Matiu 8:20 - Vengo (Babungo)

²⁰ Yeso gi tɨ́ ŋwə laa, «Mənsɨŋ-mə-ŋgusə kìi təŋɔŋ təvəŋ, mənwə fɨ taa yizɔ kii təzi təvəŋ. Gə fɨ maa Wuu yinsəŋ Nwi, ŋwə kee kìi shəŋ nuŋsə tɔ ki shɔ me.»

Matiu 8:20 ပူးပေါင်းရင်းမြစ်များ

Matiu 12:32

Kɨ luu wə gi nu bwə tɔ Wuu yinsəŋ Nwi, buu Nwi taa ndenə nu kɔ́. Luu nə, wə kɨ luu gì nu bwə tɔ Zwitə Ley Nwi, buu kaꞌ Nwi kee ndènə nu kɔ́ maa ŋuꞌsə mbi sə̀ me, kee bee ndɔ ndenə maa ŋuꞌsə mbi nsɨə faŋ nsə ndɔ jwi nə me.

Matiu 12:40

Jona nə shì taa njyoꞌ su yikwalə vəshi vətia, vətuꞌ nə shɨshwi. Sheꞌ nɨniŋ, Wuu yinsəŋ Nwi ndɔ shi ŋkee taa nsi vəshi vətia, vətuꞌ nə shɨshwi nɨzi.

Matiu 12:8

Nɨniŋ, gə fɨ maa Wuu yinsəŋ Nwi, ŋwə lùu tɨɨ shi Sabat.

Matiu 13:37

Ŋwə bəŋsə tɨ́ vəŋ laa, «Wə ntɨə faŋ ŋwə nə mɔ̀ꞌ say jəənə nə, lùu Wuu yinsəŋ Nwi.

Matiu 16:13

Yeso kɨ ziꞌ kwiŋ Sisaria Filipi, bìtə tɨ́ vɨɨ məzwetə nu ki laa, «Vɨɨ sii gisə laa Wuu yinsəŋ Nwi lùu ndə?»

Matiu 16:27

Viŋ zɔ! Wuu yinsəŋ Nwi ndɔ baa jwì nə yikwalə Tii wi, ghɔ vɨ nshiisə-ŋiisə Nwi. Ŋwə ndɔ bəŋsə nu ŋkɨə faŋ vɨɨ nə yɨ̀sə, tɨ́ vəŋ tɔ tɔ.

Matiu 17:9

Vəŋ kɨ nii sìꞌ fɨ fuu baŋ yɔ́. Yeso gi tɨ́ vəŋ laa kɨ vəŋ naysə nu ŋkɨə faŋ vəŋ nii ye tɨ́ wə me, gə ziꞌ maa yighee njyə faŋ yi ndɔ ywey fɨ shɨ yiku.

Matiu 19:28

Yeso gi tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, yighee njyə faŋ Nwi ndɔ naysə mbi, nyə gu yifi, Wuu yinsəŋ Nwi ndɔ duꞌ fuu ŋkaw məsɔꞌ mbi. Gə fɨ maa viŋ faŋ viŋ bèꞌsə mə nə, viŋ ndɔ duꞌ fuu vəŋkaw və məsɔꞌ njɔsə-bɔɔ nɨzi, kɨ sɔꞌ ŋgwisə ŋiꞌ ŋii Isirayl njɔsə-bɔɔ nə.

Mark 8:38

Kɨ ghaŋ tɔ wə dɨɨ maa Wuu yinsəŋ Nwi nə mədeesə wi taa mbi yibwə nyə̀, buu tɔ ki ndɔ dɨɨ maa wə ghɔ́ nɨzi maa yighee njyə faŋ ghɔ vɨ nshiisə-ŋiisə Nwi ndɔ jwi mɔ́ꞌ taa nu yifwàŋ Nwi.»

Lukas 12:8

Viŋ zɔ! Mə naysə tɨ́ viŋ laa, wə ntɨə faŋ ŋwə bìŋ mə taa ŋwaa vɨɨ, buu Wuu yinsəŋ Nwi ndɔ biŋ ŋwə nɨzi vɨsɨ nshiisə-ŋiisə Nwi.

Lukas 18:8

Mə naysə tɨ́ viŋ laa, ŋwə ndɔ gaŋtə vəŋ nə nsɔꞌsə vəŋ titi. Gə fɨ maa Wuu yinsəŋ Nwi, vɨɨ ndɔ luu shɔ faŋ vəŋ nùŋ fwisə vəŋ maa ŋwə maa yighee njyə faŋ ŋwə ndɔ bəŋ jwi taa mbi nə mu?»

