Ŋwaꞌlə Jud 1:23 - Vengo (Babungo)

²³ bwèysə vəŋ fɨ ghɔ wisə. Luu nə, vɨɨ vəmɔ́ꞌ lùu shɔ nɨzi, faŋ ŋkə bàw viŋ kee gəŋsə vəŋ, baa fèe vəŋ nɨzi, laa kɨ vəŋ yɨ viŋ ndi jɨɨ Nwi me. Ŋkee njwisə vəŋ kee lùu səley me, buꞌ vənu vəbwəvə vəŋ. Kɨ viŋ kɔŋ ghɔ shɔ me.

Ŋwaꞌlə Jud 1:23 ပူးပေါင်းရင်းမြစ်များ

Roma 11:14

tɨ́ kɨ kaꞌ yighee mɔ́ꞌ mə baa dɔ̀ŋsə ŋgwisə nyaa, bwèysə vɨɨ mɔ́ꞌ fɨ taa ŋwaa vəŋ nɨzi.

1 Kɔrintian 15:33

Luu nə, kɨ viŋ kɨ bweꞌsə yiŋwaa yiŋ me! Wə kɨ luu kɨ toꞌ fɨ taa ŋwaa vɨɨ bwənə, buu ŋwə taa kɨ yɨsə vənu vəbwəvə yaa vəŋ nɨzi.

1 Kɔrintian 3:15

Kɨ luu faꞌ wə mɔ́ꞌ kɨɨ taa wi ghɔ́ bɨ, buu wə ghɔ́ kee kìi vəkeynə me. Nshɨ-tɔ wə ghɔ́ ndɔ ye məbwey fɨ ghɔ Nwi, luu nə, sheꞌ nə ghɔ dayday yaa wə faŋ ŋwə nyɨ̀ŋ fɨ ghɔ wisə.

2 Kɔrintian 5:11

Nɨniŋ, yia faꞌ nə wutə maa məyɨsə laa vɨɨ biŋ nu Nwi, buꞌ laa yia fee Nwi. Nwi kɨɨ nə fwi sia laa yia faꞌ nɨniŋ nə fwi yiley. Mə baa bɨꞌtə laa viŋ kɨ̀ɨ nɨniŋ nɨzi.

2 Tesalonika 3:14

Kɨ luu wə mɔ́ꞌ kee zɔ̀ ntɨ yia faŋ nyə lùu taa ŋwaꞌlə ŋwə̀ nə me, viŋ shwenə ŋwə, kee kɨ zɨnə viŋ vɨ vəŋ me, yuu tɔ ki dɨɨ, ŋwə kwiinə fwi yi.

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

2 Jɔn 1:11

buꞌ laa wə ntɨə faŋ ŋwə shɔꞌtə kəŋ wə ghɔ́, ŋìi fɔꞌ nu bwə wə ghɔ́ maa məyɨ nu bwə.

Ŋwaꞌlə Jud 1:22

Vɨɨ mɔ́ꞌ lùu shɔ faŋ tɔ vəŋ kee ta lèy maa Nwi me. Viŋ kee gəŋsə vɨɨ vɔ́, gàŋtə vəŋ,

Reveleyshən 3:18

Mə tɨsə ghɔ laa a ywaŋ goolə fɨ ghɔ mə, faŋ vɨ twàŋ taa wi, ŋwə ley. Nɨniŋ laa a gu mfuꞌ. Bàw a ywaŋ njwisə fusə fɨ ghɔ mə, kɨ mɔꞌ laa a kee kɨ duꞌ nə ntɨŋ sɨ vɨɨ, tɔ kə dɨɨ me. Ywaŋ fɔ sɨ fɨsə fɨ ghɔ mə, wìŋsə sɨ ghə shɔ, yuu kɨ yenə vədɨꞌ.

Reveleyshən 3:4

Luu nə, mə kɨɨ nə vaŋ-mbusə vɨɨ fɨ taa ŋwaa viŋ, shɨ Sardis, faŋ vəŋ kee bɨsə fwisə vəŋ nə nu bwə me. Yia vɨ vɨɨ vɔ́ ndɔ kɨ toꞌ mɔ́ꞌ, mɔꞌ njwisə fusə, buꞌ laa vəŋ kùꞌnə tɨ́ Nwi.