Matiu 9:13 - Vengo (Babungo)

¹³ Viŋ gə kɨ kwaꞌtə tɔ kiŋ maa nu ŋkɨə faŋ Nwi nə gì laa, «Mə kəə laa vɨɨ kɨ gaŋtə vɨɨ, shɔ̀ɔ faŋ vəŋ feꞌ ŋwə.» Mə nə kee jwì maa mətii vɨɨ mbɨə faŋ vənu vəvəŋ lùu vəloomə me; mə nə jwì maa mətii vəyɨ-kəbwə laa vəŋ kwiinə fwisə vəŋ.»

Matiu 9:13 ပူးပေါင်းရင်းမြစ်များ

Matiu 12:3

Ŋwə gi tɨ́ vəŋ laa, «Maa viŋ nə ta tìi fɨ taa ŋwaꞌlə Nwi nu ŋkɨə faŋ fwàŋ Deyvid nə yɨ̀ faŋ jɨŋ nə koo ŋwə ghɔ vɨ vɨɨ vi.

Matiu 12:5

Ŋwə nə baa gì tɨ́ vəŋ laa, «Maa viŋ nə baa tìi fɨ taa ŋwaꞌlə ntɨsə Nwi, faŋ vɨɨ məfeꞌ Nwi yaa kɨ faꞌ faꞌ taa ŋii Nwi yikwalə maa shi Sabat, faŋ nuŋsə kɔlə lùu shɔ laa, kɨ vɨ faꞌ faꞌ maa shi kɔ́ me. Luu nə, nsɔꞌ kee lùu shɔ maa vəŋ me.

Matiu 12:7

Viŋ nii toꞌ kɨɨ nə ŋiꞌ nu mɔ́ꞌ faŋ ŋkə lùu taa ŋwaꞌlə Nwi, buu viŋ nii kee kwàŋ vɨɨ mbɨə faŋ nsɔꞌ kee lùu maa vəŋ me, taa nsɔꞌ me. Shəŋ ŋwaꞌlə Nwi kɔ́ lùu laa, «Nwi kəə laa viŋ kee gəŋsə vɨɨ, shɔ̀ɔ faŋ viŋ feꞌ ŋwə.»

Matiu 19:4

Ŋwə bəŋsə tɨ́ vəŋ laa, «Maa viŋ nə ta tìi fɨ taa ŋwaꞌlə Nwi laa, Mbɔŋ nə bɔ̀ŋ vɨɨ luu wəndɔŋ nə wəzwi shù fɨ maa vənzi və mbi,

Matiu 21:42

Yeso gi tɨ́ vəŋ laa, «Maa viŋ nə ta tìi fɨ taa ŋwaꞌlə Nwi laa, «Ŋoꞌ njyə faŋ vɨɨ məbɔŋ ŋii nə mèꞌ, kiasə gù ŋoꞌ məbɔŋ mfay ŋii. Lùu nu faŋ yɨ Tɨta Nwi. Luu ŋkee nu jəə sɨ nsiŋ.»

Matiu 3:2

gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Matiu 3:8

Bàw viŋ yɨ vənu faŋ mbə kuꞌnə yaa vɨɨ faŋ vəŋ kwìinə fwisə vəŋ.

Matiu 4:17

Nə luu maa yighee yɔ́, Yeso tey kɨ fɨꞌtə nu Nwi, gisə laa, «Viŋ kwiinə fwi siŋ, buꞌ laa nu yifwàŋ yizɔ luu nshənə.»

Mark 12:26

Gə fɨ maa məywey vəŋku və vɨɨ fɨ shɨ yiku, maa viŋ ta tii fɨ taa ŋwaꞌlə Nwi, waytə ŋkɨə faŋ Mose nə nyɔ̀ꞌ buꞌ shuꞌ gay faŋ ŋkə nəə kɨɨ nə. Taa waytə ŋwaꞌlə kɔ́, Nwi gì tɨ́ Mose laa yi lùu Nwi Abraham, nə Nwi Isak, nə Nwi Jeykob.

