Matiu 8:4 - Vengo (Babungo)

⁴ Yeso gi tɨ́ ŋwə laa, «Kɨ tɔfə, kɨ naysə tɨ́ wə me! Gə də̀ ŋwaa wə tɨ́ wuu məfeꞌ Nwi, kɔ̀ Nwi nə vətɔ mbɨə faŋ Mose nə nàysə taa ŋwaꞌlə Nwi. Nu kɔ́ taa luu shwenə tɨ́ vɨɨ (laa nsiŋ kɨ beꞌsə ntɨsə Nwi).»

Matiu 8:4 ပူးပေါင်းရင်းမြစ်များ

Matiu 10:18

Vɨ ndɔ gə nə viŋ vɨsɨ vəgoməna nə vəfwàŋ buꞌ mə. Nɨniŋ, viŋ ndɔ kɨ fɨꞌtə nu Nwi tɨ́ vəŋ, nə tɨ́ vɨɨ faŋ vəŋ kee ta kɨ̀ɨ nə Nwi me.

Matiu 16:20

Yeso nə gì nɨniŋ, kɨ nii lɨ̀ꞌtə tɨ́ vɨɨ məzwetə nu ki laa, kɨ vəŋ naysə tɨ́ wə laa yi lùu Kristo me.

Matiu 17:9

Vəŋ kɨ nii sìꞌ fɨ fuu baŋ yɔ́. Yeso gi tɨ́ vəŋ laa kɨ vəŋ naysə nu ŋkɨə faŋ vəŋ nii ye tɨ́ wə me, gə ziꞌ maa yighee njyə faŋ yi ndɔ ywey fɨ shɨ yiku.

Matiu 3:15

Yeso bəŋsə tɨ́ ŋwə laa, «Meꞌtə ŋkə lùu nɨniŋ ndwə. Bàw ŋkə luu nɨniŋ laa sɨ kɨ yɨsə vənu vənshə faŋ Nwi kàw.» Nɨniŋ, Jɔn biŋ, mèꞌtə ŋwə.

Matiu 5:17

«Kɨ viŋ kɨ bɨꞌtə laa mə nə jwì maa məndisə nu ŋkɨə faŋ ŋkə lùu taa ŋwaꞌlə ntɨsə Nwi, nə ŋkɨə fɨ taa vəŋwaꞌlə və nshiisə-ŋii sɔghɔ me. Mə kee jwi maa məndisə me; mə jwi maa məfaynə, ŋkə kuꞌnə.

Matiu 6:1

«Viŋ kɨ ndɨɨnə laa viŋ kee kɨ yɨsə nu faŋ ŋkə lùu kəloomə vɨsɨ vɨɨ me, laa vəŋ kɨ ye viŋ shɔ me. Viŋ kɨ luu kɨ yɨsə nu loomə laa vɨɨ kɨ ye viŋ shɔ, buu vəkeynə viŋ fɨ ghɔ tɨta Nwi, Tii wiŋ fɨ yizɔ, kee baa lùu shɔ me.

Matiu 9:30

Sɨ vəŋ ŋaꞌnə. Yeso gi tɨ́ vəŋ nəŋay laa, «Viŋ tɔfə, kɨ wə zɔ me!»

Mark 13:9

Viŋ kɨ lootə yiŋwaa yiŋ. Vɨ ndɔ kɨ jiatə viŋ, kwaŋ taa nsɔꞌ, saŋ viŋ taa ndɔꞌ məshəŋtə vɨɨ Nwi. Viŋ ndɔ tɨŋ vɨsɨ vəgoməna nə vəfwàŋ buꞌ yizii nyaa. Nɨniŋ, vɨɨ vɔ́ ndɔ zɔ nu Nwi shɔ.

Mark 3:12

Ŋwə shə tɨ́ vəŋ laa kɨ vəŋ yɨsə vɨɨ kɨ̀ɨ nə yi me.

Mark 5:43

Yeso gi tɨ́ vəŋ nəŋay laa, kɨ vəŋ yɨsə wə kɨɨ me, ndɔ̀ gì tɨ́ vəŋ laa vəŋ kɔ fa wee ghɔ́ zɨ.

