Matiu 7:15 - Vengo (Babungo)

¹⁵ «Viŋ kɨ tɔfə buꞌ vɨɨ məbweꞌsə vɨɨ faŋ vəŋ gi laa vəŋ lùu nshiisə-ŋii sɔghɔ, faŋ kee tɔŋ Nwi tɔŋ vəŋ me. Vəŋ jwi yuu bisə-njɨɨ, luu nə, fɨ təŋ vəŋ lùu vəbɔɔ vəbwəvə.

Matiu 7:15 ပူးပေါင်းရင်းမြစ်များ

Matiu 10:17

Viŋ kɨ ndɨɨnə fɨ ghɔ vɨɨ taa mbi, buꞌ laa vəŋ ndɔ kɔ viŋ taa ghɔ vɨɨ məshia nsɔꞌ, baa sàŋ viŋ nə vəmfa taa ndɔꞌ Nwi vəŋ.

Matiu 16:11

Mə nii kee gì tɨ́ viŋ buꞌ fazɨ me. Sii yɨ̀ kə viŋ kee kɨ̀ɨ nə ŋiꞌ nu ŋkɨə faŋ mə nii gì laa viŋ shiinə ŋwaa wiŋ fɨ ghɔ fənsɨŋ fə məmwasə bee fə vɨɨ Farisii nə vɨɨ Sadusii nə me?»

Matiu 16:6

Yeso gi tɨ́ vəŋ laa, «Viŋ tɔfə, kɨ shiinə yiŋwaa yiŋ buꞌ fənsɨŋ fə məmwasə bee fə vɨɨ Farisii nə vɨɨ Sadusii!»

Matiu 24:11

Vɨɨ məsɨɨ təba maa yigisə Nwi fuu mbi vəyaŋ, kɨ bweꞌsə vɨɨ vəyaŋ.

Matiu 7:14

Luu nə, shuu məŋii məbwey vəlwaŋ tiitə. Jɨɨ məgə ŋii shɔ baa lùu yitɨtiꞌ. Ye sheꞌ mbusə vɨɨ ye jɨɨ yitɨtiꞌ yɔ́.»

Lukas 12:15

Ŋwə baa kɨ nii gì tɨ́ vɨɨ vɔ́ laa, «Viŋ kɨ ndɨɨnə, shiinə yiŋwaa yiŋ laa, kɨ fwi yiŋ kɨ ndɔ maa vətɔ me, fɔnə wə kee yaa kɨ bwey buꞌ laa vətɔ yàŋ ghɔ ŋwə bə̀ me.»

Lukas 6:26

Ndwaŋ tɔ viŋ faŋ vɨɨ vənshə bəŋsə yizii yiŋ ndwə. Luu sheꞌ faŋ vətɨɨ vəvəŋ nəə yɨsə maa nshiisə-ŋii sɔghɔ səbwəsə, faŋ vəŋ nəə sɨɨ təba nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:12

Gə̀ fɨ maa wə ntɨə faŋ ŋwə faꞌ faꞌ maa ka, faŋ ŋwə kee lùu tɨɨ bisə me, kɨ ghaŋ kəŋ wə ghɔ́ ye nyaa yibwə nə jwì, buu ŋwə taa nyɨŋ, mèꞌtə bisə sɔ́, nyaa yɔ́ jiatə bisə sɔ́, sàynə nsə.

Akts 13:40

Nɨniŋ, viŋ kɨ tɔfə ŋkee jəə, laa nu faŋ nshiiŋii-sɔghɔ nə nyɔ̀ꞌ, kɨ ŋkə ndɔ gay maa viŋ me. Nu kɔ́ lùu laa,

Akts 13:6

Vəŋ kɨ nii baa ndɔ̀ fɨ yifi, shɔ̀ɔ shɨ kɔ́ kənshə, gə̀ zìꞌ ntɨꞌ yikwalə yimɔ́ꞌ. Yizii ntɨꞌ yɔ́ luu Pafɔs. Vəŋ ziꞌ yifi, yè wuu Jus mɔ́ꞌ, faŋ lùu wuu ŋay baa lùu wuu məsɨɨ təba maa nu Nwi, yizii yi luu Bar-Jiisəs.

Galatia 2:4

Ntay yɔ́ nə koꞌ sheꞌ buꞌ vɨɨ mbɨə faŋ vəŋ fùŋsə yiŋwaa, laa vəŋ lùu vɨɨ Kristo, faŋ vəŋ nyɔꞌtə ŋii taa nshəŋtə vɨɨ Kristo. Vəŋ nə nyɔꞌtə ŋìi maa məye nshinə nyaa-nsiŋ, maa mədə tɨ́ vɨɨ laa nsiŋ gù nu, buꞌ faŋ nsiŋ vɨ Yeso Kristo fàynə, dùꞌ vəley, nuŋsə vɨɨ Jus kee baa kìi wutə tɔ nsiŋ me. Vəŋ nəə kəə laa nsiŋ ŋii taa nuŋsə vɨɨ Jus, gù vəbuꞌ tɨ́ nuŋsə vɨɨ Jus.

Efesɔs 4:14

Kɨ nsiŋ baa luu yaa vaŋmbwaa me, yuu kɨ toꞌ kwiŋ nshə, zɔ̀ ntɨsə sənshə buꞌ mənay vɨɨ, maa jɨɨsə nsɨə faŋ vəŋ bweꞌsə vɨɨ shɔ nə.

