Matiu 7:21 - Vengo (Babungo)

²¹ Kee ndɔ ŋii vɨɨ vənshə faŋ vəŋ tii mə laa, «Tɨta, tɨta,» ŋìi taa nu yifwàŋ yizɔ me. Ndɔ ŋii sheꞌ wə ntɨə faŋ ŋwə zɔnə ntɨsə Tii ŋwaa fɨ yizɔ.

Matiu 7:21 ပူးပေါင်းရင်းမြစ်များ

Matiu 12:50

Wə ntɨə faŋ ŋwə yɨsə nu ŋkɨə faŋ Tii ŋwaa fɨ yizɔ kəə ŋkə, buu lùu weenshu ŋwaa wəndɔŋ, tɨꞌnə me wəzwi, tɨꞌnə me lùu nshu ŋwaa nɨzi.»

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 18:19

Mə baa naysə ŋkee nu tɨ́ viŋ laa, vɨɨ vəbɔɔ fɨ taa ŋwaa viŋ kɨ luu faynə yigisə vəŋ nsi feenə maa məbuꞌ ghɔ tɨ́ Nwi buꞌ nu mɔ́ꞌ, buu Tii ŋwaa fɨ yizɔ taa yɨsə nu kɔ́ tɨ́ vəŋ.

Matiu 18:3

gì laa, «Viŋ zɔ! Mə naysə ŋkee nu yinsəŋ tɨ́ viŋ laa, viŋ kɨ luu kee kwìinə fwi siŋ, gù yaa vaŋmbwaa me, buu kaꞌ viŋ kee ndɔ ŋii nu yifwàŋ yizɔ me.

Matiu 18:35

Luu sheꞌ faŋ Tii ŋwaa fɨ yizɔ ndɔ yɨ maa viŋ nɨzi, faŋ viŋ kee ndènə yibɨsə vaŋ-nshwi viŋ fɨ taa fwisə viŋ me.»

Matiu 19:24

baa nə laa, «Ŋkə lùu kəyaysə tɨ́ nyaa yikwalə maa məshɔɔ fɨ maa ŋɔŋ tasə, fɨ ghɔ tɨɨ ka maa məŋii taa yifwàŋ Nwi.»

Matiu 25:10

Faŋ vəŋ nə gə̀ maa məywaŋ nə, wəndɔŋ məndaa ghɔ́ jwì, vɨɨ mbɨə faŋ vəŋ nə lòotə yiŋwaa vəŋ nə, ŋii taa ŋii yitianə yɔ́. Vɨ kɨ nii fə̀ŋ shuufɔ.

Matiu 25:21

Tɨɨ faꞌ wi gi laa, «A yɨ̀ jəə, a lùu wuu faꞌ jəə, baa lùu wuu yinsəŋ. A nə luu wuu yinsəŋ maa wee-fɨ-fa, mə taa kɔ vəyaŋ tɨ́ ghɔ. Gə nə, ŋìi taa shəŋ məŋaytə tɨɨ faꞌ wə.»

Matiu 26:39

Ŋwə filə gə, tùŋ yikəꞌ yi nsi maa məshɔꞌtə Nwi, gì laa, «Tii ŋwaa, jɨɨ yiday lùu shɔ, a yɨ̀ ndaw ŋɨꞌ nyə̀ shɔ̀ɔ fɨ maa mə. Luu nə, kɨ ŋkə gay maa ŋkitə nyaa me; yɨ nu ŋkɨə faŋ ŋkə lùu taa ŋkitə yə.»

Matiu 26:42

Ŋwə baa kii bəŋ gə̀ maa məshɔꞌtə Nwi lwesə ghee bɔɔ, gì laa, «Tii ŋwaa, ŋkitə yə gay, faŋ a bɨꞌtə laa jɨɨ yiday kee lùu shɔ tɨ́ kaꞌ ndaw ŋɨꞌ nyə̀ shɔ̀ɔ, maa laa mə nu me.»

Mark 3:35

Wə ntɨə faŋ ŋwə yɨsə nu ŋkɨə faŋ Nwi kəə, lùu weenshu ŋwaa nə nshu ŋwaa.»

Mark 9:47

Kɨ ghaŋ yisɨ yə yɨsə a yɨ nu bwə, kɨlə, fùusə. Bàw laa a ndɔ ŋii yifwàŋ Nwi nə yisɨ yimuꞌ, fɨ ghɔ a kii sɨ bɔɔ, vɨ mɔꞌ ghɔ taa wi faŋ lùu shəŋ vəŋku vənsisə vəbwəvə,

Lukas 11:28

Ŋwə gi ŋkii laa, «Bey, mənɔŋ-bwaŋnə tɔ vɨɨ mbɨə faŋ vəŋ zɔ nu Nwi jia!»

Lukas 13:25

Yighee ndɔ kɨ jwi faŋ tɨɨ ŋii ndɔ fəŋ shuu ŋii wi. Viŋ ndɔ tey kɨ jwi sheꞌ maa yighee yɔ́, buu viŋ ndɔ tɨŋnə fu, kɨ tii, gisə laa, «Tɨta ŋaꞌsə shuu ŋii, yia ŋii!» Ŋwə bəŋsə tɨ́ viŋ laa, «Mə kee kɨɨ nə fɔɔ yuu viŋ ndɔ̀ fɨ fuŋ me.»

Lukas 18:25

Ŋkə lùu kəyaysə tɨ́ nyaa yikwalə maa məshɔɔ fɨ maa ŋɔŋ tasə, fɨ ghɔ tɨɨ ka maa məŋii nu yifwàŋ Nwi.»