Mark 6:11

Kɨ ghaŋ viŋ gə shəŋ, vɨɨ vɔ́ kee ndì viŋ jəə me, twèy maa məzɔ nu kiŋ, viŋ ndɔ fɨ fuŋ, tɔ̀ŋsə butə fɨ ghuu viŋ maa shwenə, (maa mədə tɨ́ vəŋ laa vəŋ shìa nu Nwi.)»

Mark 7:36

Yeso lɨꞌtə tɨ́ vɨɨ vɔ́ laa kɨ vəŋ naysə tɨ́ wə me. Luu nə, yuu ŋwə lɨ̀ꞌtə tɨ́ vəŋ, vəŋ baa kɨ gɨgi shɔ̀ɔ.

Mark 8:30

Ŋwə zɔ, lɨ̀ꞌtə tɨ́ vəŋ laa, kɨ vəŋ naysə nu kɔ́ tɨ́ wə me.

Mark 9:9

Vəŋ kɨ nii siꞌ fɨ fuu baŋ yɔ́. Vəŋ kii sɨsiꞌ, Yeso shɨɨtə tɨ́ vəŋ laa kɨ vəŋ naysə nu ŋkɨə faŋ vəŋ nii ye nə, tɨ́ wə me, gə ziꞌ tɨ́ shi ŋkɨə faŋ yi ndɔ ywey fɨ shɨ yiku.

Lukas 17:14

Ŋwə ye vəŋ, gì tɨ́ vəŋ laa, «Viŋ gə, də̀ yiŋwaa yiŋ tɨ́ vɨɨ məfeꞌ Nwi.» Faŋ vəŋ yaa gə, yiŋwaa yivəŋ kiasə ley.

Lukas 21:13

Nɨniŋ nə, viŋ ndɔ biŋ nu kaŋ ntee.

Lukas 4:41

Vəzwitə vəbwəvə nə fùu fɨ taa ŋwaa vɨɨ vəyaŋ nɨzi, kɨ yumə laa, «A luu ŋkee Wee Nwi.» Ŋwə shə tɨ́ vəzwitə vəbwəvə vɔ́, kee biŋ laa mbə gi me, buꞌ laa mbə nəə kɔꞌ kɨɨ laa ŋwə lùu Kristo.

Lukas 5:14

Yeso twey tɨ́ ŋwə laa kɨ ŋwə naysə tɨ́ wə me. Ŋwə baa gì tɨ́ ŋwə laa bàw ŋwə gə də̀ ŋwaa wi tɨ́ wuu məfeꞌ Nwi, kɔ̀ vəkɔ və Nwi faŋ Mose nə tə̀ laa wə kɔ faŋ ŋwaa wi ley nə. Bàw ŋwə yɨsə nɨniŋ yaa shwenə tɨ́ vɨɨ vənshə.

Lukas 8:56

Shuu tii wi ghɔ nshu wi yɔŋ. Ŋwə gi tɨ́ vəŋ laa, kɨ vəŋ naysə nu ŋkɨə faŋ ŋkə nii gày nə, tɨ́ wə me.

Lukas 9:21

Ŋwə lɨꞌtə tɨ́ vəŋ nəŋay laa kɨ vəŋ naysə nu kɔ́ tɨ́ wə me,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:41

Mə kee kəə feenə fɨ ghɔ vɨɨ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:18

Wə ntɨə faŋ ŋwə gisə fɨ taa ŋkɨɨ ŋwə, kəə yizii yikwalə maa nshɨ-tɔ wi. Luu nə, wə ntɨə faŋ ŋwə kəə yikwalə wə ntɨə faŋ ŋwə nə tɔ̀ŋ ŋwə, lùu wuu yinsəŋ, kee lùu wuu məbweꞌsə vɨɨ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:50

Kee kəə mə laa vɨɨ kɨ kɔ feenə shee me. Wə mɔ́ꞌ lùu shɔ faŋ ŋwə kəə kɔ feenə shee. Ŋwə ndɔ sɔꞌ nu kɔ́ nɨzi.