Matiu 9:6 - Vengo (Babungo)

⁶ Bàw viŋ kɨɨ laa Nwi kɔ wutə tɨ́ Wuu yinsəŋ Nwi, laa ŋwə ndisə vənu vəbwəvə faŋ mbə lùu maa vɨɨ nə. Nɨniŋ, mə taa yɨsə nu yiŋkii nɨzi.» Ŋwə kɨ nii gì tɨ́ wə ntɨə faŋ ŋwaa wi nə kìlə nə laa, «Ndɔ yizɔ, shàꞌ kɨŋ kə, gə̀ shiŋii!»

Matiu 9:6 ပူးပေါင်းရင်းမြစ်များ

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 8:20

Yeso gi tɨ́ ŋwə laa, «Mənsɨŋ-mə-ŋgusə kìi təŋɔŋ təvəŋ, mənwə fɨ taa yizɔ kii təzi təvəŋ. Gə fɨ maa Wuu yinsəŋ Nwi, ŋwə kee kìi shəŋ nuŋsə tɔ ki shɔ me.»

Matiu 9:2

Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»

Matiu 9:5

Nu ŋkɨə faŋ ŋkə yàysə maa məgi, lùu laa kə? Ŋkə yàysə maa məgi laa, «Nwi ndenə vənu vəbwəvə və» mu, mu maa məgi laa, «Ndɔ yizɔ kɨ toꞌ»?

Matiu 9:7

Wə ghɔ́ ndɔ yizɔ, gə̀ fu ŋwə.

Mark 2:10

Nɨniŋ, bàw laa viŋ kɨɨ laa Nwi nùŋsə mə, faŋ mə nə jwi mbi gù wə, laa mə ndisə nu bwə faŋ ŋkə lùu maa vɨɨ shɨ nsi. Mə taa yɨ nu weꞌ kɔ́ nɨzi, tɨ́ kɨ kaꞌ viŋ kɨ̀ɨ.»

Mark 2:7

«Wə ŋwə̀ sii gì tɨ́ nee buꞌ kə? Ŋwə taw Nwi, ndì nshɨ-tɔ wi yaa Nwi. Kìi ndə kìi wutə maa məndenə yibɨsə vɨɨ? Maa kii sheꞌ Nwi nɨnɔŋ.»

Lukas 5:21

Vɨɨ mədeesə ŋwaꞌlə Nwi nə vɨɨ Farisii zɔ nu kɔ́, kwàꞌtə fɨ taa fwisə vəŋ, ndɔ kɨ gisə vəŋ vəŋ laa, «Wə ŋwə̀ sii lùu ndə? Maa ŋwə tàw Nwi. Kaꞌ ndenə sheꞌ Nwi ndènə yibɨsə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:28

Mə kɔ məbwey tɨ́ vəŋ faŋ ŋwə kee ndɔ mè me. Vəŋ kee ndɔ kukə me. Kaꞌ wə kee baa shaw vəŋ fɨ ghɔ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:27

Nwi nə kɔ̀ wutə məshia nsɔꞌsə vɨɨ tɨ́ ŋwiŋ wi, buꞌ laa ŋwə lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:8

Yeso gi tɨ́ ŋwə laa, «Ndɔ yizɔ, kèlə yighaŋ yə, kɨ toꞌ!»

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

Akts 9:34

«Anias, Yeso Kristo shùꞌ ghɔ. Ndɔ yizɔ, nàysə fwaŋ kə!» Sheꞌ yighee muꞌ ŋwə ndɔ.

2 Kɔrintian 2:10

Viŋ kɨ luu kɨ ndenə yibɨsə wə, buu mə taa ndenə yibɨsə yi nɨzi. Kɨ luu laa nu mɔ́ꞌ lùu shɔ, faŋ ŋkə nə bàw laa mə ndenə ŋkə, buu mə ndènə buꞌ viŋ sɨ Kristo.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Kɔlɔsii 3:13

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.