Matiu 9:2 - Vengo (Babungo)

² Vɨ jwi kɔ̀ wə mɔ́ꞌ tɨ́ ŋwə faŋ ŋwaa wi nə kìlə, tɨ́ wə ghɔ́ nɔŋ fuu kɨŋ. Yeso ye laa vəŋ nùŋ fwisə vəŋ maa ŋwə, ŋwə gi tɨ́ wə ntɨə faŋ ŋwaa wi nə kìlə nə laa, «Jia fwi yə mɔɔ, ŋwiŋ ŋwaa, Nwi ndenə vənu vəbwəvə və faŋ a nə yɨ̀sə.»

Matiu 9:2 ပူးပေါင်းရင်းမြစ်များ

Matiu 14:27

Yeso gi tɨ́ vəŋ yighee muꞌ laa, «Viŋ jia fwi, lùu mə! Kɨ viŋ baa fee me!»

Matiu 4:24

Nu kwalə ki kɔ́ saynə taa shɨ Siria kənshə. Vɨ jwi nə vɨɨ vəza tɨ́ ŋwə, faŋ vəŋ nəə zasə nə vəza taŋ taŋ. Vɨɨ faŋ zwitə bwə nə luu maa vəŋ, nə vɨɨ faŋ kəŋgu nəə ghaysə vəŋ, nə vɨɨ faŋ way ŋwaa vəŋ nə ku muꞌ, jwi yè Yeso, ŋwə shuꞌ vəŋ.

Matiu 6:12

Ndenə yibɨsə yia, faŋ yia ndènə yibɨsə vɨɨ nə.

Matiu 8:10

Yeso zɔ yigi yɔ́, shuu wi yɔŋ. Ŋwə gi tɨ́ vɨɨ mbɨə faŋ vəŋ nəə beꞌsə ŋwə laa, «Viŋ zɔ! Mə naysə nu yinsəŋ tɨ́ viŋ laa mə kee ta yè wə shɨ Isirayl faŋ ŋwə nùŋ fwi yi maa Nwi yaa wə ŋwə̀ me.

Matiu 8:16

Kɨ lùu laynəfu, vɨ jwi nə vɨɨ vəyaŋ tɨ́ Yeso faŋ vəŋ nə kìi vəzwitə vəbwəvə. Ŋwə jɔŋ vəzwitə vəbwəvə vɔ́ fɨ maa vɨɨ vɔ́ nə yigisə yi, fuusə vəza fɨ maa vɨɨ vənshə, faŋ vəŋ nəə zasə.

Matiu 9:22

Yeso kiasə ŋwaa wi, yè wəzwi ghɔ́, gì tɨ́ ŋwə laa, «Jia fwi yə mɔɔ, ŋwiŋ ŋwaa, a nùŋ fwi yə maa mə, buu a bwey.» Wəzwi ghɔ́ bwaŋnə sheꞌ maa yighee yɔ́.

Matiu 9:5

Nu ŋkɨə faŋ ŋkə yàysə maa məgi, lùu laa kə? Ŋkə yàysə maa məgi laa, «Nwi ndenə vənu vəbwəvə və» mu, mu maa məgi laa, «Ndɔ yizɔ kɨ toꞌ»?

Matiu 9:6

Bàw viŋ kɨɨ laa Nwi kɔ wutə tɨ́ Wuu yinsəŋ Nwi, laa ŋwə ndisə vənu vəbwəvə faŋ mbə lùu maa vɨɨ nə. Nɨniŋ, mə taa yɨsə nu yiŋkii nɨzi.» Ŋwə kɨ nii gì tɨ́ wə ntɨə faŋ ŋwaa wi nə kìlə nə laa, «Ndɔ yizɔ, shàꞌ kɨŋ kə, gə̀ shiŋii!»

Mark 1:32

Kɨ lùu laynəfu faŋ shɨshwi fìŋ, vɨ jwi nə vɨɨ vəza tɨ́ ŋwə vənshə, nə vɨɨ mɔ́ꞌ faŋ zwitə bwə nə lùu taa ŋwaa vəŋ.

