Matiu 9:8 - Vengo (Babungo)

⁸ Nwaa vɨɨ vəyaŋ vɔ́ ye, fèe, kɨ bəŋsə yizii Nwi faŋ ŋwə kɔ̀ kəŋ wutə kɔ́ tɨ́ vɨɨ nə.

Matiu 9:8 ပူးပေါင်းရင်းမြစ်များ

Matiu 12:23

Nu kɔ́ ghɔꞌ vɨɨ vənshə. Vəŋ gi laa, «Wə ŋwə̀ kee lùu wee wee fwàŋ Deyvid ŋgwə faŋ Nwi nə kɔ̀ꞌnə maa mətɔŋ tɨ́ nsiŋ nə yimu?»

Matiu 15:31

Shuu nwaa vɨɨ vɔ́ yɔŋ, faŋ vəŋ yè vəbɨbɨ nə gisə, nə vɨɨ faŋ way ŋwaa vəŋ nə ku muꞌ nə, bwaŋnə, vəndwey toꞌ, vɨɨ sɨ fɨsə yenə. Vəŋ bəŋsə yizii Nwi vɨɨ Isirayl.

Matiu 28:18

Yeso shəŋtə gə̀ yɨ vəŋ, gì tɨ́ vəŋ laa, «Nwi kɔ̀ wutə kənshə shee fɨ taa yizɔ nə fɨ nsi.

Matiu 5:16

Nɨniŋ, viŋ kɨ yɨsə laa kiꞌ wiŋ kɨ bee yikəꞌ vɨɨ, vəŋ kɨ ye vənu vəjəəvə viŋ, bəŋsə yizii Nwi, Tii wiŋ, faŋ ŋwə lùu yizɔ nə.»

Matiu 9:7

Wə ghɔ́ ndɔ yizɔ, gə̀ fu ŋwə.

Mark 2:12

Wə ghɔ́ ndɔ tɨ̀ŋnə, shàꞌ kɨŋ ki kɔ́ yighee muꞌ, fuu fu sɨ vɨɨ vənshə. Nu kɔ́ ghɔꞌ vɨɨ vənshə. Vəŋ bəŋsə yizii Nwi, gì laa, «Yia nə kee ta yè kwiŋ nu kə̀ me.»

Mark 7:37

Shuu vəŋ yɔŋ shɔ̀ɔ ki. Vəŋ nə gisə laa, «Yeso yɨ vənu vənshə vəjəə, yɨsə vɨɨ tuulə shiinə zɔnə, vəbɨbɨ gì.»

Lukas 13:13

gì nɨniŋ, mɔ̀ꞌ ghɔ maa wəzwi ghɔ́. Ŋwaa wi neꞌtə yighee muꞌ, ŋwə bəŋsə Nwi.

Lukas 17:15

Wə muꞌ fɨ taa ŋwaa vəŋ ye laa ŋwaa wi lèy, bəŋ kɨ bəŋsə Nwi nə gɨ yishaꞌsə.

Lukas 17:18

Wə mɔ́ꞌ kee baa lùu shɔ, faŋ ŋwə bəŋ jwì, bə̀ŋsə Nwi me, tɨ̀ lɨꞌ sheꞌ njwinjwi ŋwə̀ mu?»

Lukas 18:43

Ŋwə ye vədɨꞌ yighee muꞌ, bèꞌsə Yeso, toꞌ bəŋsə yizii Nwi. Vɨɨ vənshə faŋ vəŋ nə yè, bəŋsə Nwi.

Lukas 2:20

Nshiisə bisə sɔ́ bəŋ, kɨ bəŋsə Nwi dɨdɨꞌ maa nu ŋkɨə faŋ vəŋ nii zɔ, ndɔ ye yuu vɨ nii nàysə tɨ́ vəŋ nə.

Lukas 23:47

Faŋ tɨɨ vəsogeꞌ nə yè nu ŋkɨə faŋ ŋkə gày, ŋwə bəŋsə Nwi, gì laa, «Yinsəŋ, wə ŋwə̀ nə luu wuu loomə.»

Lukas 7:16

Vɨɨ vənshə fee, bəŋsə Nwi, gì laa, «Ŋkee nshiiŋii-sɔghɔ kwalə fùu taa ŋwaa nsiŋ,» baa nə laa, «Nwi jwì kèe gəŋsə vɨɨ vi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:8

Nu ŋkɨə faŋ yizii Tii ŋwaa taa kɨ kwalə shɔ, lùu faŋ viŋ taa kɨ kwaanə vətaŋ vəyaŋ, yɨsə vənu vəjəəvə, də nɨniŋ laa viŋ lùu vɨɨ məzwetə nu kaŋ.»

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 21:20

Faŋ vəŋ nə zɔ̀ nɨniŋ, bə̀ŋsə Nwi, kɨ nii gì tɨ́ Pɔɔl laa, «Weenshu wia, a kɔꞌ kɨɨ laa vɨɨ Jus shɔ ŋkaŋsə ŋkaŋsə, faŋ vəŋ biŋ nu Kristo. Vəŋ vənshə baa wèꞌ maa ntɨsə Nwi.

Akts 4:21

Nshəŋtə yikwalə yɔ́ baa kɨ twey tɨ́ vəŋ ŋkee nəŋay maa mətii yizii Yeso, kɨ nii shòꞌtə fɨ maa vəŋ. Vəŋ nə kee kìi nu mɔ́ꞌ, tɨ́ kaꞌ vɨ kwaŋ nsɔꞌ maa vəŋ me, buꞌ laa vɨɨ vənshə nəə bəŋsə Nwi maa nu ŋkɨə faŋ ŋkə nə gày nə.

2 Kɔrintian 9:13

Faꞌ ghɔ́ ndɔ twelə nu kiŋ tɨ́ vəŋ laa viŋ kùꞌnə maa nu Nwi. Vəŋ kɨ bəŋsə Nwi, buꞌ laa viŋ bìŋ ntɔŋ yijəə Nwi kɔ̀ŋ Yeso Kristo ntee, zɔnə ŋwə, gaŋtə vəŋ nə vətɔ viŋ nə fwi yimuꞌ. Vəŋ ndɔ biŋ viŋ nɨniŋ, ghɔ vɨ vɨɨ Nwi vənshə,

Galatia 1:24

Nɨniŋ, vəŋ nə bə̀ŋsə Nwi buꞌ mə.

1 Pita 2:12

Viŋ toꞌ ghuu yitoꞌ kiŋ jəə taa ŋwaa vɨɨ mbɨə faŋ vəŋ kee kɨ̀ɨ nə Nwi me, kɨ gi laa viŋ lùu vɨɨ bwənə, tɨ́ kaꞌ vəŋ ye, ndɔ kɨɨ nə jəə wiŋ, faŋ vəŋ ye vənu vəjəəvə mbɨə faŋ viŋ yɨsə. Nɨniŋ laa vəŋ ndɔ bəŋsə Nwi shɔ maa shi yiba, faŋ Nwi ndɔ jwi ye vəŋ.