Mark 12:33

Baa nə nu məkaw Nwi nə fwi yinshə nə yitɔfə yinshə nə wutə kənshə, baa nə nu məkaw wənjɨɨ wə yaa nshɨ-tɔ wə, vənu vɔ́ bàw shɔ̀ɔ vənu və mətwaŋ nyaasə nə məsɨɨ nyaasə, kɔ̀ Nwi shɔ.»

Mark 2:17

Yeso zɔ yigisə vəŋ yɔ́, bə̀ŋsə tɨ́ vəŋ laa, «Vɨɨ mbɨə faŋ vəŋ lùu vətaa, kee yaa kɨ kəə tɨɨ ŋay me. Kəə sheꞌ vɨɨ mbɨə faŋ vəŋ zɨzasə kəə tɨɨ ŋay. Sheꞌ nee, mə kee jwì luu tɨ́ vɨɨ mbɨə faŋ vənu vəvəŋ luu vəloomə me. Mə jwì tii luu vəyɨ-kəbwə laa vəŋ kwiinə fwisə vəŋ.»

Lukas 10:26

Yeso bitə tɨ́ ŋwə laa, «Vɨ nə nyɔ̀ꞌ kə taa ŋwaꞌlə Nwi? A tii, zɔ̀ shɔ laa kə?»

Lukas 19:10

Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Lukas 5:31

Yeso zɔ yigisə vəŋ yɔ́, bəŋsə tɨ́ vəŋ laa, «Maa vɨɨ mbɨə faŋ vəŋ lùu vətaa, kee yaa kɨ kəə wuu fɔ me. Kəə sheꞌ vɨɨ mbɨə faŋ vəŋ zɨzasə kəə wuu fɔ.

Lukas 5:32

Sheꞌ nɨniŋ, mə nə kee jwì maa məkəə vɨɨ mbɨə faŋ vənu vəvəŋ lùu vəloomə me. Mə kəə luu vəyɨ-kəbwə, laa vəŋ kwiinə fwisə vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:34

Yeso bəŋsə tɨ́ vəŋ laa, «Maa vɨ nə nyɔ̀ꞌ taa ŋwaꞌlə nuŋsə yiŋ laa, Nwi gì laa, viŋ lùu vənwi?

Akts 11:18

Vɨɨ Jus vɔ́ zɔ nɨniŋ, gày, kɨ bəŋsə Nwi, gi laa, «Yinsəŋ, Nwi kɔ̀ jɨɨ tɨ́ vɨɨ tɔmə day nɨzi, laa vəŋ kwiinə fwisə vəŋ, zɨ̀ məbwey vəlwaŋ nɨzi.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 20:21

Mə nə gì tɨ́ vɨɨ Jus nə tɨ́ vɨɨ Griik, laa vəŋ kwiinə fwisə vəŋ, nùŋ maa Nwi, nə maa tɨta Yeso Kristo.

Akts 3:19

Nɨniŋ, viŋ kwiinə fwi siŋ ndwə, kwiinə nshinə yiŋ, laa Nwi ndenə yibɨsə yiŋ faŋ viŋ nə yɨ̀.

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

2 Pita 3:9

Vɨɨ mɔ́ꞌ bɨꞌtə laa Nwi tày dɨdɨꞌ, baa nə laa ŋwə kee ndɔ yɨ nu ŋkɨə faŋ ŋwə nə kɔ̀ꞌnə laa yi ndɔ yɨ me. Ŋkə kee lùu nɨniŋ me. Ŋiꞌ nu kɔ́ lùu laa, Nwi jìa fwi yi tɨ́ viŋ, kɔ̀ jɨɨ tɨ́ vɨɨ laa vəŋ kwiinə fwisə vəŋ. Nwi kee kàw laa vɨɨ mɔ́ꞌ lee məbwey vəlwaŋ me. Nwi kəə laa vɨɨ vənshə kwiinə fwisə vəŋ.