋ, kɨ viŋ gi laa məduꞌ faŋ viŋ dùꞌ tɔ viŋ nə, kɔ̀ jɨɨ, tɨ́ kaꞌ viŋ yɨsə nu bwə me. Viŋ bee kii kɨ yɨsə vənu faŋ mbə kùꞌnə tɨ́ vɨɨ Nwi.

1 Pita 2:8

Nɨniŋ, nyə baa gù ŋoꞌ faŋ vɨɨ mətwey nu Nwi tumə ghuu shɔ, yighɔsə faŋ nyə taa yɨsə laa vɨɨ kɨ gukə shɔ. Vəŋ tumə ghuu vəŋ shɔ, buꞌ laa vəŋ twèy nu Nwi. Lùu nu ŋkɨə faŋ Nwi nə nùŋ tɨ́ vəŋ.

1 Pita 4:18

«Wə ntɨə faŋ ŋwə twèy nu Nwi, kɨ yɨsə vənu vəbwəvə nə, ndɔ kɨsə dùꞌ fə, faŋ wə ntɨə faŋ nu ki lùu kəloomə, ndɔ fuu fɨ taa nsɔꞌ sheꞌ nə wutə nə?»

2 Pita 2:10

Vɨɨ mbɨə faŋ Nwi ndɔ kwaŋ taa nsɔꞌ shɔ̀ɔ ki, lùu vɨɨ mbɨə faŋ vəŋ yɨ sheꞌ vənu vəbwəvə faŋ mbɨꞌtə vəŋ də tɨ́ vəŋ, baa nə faŋ vəŋ twey maa məzɔnə Nwi. Vɨɨ vɔ́ faŋ vəŋ toꞌ deesə nu faŋ kee lùu nu yinsəŋ nə me, vəŋ koꞌsə ŋwaa vəŋ dɨdɨꞌ, kee fee maa məgi nu bwə kɔ̀ŋ vəzwitə mbɨə faŋ mbə kìi wutə yizɔ nə me. Vəŋ toꞌ ndasə vəzwitə vɔ́.

2 Pita 2:7

Nə luu maa yighee yɔ́, Nwi nə bwèysə Lɔt, faŋ nə luu wuu jəə. Fwi yi nəə ghaysə ŋwə dɨdɨꞌ buꞌ vənu vəbwəvə faŋ vɨɨ vɔ́ nəə yɨsə.

2 Pita 3:7

Nwi nə baa gì laa yizɔ ghɔ nsi faŋ vɨ ye ndee, ndɔ twàŋ wisə twàŋ nyə yinshə. Yizɔ nə nsi ndɔ goꞌ kɔ̀ tɨ́ yighee njyə faŋ Nwi ndɔ kɨ sɔꞌ nsɔꞌsə vɨɨ, ndìsə vɨɨ bwənə faŋ vəŋ kee zɔnə ŋwə me.

1 Jɔn 2:22

Wuu ba sii lùu ndə? Maa lùu wə ntɨə faŋ ŋwə twey laa Yeso kee lùu wuu məbweysə vɨɨ, faŋ ŋwə ndɔ fɨ ghɔ Nwi me. Kəŋ wə ghɔ́ faŋ ŋwə gì nɨniŋ nə, luu ŋkee wuu mbeenə Kristo faŋ ŋwə twey tɨta Nwi ghɔ ŋwiŋ wi.

Ŋwaꞌlə Jud 1:15

jwi sɔꞌ nsɔꞌsə vɨɨ vənshə. Ŋwə ndɔ sɔꞌ vɨɨ bwənə vənshə buꞌ vənu vəbwəvə vəŋ faŋ vəŋ yɨsə, baa nə buꞌ yigisə yibwənə faŋ vəŋ gisə kɔ̀ŋ ŋwə.»

Ŋwaꞌlə Jud 1:18

Vəŋ nəə gisə laa, vɨɨ ndɔ fuu maa yighee shə, kɨ shɨꞌ nu Nwi. Lùu vɨɨ faŋ vəŋ kee kɨ̀ɨ nə Nwi me, yɨ sheꞌ vənu faŋ yiŋwaa vəŋ kàw.

Reveleyshən 15:4

Wə ntɨə faŋ ŋwə kee fee yizii yə, bəŋsə ghɔ me, sii lùu ndə, Mɔꞌmbi? A bàw shɨlə, sheꞌ ghɔ nɨnɔŋ wə. Vɨɨ vənshə fɨ taa mbi ndɔ jwi kɨ bəŋsə ghɔ, buꞌ vənu mbɨə faŋ a yɨsə vəloomə, mbə fuu yikəꞌ vɨɨ.»