Mark 10:49

Yeso tɨŋnə, gì laa vɨ tii ŋwə. Vəŋ tii wuu sɨ fɨsə ghɔ́, gì tɨ́ ŋwə laa, «Ka fwi yə, ndɔ, ŋwə tii ghɔ.»

Mark 5:34

Yeso gi tɨ́ ŋwə laa, «Ŋwiŋ ŋwaa, a nùŋ fwi yə maa mə, buu a bwaŋnə̀. Gə nə mənɔŋ-bwaŋnə! Za kɔ́ mè fɨ maa ghɔ.»

Mark 6:50

buꞌ laa vəŋ vənshə nə yè ŋwə, gwə̀kə, fèe. Ŋwə kɨ nii gì tɨ́ vəŋ laa, «Viŋ jia fwi siŋ, lùu mə. Kɨ viŋ fee me!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:25

Nu nə kee ghɔ̀ꞌ ŋwə laa wə twelə ŋiꞌ wə tɨ́ ŋwə me. Ŋwə nə kɨ̀ɨ nə vənu vənshə faŋ mbə lùu taa fwi wə maa nshɨ-tɔ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:5

Yeso gi tɨ́ vəŋ laa, «Vaŋ vaŋ, viŋ kee ta kòo susə yimu?» Vəŋ gi laa «bey».

Akts 14:9

Wə ghɔ́ ywiitə faŋ Pɔɔl gisə nu Nwi. Pɔɔl ndeynə ŋwə, ye laa ŋwə nùŋ fwi yi maa Nwi, tɨ́ kaꞌ vɨ gaŋtə ŋwə, ŋwə bwaŋnə.

Akts 19:12

Wutə Nwi nə luu taa ŋwaa Pɔɔl ŋkee dɨdɨꞌ. Vɨɨ nə ndi sheꞌ vəway vənjwisə faŋ Pɔɔl nə tɔ̀ŋsə nyuꞌsə ki shɔ fɨ sɨ ŋwə, gə̀ kɔ̀ tɨ́ vɨɨ vəza, vəŋ bwaŋnə, baa kɔ̀ tɨ́ vɨɨ faŋ vəŋ nə kìi vəzwitə vəbwəvə, vəzwitə vəbwəvə vɔ́ fuu fɨ taa ŋwaa vəŋ sheꞌ buꞌ waytə njwi Pɔɔl kɔ́.

Akts 23:11

Kɨ luu vətuꞌ shi kɔ́, tɨta Yeso fuu yikəꞌ Pɔɔl, tɨŋ yɨ ŋwə, gì tɨ́ ŋwə laa, «Kɨ fwi yə lɔꞌ me! A nə gì nu kaŋ ntee ntɨꞌ Jerusalem; a ndɔ ghaa gi nu kaŋ shɨ Rom sheꞌ nɨniŋ.»

Roma 5:11

Nɨniŋ, nsiŋ koꞌsə yiŋwaa nyaa-nsiŋ buꞌ nshɨ-tɔ Nwi, fɨ yiba jɨŋ tɨta ŋwaa-nsiŋ Yeso Kristo, faŋ ŋwə yɨ laa nsiŋ gu fa kəmuꞌ nsiŋ vɨ Nwi maa yighee ndwə.

Jeyms 2:18

Kaꞌ wə mɔ́ꞌ gì shee laa, «A fàꞌ tɨ́ Nwi, gə̀ fɨ maa mə, mə nùŋ fwi nyaa maa Nwi.» Nɨniŋ, sii kaꞌ a də̀ kɨkə faŋ a nùŋ fwi yə maa Nwi, faŋ a kee yɨ vənu vəjəəvə me. Gə fɨ maa mə, kaꞌ mə də̀ tɨ́ ghɔ laa mə nùŋ fwi nyaa maa Nwi fɨ maa vənu vəjəəvə vaŋ faŋ mə yɨsə.