Matiu 9:22 - Vengo (Babungo)

²² Yeso kiasə ŋwaa wi, yè wəzwi ghɔ́, gì tɨ́ ŋwə laa, «Jia fwi yə mɔɔ, ŋwiŋ ŋwaa, a nùŋ fwi yə maa mə, buu a bwey.» Wəzwi ghɔ́ bwaŋnə sheꞌ maa yighee yɔ́.

Matiu 9:22 ပူးပေါင်းရင်းမြစ်များ

Matiu 15:28

Yeso zɔ nɨniŋ, bə̀ŋsə tɨ́ ŋwə laa, «A nùŋ fwi yə maa mə dɨdɨꞌ, yaa. Nu ŋkɨə faŋ a kəə, taa gay nɨniŋ.» Wee wəzwi ghɔ́ bwaŋnə sheꞌ maa yighee yɔ́.

Matiu 17:18

Vɨ jwi nə wee ghɔ́ tɨ́ Yeso, ŋwə shə tɨ́ zwitə bwə kɔ́ faŋ ŋkə nə luu taa ŋwaa wee ghɔ́, ŋkə fuu fɨ maa ŋwə, wee ghɔ́ bwaŋnə. Shù fɨ maa yighee yɔ́, kəŋgu kee baa mɔꞌ ŋwə me.

Matiu 8:13

Yeso kɨ nii baa gì tɨ́ tɨɨ vəsogeꞌ ghɔ́ laa, «Gə nə! - Nu ŋkɨə faŋ a nùŋ fwi yə shɔ nə, taa gay nɨniŋ.» Ŋwə gi nɨniŋ, wuu faꞌ ghɔ́ bwaŋnə sheꞌ maa yighee yɔ́.

Matiu 9:2

Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»

Matiu 9:29

Vəŋ laa, «Ɔŋ, tɨta wia.» Ŋwə kɔŋ sɨ vəŋ, gì laa, «Nu ŋkɨə faŋ viŋ nùŋ fwi siŋ shɔ nə, ŋkə gay maa viŋ nɨniŋ.»

Mark 10:52

Yeso biŋ, gì tɨ́ ŋwə laa, «Gə nə ŋwaa wə; a bwaŋnə buꞌ laa a nùŋ fwi yə maa mə.» Sheꞌ yighee tii-njii sɨ ghi ley, ŋwə yenə jəə, kɨ nii bèꞌsə Yeso jɨɨ.

Mark 5:34

Yeso gi tɨ́ ŋwə laa, «Ŋwiŋ ŋwaa, a nùŋ fwi yə maa mə, buu a bwaŋnə̀. Gə nə mənɔŋ-bwaŋnə! Za kɔ́ mè fɨ maa ghɔ.»

Lukas 17:19

Ŋwə nə gì nɨniŋ, baa gi tɨ́ wuu Samaria ghɔ́ laa, «Ndɔ fɨ nsi, gə̀ nə ŋwaa ŋgwunə. A bwèy buꞌ laa a nùŋ fwi yə maa Nwi.»

Lukas 18:42

Yeso gi tɨ́ ŋwə laa, «Kɨ ye vədɨꞌ! A bwèy buꞌ laa a nùŋ fwi yə maa Nwi.»

Lukas 7:50

Ŋwə baa gì tɨ́ wəzwi ghɔ́ laa, «Məbiŋ wə gàŋtə ghɔ, gə nə mənɔŋ-bwaŋnə!»

Lukas 8:48

Yeso gi tɨ́ wəzwi ghɔ́ laa, «Ŋwiŋ ŋwaa, məbiŋ wə yɨ̀sə a bwaŋnə. Gə nə mənɔŋ-bwaŋnə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:53

Tɨɨ wee ghɔ́ lumə laa luu ŋkee yighee njyə faŋ Yeso sɨ gì tɨ́ ŋwə laa ŋwiŋ wi bwaŋnə. Nɨniŋ, wə ghɔ́, ghɔ vɨ vɨɨ vi vənshə, nuŋ fwisə vəŋ maa Yeso.

Akts 14:9

Wə ghɔ́ ywiitə faŋ Pɔɔl gisə nu Nwi. Pɔɔl ndeynə ŋwə, ye laa ŋwə nùŋ fwi yi maa Nwi, tɨ́ kaꞌ vɨ gaŋtə ŋwə, ŋwə bwaŋnə.

Akts 16:18

Ŋwə nə yɨsə nɨniŋ vəshi vəyaŋ, ŋkə za Pɔɔl, ŋwə kiasə ŋwaa wi, gì tɨ́ zwitə bwə kɔ́ fɨ taa ŋwaa wəzwi ghɔ́ laa, «Mə gì tɨ́ ghɔ maa yizii Yeso Kristo laa a fuu fɨ taa ŋwaa wəzwi ŋwə̀.» Sheꞌ yighee yɔ́ zwitə bwə kɔ́ fuu.

Hibru 4:2

Vɨ nàysə ntɔŋ yijəə Nwi tɨ́ nsiŋ sheꞌ faŋ vɨ nə nàysə tɨ́ vɨɨ vɔ́ maa yighee vɨsɨ nə. Luu nə, ntɔŋ yijəə yɔ́ faŋ vɨɨ vɔ́ nə zɔ nə, kee gàŋtə vəŋ me, buꞌ laa vəŋ nə zɔ, kee nùŋ fwi vəŋ shɔ me.