Lukas 2:12

Shwenə ki faŋ kaꞌ viŋ taa kɨɨ nə ŋwə fuŋ, lùu laa viŋ taa ye wee faŋ vɨ ndiŋtə ŋwə taa vəway və njwisə, ndɔ̀ nùŋ ŋwə taa ŋkɨŋ fazɨ nyaasə.»

Lukas 2:16

Vəŋ kɔꞌlə gə, ye Meri ghɔ Josef, nə wee faŋ ŋwə nɔ̀ŋ taa ŋkɨŋ fazɨ nyaasə.

Lukas 2:7

Ŋwə bi mfɔŋ ŋwiŋ wi, luu wee-wəndɔŋ, ndìŋtə ŋwə taa vəway və njwisə, nùŋ ŋwə taa ŋkɨŋ fazɨ nyaasə taa ta nyaasə. Vəŋ nə shi taa ta nyaasə, buꞌ laa shəŋ nə kee lùu shɔ taa ŋii tɨ́ vəŋ maa məshi shɔ me.

Lukas 21:36

Nɨniŋ, viŋ kɨ shi nə yikɨꞌ ghee nshə, shɔꞌtə Nwi laa ŋwə kɔ wutə tɨ́ viŋ, tɨ́ kaꞌ viŋ nyɨŋkə fɨ ghɔ vənu mbɨə faŋ mbə taa jwi nə, ndɔ tɨŋnə vɨsɨ Wuu yinsəŋ Nwi.»

Lukas 8:3

nə Joana, zu Shusa faŋ nə luu wuu məndeynə vətɔ və fwàŋ Herod, nə Susana, nə vəki vəmɔ́ꞌ vəyaŋ. Vəki vɔ́ gaŋtə Yeso nə vɨɨ vi nə vətɔ vəvəŋ.

Lukas 9:58

Yeso gi tɨ́ ŋwə laa, «Fəsə kìi təŋɔŋ maa məshi shɔ. Mənwə fɨ taa yizɔ kii təzi. Gə fɨ maa Wuu yinsəŋ Nwi, ŋwə kee kìi shəŋ nùŋ tɔ ki shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:34

Nwaa vɨɨ ghɔ́ gi tɨ́ ŋwə laa, «Yia zɔ̀ faŋ vɨ nə ŋwàꞌlə taa ŋwaꞌlə Nwi laa, Kristo, wuu məbweysə ŋwaa-nsiŋ faŋ Nwi tɔ̀ŋ, ndɔ goꞌsə yighee muꞌ. Sii yɨ̀ kə buu a gi laa vɨ ndɔ bɨŋsə Wuu yinsəŋ Nwi? Ŋwə sii lùu ndə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:31

Faŋ Judas nə gə̀ nɨniŋ nə, Yeso gi tɨ́ vɨɨ məzwetə nu ki laa, «Yighee kùꞌnə faŋ vɨɨ taa ye yikwalə Wuu yinsəŋ Nwi. Vɨ taa ye yikwalə Nwi nɨzi buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:13

Tuu wə nə kee ta koꞌ gə̀ yizɔ me. Nɨniŋ, wə muꞌ nə sìꞌ fɨ taa yizɔ. Wə ghɔ́ lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:14

Ŋkee fɨ shi Mose nə ndì zɔ faŋ vɨ nə nàysə fɨ maa bwey, bèy maa tɨ, shàꞌsə yizɔ taa tɔɔ waꞌsə. Sheꞌ nee, vɨ ndɔ ghaa shaꞌsə Wuu yinsəŋ Nwi yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:53

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, viŋ kɨ luu kee kɨ kwə mbasə Wuu yinsəŋ Nwi, ndɔ nu mənshi mi me, buu kaꞌ viŋ kee kìi məbwey ghɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:62

Viŋ sii taa gì laa kə, faŋ viŋ ye Wuu yinsəŋ Nwi ndɔ bəŋ koꞌ gə̀ shəŋ ŋkɨə faŋ ŋwə nə ndɔ̀ fɨ fuŋ?

Akts 7:56

Ŋwə gi laa, «Mə ye yizɔ ŋaꞌnə, yè Wuu yinsəŋ Nwi faŋ ŋwə tɨ̀ŋ maa kwiŋ maꞌnə Nwi.»

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.