Matiu 8:2 - Vengo (Babungo)

² Wuu zatə bwə mɔ́ꞌ jwi maa ŋwə, jə̀ vətɔ vəyəə vi nsi, gì laa, «Tɨta, kɨ luu a kaw, a kìi wutə maa məyɨsə mə ley.»

Matiu 8:2 ပူးပေါင်းရင်းမြစ်များ

Matiu 10:8

Viŋ kɨ fuusə vəza fɨ maa vɨɨ vəza, yweysə vɨɨ fɨ shɨ yiku, yɨsə zatə bwə me fɨ maa vɨɨ, fuusə vəzwitə vəbwəvə fɨ maa vɨɨ. Viŋ nə fì wutə fɨ ghɔ Nwi dayday, viŋ kɨ kɔ dayday nɨzi.

Matiu 13:58

Nɨniŋ, ŋwə kee yɨ̀sə vənu vəkwalə yifi vəyaŋ me, buꞌ faŋ vɨɨ vɔ́ kee bìŋ ŋwə me.

Matiu 14:33

Vɨɨ fɨ taa bay kɔ́ tuŋ vətɔ vəyəə vəvəŋ nsi vɨsɨ ŋwə, bə̀ŋsə ŋwə, gì laa, «A lùu wee Nwi ŋkee maa yinsəŋ!»

Matiu 15:25

Wəzwi ghɔ́ jwi tùŋ vətɔ vəyəə vi nsi vɨsɨ ŋwə, gì laa, «Tɨta, gaŋtə mə!»

Matiu 18:26

Wuu faꞌ ghɔ́ tuŋ vətɔ vəyəə vi nsi, bùꞌ ghɔ tɨ́ tɨɨ faꞌ wi, gì laa, «Jia fwi yə, meꞌtə mə, mə taa ndɔꞌ yinshə.»

Matiu 2:11

shɔɔ gə̀ ŋìi taa ŋii yɔ́, yè wee ghɔ́ ghɔ nshu wi Meri. Vəŋ guŋnə nsi, bə̀ŋsə wee ghɔ́, keꞌtə vətɔ vəvəŋ, kèy wee ghɔ́ nə goolə, baa nə ndiŋ, nə məŋgwə mə lamenda (faŋ nə luu ŋkee vətɔ və shwaŋ ndɔŋnə.)

Matiu 20:20

Yiŋkii kɨ shɔɔ, nshu vaŋ Zebedii ghɔ vɨ vaŋ vi vɔ́ jwi yɨ Yeso, jə̀ vətɔ vəyəə vi nsi, bùꞌ ghɔ tɨ́ ŋwə maa nu.

Matiu 26:6

Kɨ lùu maa yighee njyə faŋ Yeso nə luu taa ŋii Saymon, ŋgwə faŋ ŋwə yaa kii zatə bwə nə, ntɨꞌ Betani,

Matiu 28:17

Vəŋ ziꞌ yifi, ye ŋwə, gwènə ŋwə. Luu nə, vɨɨ mɔ́ꞌ kɨ bɨbɨꞌtə.

Matiu 28:9

Vəŋ gə nɨniŋ, ghɔ vɨ Yeso faynə. Ŋwə shɔꞌtə vəŋ laa, «Viŋ kɨ ŋaytə mɔɔ!» Vəŋ shəŋtə gə̀ yɨ ŋwə, gu ghuu ŋwə, jìa ghuu ghi, bə̀ŋsə ŋwə.

Matiu 4:9

Tɨɨ vəzwitə vəbwəvə gi tɨ́ ŋwə laa, «A taa kɨ luu guŋnə nsi, bəŋsə mə, mə kɔ̀ vətɔ və̀ tɨ́ ghɔ vənshə.»

Matiu 8:1

Yeso kɨ nii siꞌ fɨ fuu baŋ yifi, nwaa vɨɨ vəyaŋ beꞌsə ŋwə.

Matiu 8:25

Vɨɨ məzwetə nu ki gə yɨ ŋwə, yə̀ŋ ŋwə fɨ mbweysə, gì tɨ́ ŋwə laa, «Tɨta, yɨsə nsiŋ bwey, buꞌ nsiŋ kukə.»

Matiu 9:18

Faŋ Yeso kɨ bii gisə tɨ́ vəŋ nɨniŋ, wuu kwalə mɔ́ꞌ fɨ taa ŋii Nwi jwi, tùŋ vətɔ vəyəə vi nsi vɨsɨ ŋwə, gì laa, «Ŋwiŋ ŋwaa wəzwi ku sheꞌ ndwə ndwə. Bàw laa a jwi, mɔ̀ꞌ ghɔ maa ŋwə, ŋwə ywey.»

Lukas 4:27

Vɨɨ zatə bwə nə luu vəyaŋ shɨ Isirayl maa yighee nshiiŋii-sɔghɔ Elaysha. Elaysha nə kee shùꞌ tuu wə fɨ vəŋ me, shuꞌ sheꞌ Naaman, wuu shɨ Siria.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:38

Ŋwə gi laa, «Tɨta, mə bìŋ, nùŋ fwi nyaa maa ghɔ,» kɨ nii tùŋ vətɔ vəyəə vi nsi vɨsɨ Yeso.

Akts 10:14

Pita gi laa, «Bey, tɨta, mə nə kee ta zɨ̀ fa faŋ lùu fa bwə me, tɨꞌnə me, fa faŋ lùu fa faŋ ŋkə kee lùu kəley vɨsɨ Nwi me.»

Akts 10:25

Faŋ Pita nə jwì shɔ nə, Kɔrniliɔs ndɔ, gu ghuu ŋwə, bə̀ŋsə ŋwə.

1 Kɔrintian 14:25

Təgi tɔ́ taa yɨsə vənu mbɨə faŋ ŋwə bɨꞌtə fɨ taa fwi ŋwə, fuu ntee. Ŋwə kɨ nii tùŋ vətɔ vəyəə vi nsi vɨsɨ Nwi, kɔ̀ feenə tɨ́ Nwi, baa tèytə laa, «Yinsəŋ, viŋ vɨ Nwi lùu mɔ́ꞌ.»

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.