Lukas 6:46

Yeso baa gi laa, «Sii yɨ̀ kə viŋ tii mə laa «tɨta, tɨta», kee kɨ yɨsə nu ŋkɨə faŋ mə gisə me?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:7

Viŋ nii toꞌ kɨɨ nə mə, buu viŋ kɨ̀ɨ nə Tii ŋwaa nɨzi. Shù ndee viŋ kɨɨ nə ŋwə. Viŋ duꞌtə viŋ ye ŋwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:23

Wə ntɨə faŋ ŋwə bee mə, bee Tii ŋwaa nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:17

Maa yighee yɔ́ Yeso gi tɨ́ vɨɨ Jus vɔ́ laa, «Tii ŋwaa faꞌ faꞌ ghee nshə. Nɨniŋ, mə faꞌ ghee nshə nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Roma 12:2

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Roma 2:13

Wə kee lùu wuu loomə vɨsɨ Nwi, buꞌ faŋ ŋwə nə zɔ̀ ntɨsə Nwi me. Ŋwə loomə buꞌ faŋ ŋwə yɨsə nu ŋkɨə faŋ ntɨsə sɔ́ gì nə.

Efesɔs 6:6

Kɨ viŋ kɨ zɔnə vəŋ nə boꞌ me, faŋ viŋ kəə bàw tɨ́ vɨɨ me. Kɨ zɔnə vəŋ yaa vəbuꞌ və Kristo, faŋ vəŋ yɨ̀ nu ŋkɨə faŋ Nwi kàw nə fwi yiley nə.

Kɔlɔsii 4:12

Epafras, faŋ lùu wuu shɨ wiŋ, baa lùu wuu faꞌ Yeso Kristo nə, shɔꞌtə viŋ nɨzi. Ŋwə shɔꞌtə Nwi tɔ viŋ ghee nshə, ndwaŋ Nwi ŋkee nəŋay laa viŋ ta taa nu Nwi, wèꞌ shɔ, kɨ kɨɨ nə Nwi, tɨ́ kaꞌ viŋ bàw shɨlə, yɨ̀ nu ŋkɨə faŋ Nwi kàw.

1 Tesalonika 4:3

Nu ŋkɨə faŋ Nwi kəə lùu laa viŋ baw, ndɔ̀ fɨ̀nə ŋwə, nyɨ̀ŋ fɨ maa nu vəki sakə.

1 Tesalonika 5:18

bwaŋ ŋwə maa vənu vənshə, buꞌ laa nu ŋkɨə faŋ Nwi kəə, lùu laa viŋ kɨ yɨsə nɨniŋ maa yizii Yeso Kristo.

Taytəs 1:16

Vəŋ gisə laa vəŋ kɨ̀ɨ nə Nwi. Luu nə, vəŋ twey ŋwə fɨ taa nshinə vəŋ. Vəŋ luu ŋkee vɨɨ bwənə, kee zɨzɔnə Nwi me, kee bee kùꞌnə maa məyɨ tuu nu jəə kəmuꞌ me.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

Hibru 4:6

Nɨniŋ, ŋkɔꞌnə Nwi yɔ́ kɨ bii shɔ tɨ́ vɨɨ mɔ́ꞌ, laa vəŋ ndɔ ŋii maa shəŋ məshəŋ ŋwaa kɔ́ nə. Vɨɨ vɨsɨ faŋ vəŋ nə fɔŋ zɔ ŋkɔꞌnə Nwi yɔ́, kee ŋìi shɔ me, buꞌ laa vəŋ nə kee nùŋ fwi vəŋ maa Nwi me.

Jeyms 1:22

Viŋ kɨ zɔ yigisə Nwi yɔ́, yɨsə nɨzi, buꞌ viŋ bweꞌsə yiŋwaa yiŋ.

1 Pita 2:15

Nwi kəə laa viŋ kɨ yɨ sheꞌ vənu vəjəəvə, laa mbə shə shuu vəmfaw faŋ vəŋ kee kɨ̀ɨ nə nu me.

1 Pita 4:2

kee baa kɨ jɔŋ fɨ yiba jɨŋ vətɔ mbɨə faŋ vɨɨ kaw maa yighee nyə̀ me. Kɨ sɔꞌ ŋkitə Nwi sɔꞌ wə ghɔ́.

Reveleyshən 2:27

Ŋwə sɔꞌ vəŋ nə mbay bwey, nyeꞌtə vəŋ yaa shɔꞌ vəntɨɨ.

Reveleyshən 22:14

Mənɔŋ-bwaŋnə tɨ́ vɨɨ mbɨə faŋ vəŋ sɔ̀ njwisə vəŋ, nsə ley, tɨ́ kaꞌ vəŋ kìi wutə maa məkwə fɨ maa vətaŋ tɨ və məbwey, baa nə maa məshɔɔ fɨ shuu ŋkɔꞌ, ŋìi taa shɨ yɔ́.

Reveleyshən 3:5

Wə ntɨə faŋ ŋwə tɨ̀ŋnə, wèꞌ maa nu kaŋ, kɨ ghɔꞌ nu bwə, buu vɨ ndɔ mɔꞌ njwisə fusə maa ŋwə. Mə nyɔꞌ yizii yi taa ŋwaꞌlə məbwey vəlwaŋ, kee ndɔ baa ndɨɨsə me. Mə biŋ yizii yi vɨsɨ Tii ŋwaa, baa nə vɨsɨ nshiisə-ŋiisə Nwi.»