Ŋwaꞌlə Jud 1:25 - Vengo (Babungo)

²⁵ Nsiŋ kɨ bəŋsə Nwi, faŋ luu sheꞌ ŋwə lùu Nwi nɨnɔŋ. Gaŋtə ŋwə gaŋtə nsiŋ fɨ yiba tɨta ŋwaa-nsiŋ Yeso Kristo. Kii sheꞌ Nwi kìi feenə, nə yikwalə nə wutə məsɔꞌ mbi. Nə luu nɨniŋ fɨ maa vənzi, baa lùu ndwə, ndɔ goꞌsə nɨniŋ vəshi və mbi və̀ vənshə. Ŋkə lùu nɨniŋ.

Ŋwaꞌlə Jud 1:25 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Lukas 1:47

Zwitə kaŋ ŋaytə, bəŋsə Nwi, wuu məbweysə ŋwaa,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:22

Viŋ shɔꞌtə wə faŋ viŋ kee kɨ̀ɨ nə ŋwə me. Gə̀ fɨ maa yia, yia shɔꞌtə Nwi faŋ yia kɨ̀ɨ nə ŋwə. Wə ntɨə faŋ ŋwə ndɔ bweysə vɨɨ ndɔ fuu luu fɨ taa ŋwaa vɨɨ Jus.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Roma 11:33

Wii, vənu və Nwi kwàlə shɔ̀ɔ ki; yitɔfə yi shɔ̀ɔ ki. Maa məkɨɨ nə ŋiꞌ vənu vi shɔ̀ɔ wutə vɨɨ vənshə. Kaꞌ wə kee kɨ təə ŋiꞌ nsɔꞌ faŋ ŋwə shìa me, kee kɨɨ nə ŋiꞌ jɨɨsə si me.

Roma 11:36

Vətɔ vənshə ndɔ fɨ ghɔ Nwi, shi mbi buꞌ ŋwə, ndɔ baa kɨ bəŋ gə sheꞌ ghɔ ŋwə. Nsiŋ kɨ bəŋsə ŋwə maa vəshi və mbi vənshə. Ŋkə lùu nɨniŋ.

Roma 16:27

Nɨniŋ, nsiŋ kɨ bəŋsə Nwi faŋ yitɔfə yinshə ndɔ̀ fɨ ghɔ ŋwə, buꞌ nu Yeso Kristo maa vəshi və mbi vənshə, kee ndɔ shìa ki me. Ŋkə lùu nɨniŋ.

Efesɔs 1:8

Ŋwə nə gaŋtə nsiŋ shɔ̀ɔ ki, kɔ̀ ŋgwisə yitɔfə tɨ́ nsiŋ, ŋàꞌsə sɨ ŋaa-nsiŋ,

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Efesɔs 3:21

Nɨniŋ, faŋ nsiŋ lùu fa kəmuꞌ, nsiŋ vɨ Yeso Kristo nə, nsiŋ kɨ bəŋsə Nwi yəəsə yəəsə, gə ziꞌ maa vəndwə və mbi. Ŋkə gòꞌ nee.

1 Timoti 1:17

Nsiŋ kɨ bəŋsə Nwi, faŋ lùu fwàŋ məsɔꞌ mbi ghee nshə. Ŋwə kee ndɔ ndi me. Wə kee lùu shɔ faŋ ŋwə ye Nwi me. Ŋwə lùu Nwi nɨnɔŋ wi. Nsiŋ kɨ bəŋsə ŋwə, kɔ feenə tɨ́ ŋwə maa vəshi və mbi vənshə, ki kee lùu shɔ me. Ŋkə lùu nɨniŋ.

1 Timoti 2:3

Lùu nu faŋ ŋkə bàw sɨ Nwi, wuu məbweysə ŋwaa-nsiŋ,

Taytəs 2:10

kee shaw fa fɨ ghɔ vəŋ me, yɨsə vənu vəvəŋ vənshə vəbi. Nɨniŋ, vəŋ gaŋtə nu Nwi, wuu məbweysə ŋwaa-nsiŋ, maa vənu vənshə, laa ŋkə baw tɨ́ vɨɨ.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Taytəs 3:4

Luu nə, nə luu maa yighee njyə faŋ Nwi, wuu məbweysə ŋwaa-nsiŋ, nə də̀ njyoꞌ yijəə yi nə ŋkawnə yi tɨ́ nsiŋ, ŋwə bweysə nsiŋ fɨ ghɔ jɨɨ yibwə yɔ́.

Hibru 13:8

Faŋ Yeso Kristo sɨ lùu ywaŋ, ŋwə lùu nɨndɨŋ ndee, goꞌsə yighee muꞌ nɨzi.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

Reveleyshən 1:6

nàysə yifwàŋ tɨ́ nsiŋ, yɨ̀sə nsiŋ luu vɨɨ məfeꞌ Nwi tɨ́ Nwi tii wi. Nsiŋ kɔ feenə tɨ́ ŋwə. Ŋwə kwàlə shɔɔ, gòꞌsə yighee muꞌ. Ŋkə lùu nɨniŋ.