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

Filipi 3:2

Viŋ kɨ shiinə yiŋwaa yiŋ fɨ ghɔ busə sì. Viŋ kɨ shiinə fɨ ghɔ vɨɨ mbɨə faŋ vəŋ jwi kɨ deesə nu bwə taa ŋwaa viŋ, faŋ vəŋ nùŋ tɔ vəŋ sheꞌ maa nu məsɨɨtə vɨɨ nə.

Kɔlɔsii 2:8

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

2 Timoti 3:13

Luu nə, vɨɨ bwənə nə vɨɨ məbuulə yitɔ yi vɨɨ gə vɨsɨ vɨsɨ nə nu bwə vəŋ, toꞌ bweꞌsə vɨɨ, vɨɨ bweꞌsə vəŋ nɨzi.

2 Timoti 4:3

A kɔꞌ kɨɨ laa yighee ndɔ kɨ jwi, faŋ nu yinsəŋ Nwi ndɔ bɨ tɨ́ vɨɨ, vəŋ twey maa məzɔ, gə̀ kɨ kəə vɨɨ mədeesə vəŋ, faŋ vəŋ gisə sheꞌ vənu faŋ mbə sɨꞌsə tɨ́ vəŋ.

2 Pita 3:17

Gə fɨ maa viŋ, vaŋ-nshwi vaŋ faŋ mə kàw, viŋ duꞌtə viŋ kɨɨ nə vənu vɔ́ ndwə. Nɨniŋ, mə naysə tɨ́ viŋ laa, viŋ ndi yighee, laa vɨɨ mbɨə faŋ vəŋ kee zɔnə Nwi me, kee yɨ laa viŋ fiŋ taa ghuu yitoꞌ vəŋ me. Kɨ viŋ kɔ jɨɨ tɨ́ vəŋ laa vəŋ yɨ viŋ meꞌtə shəŋ jəə ŋkɨə faŋ viŋ tɨ̀ŋnə shɔ nə me.

1 Jɔn 4:1

Vɨɨmba vaŋ, kɨ viŋ baa kɨ biŋ vənu vənshə faŋ vɨɨ fɨꞌtə tɨ́ viŋ laa fɨ̀ꞌtə Zwitə Ley Nwi tɨ́ vəŋ me. Viŋ mɔŋ vəŋ, ywiitə laa zwitə ŋkɨə faŋ ŋkə lùu ghɔ vəŋ, nə ndɔ̀ fɨ ghɔ Nwi mu? Viŋ mɔŋ vəŋ buꞌ laa vɨɨ məsɨɨ təba maa nu Nwi fùu taa mbi vəyaŋ.

Ŋwaꞌlə Jud 1:4

Mə gì nɨniŋ buꞌ laa vɨɨ mɔ́ꞌ shɔ faŋ vəŋ kee kɨ̀ɨ nə Nwi me. Vəŋ ŋìi taa ŋwaa viŋ fɨ yiba, kəə jɨɨsə maa məkwiinə jɨɨ njyə faŋ Nwi kee gəŋ saŋ-nsiŋ nə. Vəŋ kwiinə jɨɨ yɔ́ maa məyɨsə vənu vəbwəvə faŋ fwisə vəŋ kàw. Vəŋ twey ŋkee Yeso Kristo nɨzi, faŋ ŋwə luu ŋkee Tii ŋwaa-nsiŋ faŋ ŋwə sɔꞌ nsiŋ. Vɨ nə nyɔ̀ꞌ taa ŋwaꞌlə Nwi fɨshi laa, Nwi ndɔ kwaŋ kəŋ vɨɨ vɔ́ taa nsɔꞌ.

Reveleyshən 16:13

Mə kɨ nii yè vəzwitə vəbwəvə vətia faŋ mbə nə luu yaa vənyɨnshaŋ, mbə fuu fɨ taa shuu zɔ-ŋgu-yibay, nə fɨ shuu nyaa yɔ́, nə fɨ shuu nshiiŋii-sɔghɔ, wuu təba ghɔ́.

Reveleyshən 17:6

Mə kɨ ye, yè wəzwi ghɔ́, tɨ́ ŋwə nu mənshi mə vɨɨ ley Nwi nə mənshi mə vɨɨ mbɨə faŋ vəŋ nəə biŋ Yeso ntee, vɨ zwìlə vəŋ nə. Mə ye nɨniŋ, shuu ŋwaa yɔŋ.

Reveleyshən 19:20

Vɨ jia nyaa yɔ́, baa jìa wuu məsɨɨ təba wì faŋ ŋwə nəə naysə vəshwenə və shuu yɔŋvə vɨsɨ ŋwə, bweꞌsə vɨɨ shɔ nə, mbɨə faŋ vəŋ nə kìi shwenə nyaa yɔ́, nə vɨɨ mbɨə faŋ vəŋ nəə bəŋsə fənyia fə nyaa yɔ́ nə. Vɨ ndi nyaa yɔ́, ghɔ wuu ntɔŋ wi, vəbwey, mɔ̀ꞌ taa shəŋ wi kwalə faŋ ŋwə kɨɨ, lumə ki zwilə vɨɨ.

Reveleyshən 20:10

Vɨ mɔꞌ tɨɨ vəzwitə vəbwəvə, faŋ ŋwə nə bwèꞌsə vɨɨ vɔ́ nə, taa shəŋ wisə kwalə, faŋ ŋwə kɨɨ, lumə ki zwilə vɨɨ nə, maa shəŋ ŋkɨə faŋ nyaa yi ghɔ wuu məsɨɨ təba wi lùu shɔ nɨzi nə. Vəŋ ye ŋɨꞌ shɔ vətuꞌ nə shɨshwi maa vəshi və mbi vənshə, ki kee ndɔ luu shɔ me.